“BAYANG PINANGAKUAN, TAYO’Y MAGTULUNGAN PARA SA ATING
KINABUKASAN”
Balboa, Elaine Nidera
Barangay Lupang Pangako, Mabalacat City Haba ng Panahong Gugulin: Dalawang Linggo Nagpapatupad/Magsasagawa ng Proyekto: Pangkat Cassiopeia
Ang Barangay Lupang Pangako ay kabilang sa mga lugar na maraming
nangangailangan ng trabaho. Kaya naman layunin ng proyektong ito na masolusyunan ang kanilang problema sa pamamagitan ng pagtuturo sa kanila kung paano kumita ng pera gaya na lamang ng paggawa ng dishwashing liquid. Ito ay isang praktikal na solusyon sa karamihan dahil hindi kamahalan ang gagastusin para makagawa nito at hindi rin mahirap ibenta sapagkat ito ay madalas gamitin ng mga tao sa pang-araw-araw na gawain sa bahay. Ang proyektong ito ay maisasakatuparan sa pamamagitan ng paghingi ng tulong sa barangay upang tipunin ang mga tao/mga magulang ng bawat pamilya sa barangay upang sila ay maturuan kung paano ang mga hakbang sa paggawa nito. Ang mga magtuturo naman sa kanila ay manggagaling sa mga nakausap ng barangay na may karanasan na sa paggawa ng dishwashing liquid. Sa pagtuturo sa kanila kung paano gumawa ng simpleng negosyo ay maaari na itong makatulong upang magkaroon sila ng pinagkukunan ng sapat na pera.