Taon 36 Blg.
65 Ika-11 Linggo sa Karaniwang Panahon (A) — Luntian
A ng salitang “kapangyarihan”
ay nagdudulot sa atin
ng kakaibang pakiramdam.
Marinig lang natin ito ay tila
bang tinatakot o sinisiraan tayo
ng loob. At kapag haharap tayo
sa isang may kapangyarihan,
nanliliit tayo sa kanya o kaya
naman ay lumalakas ang ating
loob.
Sa ating Ebangelyo
ngayon, binigyan ni Hesus
ng kapangyarihan ang kanyang
mga alagad. Sila ay inatasan
bilang mga “apostoles,” na
ang ibig sabihin ay “mga
taong isinugo sa pangalan
n i ya .” B i n i g ya n s i l a n g
kapangyarihang pagalingin
ang mga maysakit at buhayin
ang mga patay, pagalingin ang
mga ketongin, at palayasin
a n g m g a d e m o nyo . A n g
kapangyarihang ito ay ang
kapangyarihan din mismo ni
Hesus na tinanggap niya mula
sa Ama.
Ito rin ang kapangyarihang
pinagkaloob sa Simbahan
hindi lamang sa mga pari, na
inaakala ng marami, kundi
Ang Kapangyarihang
Naging Pag-ibig
P. Maxell Lowell
C. Aranilla
para sa buong sambayanan
ng Diyos.
Natural lamang na mayroon
tayong kanya-kanyang
kapangyarihan at kakayahang
taglay. Mayaman o mahirap,
babae o lalaki, kasal o hindi,
matanda man o bata—may
kapangyarihan tayong mabuhay,
magmahal, mangalaga,
lumikha, magpabago, at kahit
na magparami. Sa kabilang
banda, mayroon din tayong
kakayahang magalit, manakit,
manira, masiraan, at kahit na
pumatay. Maaari nating gamitin
ang mga ito sa tama o sa mali.
Sa espiritwal na buhay, sa
sakramento ng binyag, tayo ay
nakikibahagi sa kapangyarihan
ni Kristo bilang pari, propeta,
at hari. Tumatanggap tayo ng
kapangyarihan sa ating binyag.
M ay k a k aya h a n t ayo n g
baguhin ang sarili nating buhay
at ang mundong nakapaligid
sa atin—sa masama man o sa
mabuti. Meron tayong mga
makapangyarihang kamay na
maaaring isara o buksan para
sa mga nangangailangan, mga
Hunyo 18, 2023
mahahabang braso na maaaring
humaplos o makasakit, mga
puso na maaaring magmahal
at magpatawad. Meron tayong
mga pambihirang talino na
maaari nating gamitin para
makabuo o gumiba. Kaya nating
magsalita nang may pag-aaruga
o di kaya’y paninira sa iba.
Ipinakikita ni Hesus
kung paano gagamitin ang
kapangyarihan. Ang kanyang
kapangyarihan ay nagiging
pag-ibig. Ang kanyang
kapangyarihan ay pag-ibig.
Dahil sa kanyang pagmamahal,
pinagsisilbihan niya ang mga
taong nangangailangan ng
kanyang habag. Nakikisalamuha
siya at hinahawakan niya ang
mga taong nangangailangan
ng kanyang pagpapagaling.
Naglilingkod siya nang walang
hinihinging kabayaran.
Bilang mga pinuno ng ating
Simbahan, komunidad, at
pamilya, nararapat lamang na
lagi tayong gabayan ng Espiritu
Santo sa paggamit natin sa
kapangyarihang ito. Dapat nating
alalahanin na hindi atin ang
kapangyarihang ito: ipinagkaloob
ito ng Diyos para pamunuan ang
lahat tungo sa kanya.
Bilang mga alagad ni Hesus,
nararapat lamang na tularan
natin siya—isang lider na
nagsisilbi, at isang tagapagsilbi
na namumuno, lahat para sa
ikaluluwalhati ng Diyos. Gawin
nating pagmamahal ang ating
taglay na kapangyarihan!

PASIMULA
Antipona sa Pagpasok
(Slm 27:7, 9)
(Basahin kung walang pambungad na awit.)
Dinggin mo ang aking tawag,
Poon, ikaw ay mahabag, ako’y
tulungan mo agad. Akin kitang
hinahanap, h’wag biguin aking
sikap.
Pagbati
(Gawin dito ang tanda ng krus.)
P—Ang pagpapala ng ating
Panginoong Hesukristo, ang
pag-ibig ng Diyos Ama, at ang
pakikipagkaisa ng Espiritu Santo
nawa’y sumainyong lahat.
B—At sumaiyo rin.
Paunang Salita
(Maaaring basahin ito o isang katulad
na pahayag.)
P—Binigyan ni Hesus ng kapang-
yarihan ang kanyang mga apostol
na magpagaling at magpalayas
ng demonyo sa ngalan niya. Ang
misyong inatang sa kanila ay tanda
na ang gawain ng Diyos ay dapat
nasasalamin sa pamamagitan
ng paglilingkod nang taos-
puso, mapagpakumbaba, at
mapagmahal.
Hinihikayat tayong tularan
ang ganitong paglilingkod. Sa
ngalan ni Hesus maglingkod
nawa tayong matapat lalo’t higit
sa ating pamilya at kapwa.
Pagsisisi
P—Mga kapatid, aminin natin
sa ating mga kasalanan, at patnu­
bayan tayo sa buhay na walang
hanggan.
B—Amen.
P—Panginoon, kaawaan mo kami.
B—Panginoon, kaawaan mo kami.
P—Kristo, kaawaan mo kami.
B—Kristo, kaawaan mo kami.
P—Panginoon, kaawaan mo kami.
B—Panginoon, kaawaan mo kami.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin
dahil sa dakila mong ang­king
kapurihan. Panginoong Diyos,
Hari ng langit, Diyos Amang
makapangyarihan sa lahat.
Pangi­noong Hesukristo, Bugtong
na Anak, Panginoong Diyos,
Kordero ng Diyos, Anak ng
Ama. Ikaw na nag-aalis ng mga
kasalanan ng sanlibutan, maawa
ka sa amin. Ikaw na nag-aalis ng
mga kasalanan ng sanlibutan,
tanggapin mo ang aming kahi-
lingan. Ikaw na naluluklok sa
kanan ng Ama, maawa ka sa
amin. Sapagkat ikaw lamang
ang banal, ikaw lamang ang
Panginoon, ikaw lamang, O
Hesukristo, ang Kataas-taasan,
kasama ng Espiritu Santo sa
kadakilaan ng Diyos Ama. Amen.
Pambungad na Panalangin
P—Manalangin tayo. (Tumahimik)
Unang Pagbasa
(Ex 19:2–6a) (Umupo)
Binigyang kapanatagan ng Diyos si
Moises sa pamamagitan ng kanyang
presensiya kahit pa sila’y patuloy
pang naglalakbay sa disyerto. Ito’y
patunay na sila’y bayang hinirang at
minamahal ng Diyos.
Pagbasa mula sa aklat ng Exodo
NOONG mga araw na iyon,
mula sa Refidim, nagpatuloy
ang mga anak ni Israel sa ilang
ng Sinai at nagkampo sa tapat
ng bundok. Si Moises naman
ay umakyat ng bundok upang
makipag-usap sa Diyos.
Sinabi sa kanya ng Panginoon,
“Ito ang sabihin mo sa buong
angkan ni Jacob, sa buong Israel.
‘Nakita ninyo ang ginawa ko
sa mga Egipcio. At tulad ng
pangangalaga ng isang agila sa
kanyang mga inakay, kayo’y
aking kinupkop. Kung susundin
ninyo ako at hindi kayo sisira
sa pakikipagtipan ko sa inyo,
kayo ang magiging bayan kong
hinirang. Ang buong daigdig ay
akin ngunit kayo’y aking itatangi.
Kayo’y gagawin kong bayan ng
mga saserdote na maglilingkod
sa akin, nakatalaga sa akin.’ ”
—Ang Salita ng Diyos.
B—Salamat sa Diyos.
Salmong Tugunan (Slm 99)
T—Lahat tayo’y kanyang bayan,
sr. m.c.a. parco, fsp
kabilang sa kanyang kawan.
sr. m.c.a. parco, fsp
     F  Dm
F Dm B♭

   
sr. m.c.a. parco,
B♭fsp

ang ating mga kasalanan Ama naming maka-
 
  La hat F  Dm
 kan  ba
  yang 
    La
B♭
upang tayo’y maging pangyarihan, lakas ka ng mga
 ta yo'y
ta yo'y
marapat gumanap sa banal walang inaasahan kundi ikaw.  hat  
kan 
yang 
ba
na pagdiriwang. (Tumahimik) Ang pagluhog namin ay iyong F La hat Gm kan yangC7
  Gm
ta yo'y ba
  F C7
4

pagbigyan sapagkat kami’y  

  yan,   Gm 
4

B—Inaamin ko sa maka-  
mga tao lamang na pawang   ka bi
F C7
 sa
4

 yan, 
ka bi lang sa
pangyarihang Diyos, at sa inyo,
 
mahihina kapag iyong iniwanan lang
mga kapatid, na lubha akong kaya naman kami’y lagi mong yan, Fsus
ka bi lang F sa

    Fsus
7

nagkasala (dadagok sa dibdib) sa tulungan upang sa pagtupad   

F
 
7

isip, sa salita, sa gawa, at sa aking ng iyong mga kautusan ikaw  kan yang  ka

Fsus  wan.

F
 kan
 yang
7

pagkukulang. Kaya isinasamo ko ay aming mabigyang kasiyahan   

ka 
1. Umawit sa kagalakan ang 
wan.

sa Mahal na Birheng Maria, sa sa aming iniisip at ginagawa

lahat ng mga anghel at mga
banal at sa inyo, mga kapatid, na
ako’y ipanalangin sa Panginoong
ating Diyos.
P—Kaawaan tayo ng makapang­
yarihang Diyos, patawarin tayo
araw-araw sa pamamagitan ni
Hesukristo kasama ng Espiritu
Santo magpasawalang hanggan.
B—Amen.
PAGPAPAHAYAG NG
SALITA NG DIYOS
lahatkanngyang
mga ka wan.
bansa!/ Panginoo’y
papurihan, paglingkuran siyang
kusa;/ lumapit sa harap niya at
umawit na may tuwa! (T)
2. Ang Panginoo’y ating Diyos!
ito’y dapat na malaman,/ tayo’y
kanya, kanyang lahat, tayong
lahat na nilalang;/ lahat tayo ay
bayan niya, kabilang sa kanyang
kawan. (T)
3. Mabuti ang Panginoon, pag-
ibig niya’y walang hanggan,/
Siya’y Diyos na mabuti’t laging
tapat kailanman. (T)
Ikalawang Pagbasa
(Rom 5:6–11)
Hinihikayat ni San Pablo ang mga
sinaunang Kristiyano sa Roma na
manatiling matatag sa kanilang
pananalig kay Kristo. Ang kanyang
pagpapakasakit at pagkamatay ang
siyang nagdala sa atin sa kaligtasan,
at tanda ng kanyang pag-ibig—ito ang
marapat nating panghawakan.
Pagbasa mula sa sulat ni Apostol
San Pablo sa mga taga-Roma
MGA KAPATID, noong tayo’y
mahihina pa, namatay si Kristo
sa takdang panahon para sa
mga makasalanan. Mahirap
mangyaring ialay ninuman ang
kanyang buhay alang-alang sa
isang taong matuwid—bagamat
maaaring may mangahas na
gumawa nito alang-alang sa
isang mabuting tao. Ngunit
ipinadama ng Diyos ang kanyang
pag-ibig sa atin nang mamatay si
Kristo para sa atin noong tayo’y
makasalanan pa. At ngayong
napawalang-sala na tayo sa
pamamagitan ng kanyang dugo,
lalo nang tiyak na maliligtas tayo
sa poot ng Diyos sa pamamagitan
niya. Dati, tayo’y mga kaaway
ng Diyos, ngunit ngayon,
tinatanggap na niya tayong
mga kaibigan alang-alang sa
pagkamatay ng kanyang Anak.
Kaya’t tiyak ang pagkaligtas natin
sa pamamagitan ng pagiging
buhay ni Kristo. Hindi lamang
ito! Nagagalak tayo’t nagpupuri
sa Diyos sa pamamagitan ng
ating Panginoong Hesukristo
sapagkat dahil sa kanya ay
tinanggap tayo ng Diyos na mga
kaibigan niya.
—Ang Salita ng Diyos.
B—Salamat sa Diyos.
Aleluya (Mc 1:15) (Tumayo)
B—Aleluya! Aleluya! Ang D’yos
ay maghahari na, talikdan ang
tanang sala, manalig sa balita
n’ya. Aleluya! Aleluya!
Mabuting Balita (Mt 9:36–10:8)
P—Ang Mabuting Balita ng
Panginoon ayon kay San Mateo
B—Papuri sa iyo, Panginoon.
N O O N G p a n a h o n g i yo n ,
nang nakita ni Hesus ang
napakaraming tao, nahabag siya
sa kanila sapagkat sila’y lito at
lupaypay, parang mga tupang
walang pastol. Kaya’t sinabi niya
sa kanyang mga alagad, “Sagana
ang anihin, ngunit kaunti ang
mag-aani. Idalangin ninyo sa
may-ari ng anihin na magpadala
siya ng mga manggagawa sa
kanyang aanihin.”
Ti n i p o n n i H e s u s a n g
l a b i n d a l awa n g a l a g a d a t
binigyan ng kapangyarihang
magpalayas ng masasamang
espiritu at magpagaling ng
mga may karamdaman. Ito ang
pangalan ng labindalawang
apostol: si Simon na tinatawag
na Pedro at si Andres na kanyang
kapatid; sina Santiago at Juan
na mga anak ni Zebedeo; sina
Felipe at Bartolome; si Tomas,
at si Mateo na publikano; si
Santiago na anak ni Alfeo, at si
Tadeo; si Simong makabayan at
si Judas Iscariote, ang nagkanulo
kay Hesus.
Ang labindalawang ito’y
sinugo ni Hesus at kanyang
pinagbilinan: “Huwag kayong
pupunta sa lugar ng mga Hentil,
o sa alinmang bayan ng mga
Samaritano. Sa halip ay hanapin
ninyo ang mga nawawalang
tupa ng sambahayan ng Israel.
Humayo kayo at ipangaral ninyo
na malapit nang maghari ang
Diyos. Pagalingin ninyo ang
mga maysakit at buhayin ang
mga patay. Pagalingin ninyo
ang mga ketongin at palayasin
ang mga demonyo. Yamang
tumanggap kayo nang walang
bayad magbigay naman kayo
nang walang bayad.”
—Ang Mabuting Balita ng
Panginoon.
B—Pinupuri ka namin, Pangi-
noong Hesukristo.
Homiliya (Umupo)
Pagpapahayag ng
Pananampalataya (Tumayo)
B—Sumasampalataya ako
sa Diyos Amang makapang-
yarihan sa lahat, na may
gawa ng langit at lupa.
S u m a s a m p a l a t aya a k o
kay Hesukristo, iisang Anak
ng Diyos, Panginoon nating
lahat. Nagkatawang-tao siya
lalang ng Espiritu Santo,
ipinanganak ni Santa Mariang
Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao.
N a n g m ay i k a t l o n g a raw
nabuhay na mag-uli. Umakyat
sa langit. Naluluklok sa kanan ng
Diyos Amang makapangyarihan
sa lahat. Doon magmumulang
paririto at huhukom sa
nangabubuhay at nangamatay
na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao, at sa buhay
na walang hanggan. Amen.
Panalangin ng Bayan
P—Mga kapatid, manalangin
tayo sa Ama upang maging
ganap at buhay ang kanyang
kaharian dito sa mundo—ang
kanyang paghaharing puno ng
pag-ibig, kapayapaan, at galak.
Dumalangin tayo:
T—Panginoon, dinggin mo ang
aming panalangin.
L—Patuloy nawang maging
tagapagpahayag at saksi ang
Simbahan sa Mabuting Balitang
hatid ni Kristo na siyang bukal
ng pag-ibig at pagkakaisa.
Manalangin tayo: (T)
L—Huwag nawa panghinaan
ng loob ang mga pinuno ng
Simbahan at bansa kung ang
kanilang mga adhikain ay malayo
pa sa kaganapan. Patuloy nawa
silang manalig sa iyo, O Diyos, at
magtiwala sa tulong ng kawang
kanilang pinaglilingkuran.
Manalangin tayo: (T)
L—Tumugon nawa ang mga
mabubuting kabataan na
tinatawag sa bokasyon ng
pagpapari’t pagiging relihiyoso’t
relihiyosa. Manalangin tayo: (T)
L—Salubungin mo Ama, sampu
ng iyong mga anghel at iyong
banal, ang mga kapatid naming
yumao sa iyong kaharian sa
langit. Manalangin tayo: (T)
L—Sa ilang sandali ng katahi-
mikan, itaas natin sa Diyos ang
ating pansariling kahilingan,
gayundin ang iba pang mga
pangangailangan ng ating
pamayanan. (Tumahimik) Mana-
langin tayo: (T)
P—Diyos naming Ama,
dinggin mo ang aming mga
pagsusumamo upang patuloy
naming mapaglingkuran ang
bawat isa nang taos-puso, may
pagpapakumbaba at dalisay
na pagmamahal tulad ng Anak
mong si Hesukristo kasama ng
Espiritu Santo, magpasawalang
hanggan.
B—Amen.
PAGDIRIWANG NG
HULING HAPUnan
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan sa ating
kapaki­nabangan at sa buong
Sambayanan niyang banal.
Panalangin ukol sa mga Alay
P—Ama naming Lumikha,
kami’y ginawa mong may
angking katauhan na dapat
pakanin at pangalagaan at
iyong dinudulutan ng banal
na pakikinabang. Ipagkaloob
mong kami’y huwag magkulang
sa mga iniuukol mo sa aming
kapakanan sa pamamagitan ni
Hesukristo kasama ng Espiritu
Santo magpasawalang hanggan.
B—Amen.
Prepasyo
(Karaniwang Panahon VI)
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Pangi­
noon.
P—Pasalamatan natin ang
Panginoong ating Diyos.
B—Marapat na siya ay pasala­
matan.
P—Ama naming makapangyari­
han, tunay ngang marapat na
ikaw ay aming pasalamatan.
Nasa iyo ang aming buhay,
pagkilos at pag-iral. Sa pamu-
m u h ay n a m i n a raw - a raw
tinatamasa namin ang iyong
pagmamahal. Sa pag-ibig mong
ipinunla sa sangkatauhan ang
Espiritu Santo’y unang aning bigay
ng Anak mong naglagak sa amin
ng katiyakang nakalaang mabuhay
kami sa piling mo kailanman.
Kaya kaisa ng mga anghel na
nag­sisiawit ng papuri sa iyo nang
wa­lang humpay sa kalangitan,
kami’y nagbubunyi sa iyong
kadakilaan:
B—Santo, Santo, Santo
Panginoong Diyos ng mga
hukbo! Napupuno ang langit
at lupa ng kadakilaan mo!
Osana sa kaitaasan! Pinagpala
ang naparirito sa ngalan ng
Panginoon! Osana sa kaitaasan!
(Lumuhod)
Pagbubunyi (Tumayo)
B—Aming ipinahahayag
na namatay ang iyong Anak
nabuhay bilang Mesiyas at
magbabalik sa wakas upang
mahayag sa lahat.
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B—Panginoon, hindi ako ka-
rapat-dapat na magpatulóy sa
iyo ngunit sa isang salita mo
lamang ay gagaling na ako.
Antipona sa Komunyon
(Slm 27:4)
Ang aking tanging mithiing sa
Diyos ay hinihiling na siya ay
makapiling sa tahanan n’yang
maningning ay akin ngayong
hangarin.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
ang pinagsaluhan naming
banal na pakikinabang na
nagpapahiwatig ng iyong
pakikiisa sa tanang naritong
nakikipagdiwang ay magdulot
nawa ng pagkakaisa sa iyong
Sambayanan sa pamamagitan
ni Hesukristo kasama ng Espiritu
Santo magpasawalang hanggan
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo at hingin ang
pagpapala ng Diyos. (Tumahimik)
Pagpalain nawa kayo at
ingatan ng Panginoon ngayon
at magpasawalang hanggan.
B—Amen.
P—Nawa’y kahabagan niya
kayo at subaybayan ngayon at
magpasawalang hanggan.
B—Amen.
P—Lingapin nawa niya kayo at
bigyan ng kapayapaan ngayon
at magpasawalang hanggan.
B—Amen.
P—Pagpalain kayo ng makapang-
yarihang Diyos, Ama at Anak (†)
at Espiritu Santo.
B—Amen.
Pangwakas
P—Tapos na ang Banal na Misa.
Humayo kayo sa kapayapaan.
B—Salamat sa Diyos.