ANG PAGBABASBAS NG KORONA NG ADVIENTO SA LOOB NG MISA

PARI: MGA KAPATID NGAYON AY MARINGAL NATING

SISIMULAN ANG PANAHON NG ADVIENTO. BUKSAN
NATIN ANG ATING MGA PUSO SA PAG-IBIG NG DIYOS
HABANG PINAGHAHANDAAN NATIN ANG PAGDATING
NI KRISTO SA ATING BUHAY AT MGA TAHANAN. ANG
MGA KANDILA NG KORONANG ITO AY NAGPAPAALALA
SA ATIN NA SI HESUKRISTO AY DUMATING UPANG
PAWIIN ANG KADILIMAN NG KASALANAN AT AKAYIN
TAYO TUNGO SA LIWANAG NG KANYANG
MALUWALHATING PAGHAHARI.

DUMATING SI KRISTO UPANG IPAGKALOOB SA ATIN

ANG KATUBUSAN AT NANGAKONG SIYA’Y BABALIK.
MANALANGIN TAYO NA MAGING PALAGIANG HANDA
SA KANYANG PAGBABALIK. ANG ITUTUGON NATIN SA
BAWAT PANALANGIN:
HALINA PANGINOONG HESUS.

1. Sa pagsasabuhay ng Adbiyento, mabuksan nawa ang

ating mga puso sa Diyos ng Pag-ibig. Manalangin tayo.
(T)

2. Ang liwanag ni Kristo ay tumagos sa dilim ng kasalanan.

Manalangin tayo. (T)

3. Ang Koronang ito nawa ay maging palagiang paalala ng

pagbabalik ni Kristo. Manalangin tayo. (T)
 4. Ang papalapit na Kapaskuhan ay pumuno ng
kapayapaan at kagalakan habang tayo ay nagsusumikap
na makasunod sa halimbawa ni Hesus. Manalangin tayo.
(T)
PARI:

MGA KAPATID, HALINA’T MANALANGIN SA

POONG MAYKAPAL NA KANYANG BASBASAN AT
PABANALIN ANG KORONANG ITO NG ADVIENTO.

Ilulukob ng pari ang kanyang kamay sa porma ng pagbabasbas sa korona ng adviento.

PARI: PANGINOONG DIYOS, ANG IYONG SIMBAHAN

AY BUONG GALAK NA NAGHIHINTAY
SA PAGDATING NG MANUNUBOS,
NA SIYANG NAGPANINGAS SA AMING MGA PUSO
AT SUMIRA SA DILIM NG KAMANGMANGAN
AT KASALANAN.

IBUHOS MO ANG IYONG PAGPAPALA  SA AMIN AT SA

KORONA NG ADVIENTO AT NGAYONG AMING
SISINDIHAN ANG MGA KANDILA SA KORONANG ITO;
ANG SINAG NITO NAWA AY KABANAAGAN NG
KADAKILAAN NI KRISTO, NA SIYANG PANGINOON,
MAGPASAWALANG HANGGAN.

Sasagot ang mga tao:

Bayan: Amen.
Babasbasan ng Agua Bendita ang korona ng Adviento at kung mamarapatin ito ri’y maiinsensuhan.

Pagkatapos ay isusunod ang pambungad na panalangin, ang misa ay ipapatuloy sa nakaugaliang paraan. Matapos ang
pagbabasbas sisindihan ang unang kandila. Aawitin ang anumang himno na angkop sa panahon ng Adviento.