Mga Posisyong Papel ng Iba’t Ibang Organisasyon, Unibersidad, at

Institusyon ng Pamahalaan Hinggil sa Kanilang Tindig Laban sa CMO

Bilang 20, Serye 2013 ng Komisyon sa Lalong Mataas ng Edukasyon
Una sa lahat ano ba ang posisyong papel?
- Ito ay akademikong paguslat ng salaysay na naglalahad ng kuro-
kuro hinggil sa isang paksa at karaniwang isinusulat ng may akda o
natukoy na entidad, gaya ng isang partido pulitikal.
- Nagbibigay daan ito sa akademya upang talakayin ang mga
umuusbong na paksa nang walang eksperimentasyon at orihinal na
pananaliksik na karaniwang makikita sa akdamikong pagsulat.
- Karaniwang pinagtitibay ang mga posisyong inihaharap gamit ang
mga dokumentong ginagamit bilang ebidensya mula sa malawak at
obhetibong talakayan ng naturang paksa.
Commission on Higher Education/CHED Memorandum Order (CMO)
No. 20, Series of 2013
Ano ba ang CMO No. 20, Series of 2013?
- na magreresulta sa karagdagang tatlong taon sa sampung taon na
basic education ng mga Pilipino. Ito raw ay para makasabay sa
kalidad ng edukasyon sa mga karatig na bansa. Bago mapirmahan
ang batas, isang taon nang ipinapatupad ng Department of Education
(DepEd) ang K to 12 sa mga “pilot school” at ihinabol na lang ang
batas para gawing ligal ang patakaran at maipatupad sa buong
kapuluan.
- Nasabi sa memorandum na ito na ang mga asignaturang Filipino ay
hindi na ituturo sa mga estudyante pagkatungtong ng kolehiyo kapag
naipatupad ang K-12 curriculum.
- Nasa memorandum din na ang mga General Education courses ang
ipapatupad sa pagtuturo ng mga grade 11 at 12, kabilang na ang
asignaturang Filipino na nasabing General courses na ito.
Mga Posisyong Papel ng Iba’t Ibang Organisasyon, Unibersdad, at
Institusyon:
POSISYONG PAPEL NG KOMISYON SA WIKANG FILIPINO(KWF)
 - Alinsunod sa Artikulo XIV, Seksiyon 6-7 ng 1987 Konstitusyon, dapat
magsagawang hakbang ang pamahalaan upang ibunsod at
puspusang itaguyod ang paggamit ngFilipino bilang midyum ng
opisyal na komunikasyon at bilang wikang pagtuturo sa sistemang
pang-edukasyon.
- Ang nasabing Memorandum Order ay magbubunga ng pagkawala ng
trabaho ngmaraming guro.
- Ang pagpapaubaya sa mga institusyon samataas na
edukasyon(HEIs) sa pagpili ng wikang gagamitin sa Core Courses ay
maglalagay sa Wikang Filipino sa tagibang na posisyon dahil sa
patuloy na pamamayani ng Ingles sa edukasyon.
- Nanganganib na mawala nang tuluyanang Filipino, hindi lang bilang
isang sabjek, kundi bilang wikang panturosa antas tersyarya.
- Tiyaking ang kalahati o apat(4) sapanukalang core courses, bukod sa
kursong Rizal, na nakasaad sa CMO Blg. 20, s.2013 ay ituro gamit
ang Wikang Filipino.
- Magsagawa ng mga retooling ng mga guro upang matiyak ang
kanilang kahandaan sa pagtuturo ng core courses at edukasyong
elektib.
POSISYONG PAPEL NG DEPARTAMENTO NG FILIPINOLOHIYA NG
POLITEKNIKONG UNIBERSIDAD NGPILIPINAS (PUP)
- Taong 2013 nang hiranginng CHED ang PUP Kagawaran ng
Filipinolohiya bilang sentrong Pagpapahusay ng Programang Filipino,
bago pa ito,natamo na nito mula sa Accrediting Agency of Chartered
Colleges and Universities in the Philippines (ACCUP) ang
pinakamataas na akreditasyon (Antas 3) at kasalukuyang nakasalang
sa internalisasyon ang programang AB Filipinolohiya na inihain nito.
- Peligrosong hakbang ang ginawang Komisyon sa Lalong Mataas na
Edukasyon (CHEd) nang alisin ang asignaturang Filipino sa inilabas
nilang Memorandum Order Blg.20na may petsang Hunyo 28 serye
2013.
- Ang asignaturang Purposive Communication na nakapaloob sa
bagong kurikulum ay halata naming nakakiling sa Ingles kung kaya't
aangkinin lamang ito ng Departamentong Ingles sa mga unibersidad
at kolehiyo.
 - Sa Pangunguna ng Kagawaran ng Filipinolohiyang Politeknikong
Unibersidad ng Pilipinas (PUP) na tinaguriang largest state university
in the country na binubuo ng humigit kumulang 70,000 na mga mag-
aaral na nagmula sa iba't ibang panig ng bansa ay matatag na
nanindigan na panatilihin ang Filipino bilang asignatura sa kolehiyo.
POSISYONG PAPEL NGPAMANTASANG DE LASALLE-MAYNILA
(DLSU-M)
- Kinikilala ang kahusayan ng DLSU-Manilasa larangan ng pagtuturo at
pananaliksik sa Filipino gaya ng pinatutunayan ng dalawang ulit na
paggawad ng rekognisyon ng CHED sa Departamento ng Filipino
bilang Center of Excellence (COE),ang kaisa-isang Departamento ng
Filipino sa buong bansa na may ganitong karangalan.
- Dapat bigyang-diin na hindi sapat na maging opsyonal na wikang
panturo lamang ang wikang Filipino sapagkat alam naman nating
mas nakakiling sa Ingles ang sistemang pang-edukasyon sa Pilipinas
dahil narin saating pinagdaanang malalim at matagal na kolonisasyon
ng mga Amerikano.
- Ang pagkakaroon ng asignaturang Filipino ay nakapag-aambag sa
pagiging mabisang community engagement ng ating Pamantasan
sapagkat ang wikang Filipino ang wika ng mga ordinaryong
mamamayan sa mga komunidad na ating pinaglilingkuran.
- Ang pagpapalakas sa ugnayan ng ating pamantasan at ng mga
ordinaryong mamamayan ay alinsunod sa bokasyon ni San Juan
Bautista De La Salle.
- Sa kontekstong Association of Southeast Asian Nations (ASEAN)
Integration, ang pagkakaroon ng asignaturang Filipino na may
inter/multidisiplinaring disenyo ay isa sa ating mga potensyal na
ambag sa proyektong globalisasyong pedagohikal at sosyo-kultural.
- Ang wikang Filipino ay wikang global na itinuturo bilang asignatura o
kaya'y komponent ng Philippine Studies sa mahigit 45 unibersidad at
mahigit 100 hayskul sa buong mundo.
POSISYONG PAPEL NGDEPARTAMENTO NG FILIPINO ATPANITIKAN
NG PILIPINAS NGUNIBERSIDAD NG PILIPINAS-DILIMAN (UP-D)
- Ang panukala ng CHEd Memorandum Order No. 20, Series of 2013
ay paglapastangan sa pagpapahalaga sakasaysayan, karunungan, at
 diwa ng kasarinlang mahabang panahong ipinaglaban at nilinang ng
mga naunang salin-lahi ng mga Filipino.
- Ang kunwa'y paglalatag ng mga kursong GE na maaaring ituro
kapwasa Filipino at Ingles ay lilikha lamangng kompetisyon sa
dalawang wika, bukod pa sa malaking posibilidad ng pagpili sa Ingles
dahil ito ang inimaheng wika ng edukado at wikang susi ng
kaunlaran.
- Ang wikang Filipino ay kasaysayan ng Pilipinas. May mahabang
kasaysayan na ang wikang pambansa. Simula nang ituro ito sa
Sistemang edukasyon noong dekada 1940, hanggang sa maging
midyum ito ng pagtuturo sa ilalim ng Patakarang Bilingguwal noong
dekada 1970.
- Ang pagsisikap ng ating mga ninuno sa pagkilala sa galing at
integridad ng lahing Filipino ay mapapalis kung hindi ito maipakikilala
sa wikang nakauunawang pasakit at pakikipagsapalarang ibinuwis
nila makamit lamang ang kasarinlan.
- Napagtagumpayan na ng mga naunangbayani ng bayan ang mga
tinatamasa nating pagkilala sa wikang Filipino bilang isang wikang
mayaman at taglay ang karunungang matalas at nangunguna sa
pagtuklas ng mga bagong kaalaman.