SEKEI-00-2 * Nagkakaroon ng kamalayan sa damdamin ng iba
KMKPPam-00-2 * Natutukoy kung sino sino ang bumubuo ng pamilya KMKPPam-00-7 * Natutukoy ang mga pangangailangan ng pamilya at kung paano nila ito natutugunan Si Tatay ay ginabi na ng uwi. May kakaiba talaga sa kaniya na hindi ko mawari. Galing sa kiskisan si Tatay. Umalis siya ng bahay na may dalang isang sako ng palay. Bumalik siyang may bitbit na isang supo sa isang Ano kaya ang dala ni tatay? Maliit ang supot. Ang laman nito ay tila malapot. Mainit ito sabi ni tatay kaya maingat itong inabot ni nanay. Inilagay ni nanay ang laman ng supot sa pinggan. “Aba! Ang laman pala ay paborito kong Pansit Cabagan!” Nakagugutom naman ang dalang pansit ni tatay! May sahog itong itlog ng pugo, chicharon at letchong karahay! Napuno ng nakatatakam na amoy ang bahay. Maya-maya pa ay nandiyan na ang walo kong kapatid. Umupo sa walong silya sa malapit. Paano kaya ito pagkakasiyahin sa amin? Siguro ay sasabawan ni tatay ng maraming-maraming tubig. Katulad ng Ilog Magat na malapit sa bahay, ubod ng laki! Pero wala nang magiging lasa ang Pansit Cabagan kung mabababad ito sa malaking katubigan! Siguro ay ilalabas ni tatay ang bomba ng hangin ng kaniyang bisikleta. Tiyak na lolobo ang pansit mamaya! Pero hindi kaya kami kabagin kung ang laman ng pansit ay puro hangin? Baka naman pwedeng patulugin din ang pansit? Para pagkagising ay lumaki rin tulad ng sinasabi ni nanay palagi. O ‘di naman kaya ay diligan at patubigan para lumago gaya ng taniman? Hindi yata talaga magkakasya sa aming lahat ang dalang pansit ni tatay. Ibibigay ko na lang ang parte ko kay nanay. Sigurado kasi ako na ibibigay rin ni nanay ang parte niya kay bunso. Tulad ng dati, magugutom si Nanay mamaya palagay ko. Maya-maya pa’y sinimulan nang hatiin ni tatay ang pansit para sa aming lahat. “Isa sa’yo Nikko. Isa sa’yo Marco….” Tipid-tipid, parang hindi nauubos! Natigil kami nang may kumatok sa pinto. Naku, may bibigyan pa yata ako ng pansit ko. Pumasok si Lolo, may dala-dalang bilao. Sambit niya, “Maligayang kaarawan Nikko!” Hay salamat! May pansit na rin ang nanay ko! May isang supot ng ekstraodinaryong pansit na inuwi ang tatay ni Nikko isang gabi. Isang supot lamang man ito, naniniwala si Nikko na kasya ito sa kanilang siyam na magkakapatid. Ano kaya ang ginawa ni Nikko upang mapagkasya ang pansit?