EDITORYAL
BINAGONG K-10 CURRICULUM PARA SA
MATATAG NA EDUKASYON
https://www.philstar.com/pilipino-star-ngayon/opinyon/2024/01/22/2327545/editoryal-inutilto
Kamakailan ay inilunsad ng Department of
Education (DepEd) ang binagong Kinder to
Grade 10 (K-10) curriculum na makabuluhang
bawasan ang mga kakayahan sa pag-aral na
kailangang maging dalubhasa ang mga
estudyante na magsisimula sa isang pilot
program ngayong pasukan. Nasa 70 porsiyetno
ng kasalukuyang curriculum ay mababawasan
kung saan ang learning competencies ay
ibababa sa mga 3,600 mula mahigit 11,000
upang bigyan ng mas maraming panahon ang
tinatawag ng DepEd na foundational skills para
sa isang mas mahusay na resulta ng pag-aaral.
Matapos ang paunang implementasyon sa mga
piling paaralan ngayong pasukan (school year),
ang binagong curriculum ay isasagawa sa mga
yugto. Ang implemetasyon ay magsisimula sa
Kinder, at mga Grade level 1, 4, at 7 sa School
Year 2024 hanggang 2025; mga Grade 2,5 at 8
sa School Year 2025 hanggang 2026; mga
Grade 3, 6 at 9 sa School Year 2026 hanggang
2027; at Grade 10 sa School Year 2027
hanggang 2028. Ang paglulunsad ng pinigang
K-10 curriculum na tinaguriang “Matatag”
curriculum ay linikha matapos ang dalawang
taong proseso ng pagrepaso na kinonsulta ang
iba’t-ibang may kinalaman gaya ng mga guro,
mga higher education institution, mga
pribadong paaralan, at mga internasyonal na
eksperto.
Sa bagong curriculum ay ibababa ang learning
areas sa maagang mga antas mula pito sa lima:
Language, Reading and Literacy, Math,
Makabansa, at Good Manners and Right
Conduct. Kabilang sa Makabansa ang
kamalayang kultural (cultural awareness),
pagkamakabansa (nationalism), at
pagkamakabayan (patriotism). Ang peace
education ay ipapakilala na may mga paksa
gaya ng pag-ayos ng gulo (conflict resolution),
seguridad ng tao (human security), katatagan
ng komunidad (community resilience), at
pagbawas ng panganib ng sakuna (disaster risk
reduction).
Ayon pa sa DepEd, magkakaroon ng pagdiriin
sa 21st-century skills gaya ng digital literacy,
critical thinking, non-verbal communication, at
informed decision-making. Ang mother tongue
o katutubong wika ay gagamitin pa rin bilang
isang medium of instruction ngunit hindi na
ituturo bilang isang subject dahil nagging sanhi
daw ito ng kalituhan sa mga guro at ang
Pilipino ay mananatiling language subject.
Dahilan ng pagbabago ng curriculum ay nakita
daw sa nakaraang mga taon ang
nakakabahalang mahinang performance ng
mga Pilipinong mag-aaral sa national at
international assessments. Sa iang pag-aaral n
World Bank ay ipinakita na mahigit 90% ng
mga mag-aaral ay nahihirapang intindihin ang
naangkop sa edad na teksto. Nakita rin ng
DepEd na ang mga guro at mga estudyante ay
nahihirapan sa napakaraming mga subject nap
ag-aaralan, kaya kinakailangan na paluwagin
ang curriculum.
Sobrang bigat ng curriculum sa napakaraming
aralin o subject na kinakailangang magturo ang
mga guro ng labis na bilang ng learning
competencies na may napakalimitadong oras
sa pagtuturo. Kapwa ang mga guro at mag-
aaral ay nabibigatan sa mga ralain at iba pang
mga Gawain sa paaralan at mga aktibidad, na
ang resulta ay nakakapinsala sa ating mga
mag-aaral.
Nakokompromiso ang kagalingan ng mga mag-
aaral sa mga pangunahiong kakayahan gaya ng
pagbabasa at paglutas ng simpleng problema
sa matematika. Napaluwag ang kasalukuyang
curriculum ng 70 porsiyento. Ang curriculum
para sa senior high school ay nirerepaso pa na
layong siguruhin na madaling makakuha ng
trabaho ang mga magtatapos.
Katotohan na napag-iiwanan na ang ating
edukasyon ng mga ibang bansa na minsan sa
isang panahon ay naipagmalaki natin ang
kagalingan nito. Nasa tamang direksiyon ang
pagbabago sa curriculum at sa laki ng badyet
ng DepEd na kung tutuusin ay siyang may
pinakamalaking hiwa sa pambansang badyet ay
inaasahang magamit ito sa ultimong
pagpapahusay ng uri at antas ng edukasiyon ng
ating bansa. Dahil naniniwala pa rin kami na
“ang kabataan ay siyang pag-asa ng bansa”, ito
ay mapapatunayan lamang sa wasto,
nakahanda at matatag na edukasyon.