RITES FOR ALTAR SERVERS’ INVESTITURE

(Gigibohon pakatapos kan homilia)

Commentator: Ngonian satuyang masasaksihan an Rito kan pagsulot kan

sotanilla kan mga aking nag-agi sa formacion kan pagka Sacristan.
An sotanilla na saindang aakoon tanda kan saindang katungdan
asin dignidad bilang mga piniling tagapaglingkod sa altar nin
satong Kagurangnan. Ipamibi man niato na lugod maaraman asin
magampanan ninda an saindang mga katungdan sa satong parokya,
komunidad, asin sa kada pagcelebrar kan Liturgia.

Sinda po ipapamidbid sato ni _________________, Spiritual

Director kan mga sacristan igdi sa satong parokya.

(Saro-sarong aapodon asin an aki matindog asin masimbag: UYA AKO dangan matao nin galang sa
celebrante asin maenotan)

Celebrante: Namomotan kong mga aki,

An saindong presencia ngonian minapahayag kan
saindong kamawotan na mag ako kan sotanilla asin sa
paglingkod sa Altar nin Dios bilang mga sacristan
asin andam sa pagtabang sa satong Simbahan asin
makatao nin marhay na aarogan sa satong kapwa.

Ano, nasasabotan nindo ini?

Mga Aki: Opo, nasasabotan niamo.

Celebrante: Handa kamo na idusay an saindong panahon asin

sadiri sa paglingkod na ini?

Mga Aki: Opo, handa kami.

PAGBENDICION KAN SOTANILLA

Commentator: Ngonian satuyang isusunod ang pagbendicion kan mga sotanilla.

Matindog po an gabos.

(An padi matindog asin mamimibi na buka an kamot)

Celebrante: An satuyang tabang yaon sa Kagurangnan.

Gabos: Na kaggibo kan langit asin daga.

Celebrante:: Mamibi kita.

MAUGAYON NA AMA,
BINOOT MONG GAMITON AN MGA BAGAY
TANGANING MAGSIMBOLO
KAN SAIMONG PRESENCIA.
HINAHAGAD NIAMO NA PAKABANALON MO +
INING MGA GUBING NA GAGAMITON
KAN SAIMONG MGA AKI
SA PAGLINGKOD SA SAIMONG ALTAR.
LOGOD SA PAGGAMIT NINDA
KAINING BANAL NA TANDA,
MAKADOLOT SINDA NIN
MANINIGONG PAGLINGKOD
SA SAIMONG ATUBANG.
INI HINAHAGAD NIAMO
SA NGARAN NI JESUCRISTO
NA SAMONG KAGURANGNAN.
AMEN.

( An mga sotanilla wiwirikan nin agua bindita asin an celebrante matukaw sa pagtao kan mga sotanilla.
An mga aki saro-sarong madolok sa padi dangan maluhod sa pag-ako kan sotanilla)

Celebrante: Gamita an banal na gubing na ini na igwa nin

dignidad asin maninigo para sa Altar nin Dios.

(An mga aki mabalik sa dati nindang puwesto asin an mga magurang matabang sa pagsulot kan banal na
gubing, sarong angay na kanta an pwedeng awiton, pakatapos masulotan an mga aki mataong galang sa
altar asin sa banwaan nin Dios sa paagi nin pag bow, dangan an ipepresentar kan celebrante an mga aki
sa banwaan asin an commentator maalok sa banwaan sa pag-upak tanda kan kaogmahan sa pag-ako.)

Celebrante: Banwaan nin Dios, uya an mga aking pinili nin Dios
na maglingkod sa saiyang lamesa nin buhay asin
pagkamoot. Danay niato sindang ipamibi na logod
magin sindang dayupot sa ministeryong ini asin
makpag-agyat sa sato na pakusogon an satuyang
pagtubod, paglaom asin pagkamoot sa Kagurangnan
sa paagi kan pagsirbe sa Saiya asin sa satong kapwa.

Commentator: Tanda kan satong kaogmahan asin pag-ako kita mag-upak.

(An mga aki mataong galang sa celebrante dangan sa tawo asin mabalik na sa saindang mga tukawan.)

Matindog po an gabos sa pagpahayag kan satong pagtubod.

MINATUBOD