Ang Kasayayan ng Simbahan ng Paracale

Ang Paracale ay natuklasan noong 1571 nina Capt. Juan de Salcedo, kasama ang Paring Agustino, Fray
Diego de Espinar na nagpakilala sa kristiyanismo rito. Ito ang simula ng Ebanghelisasyon sa hilaga ng Bicol.
Naudlot ang ebanghelisasyon dahil sa pagkamatay ng Gobernador Heneral Miguel Lopez de Legazpi. Inatasan
ng bagong Gobernador Heneral Guido de Lavezares si Capt. Juan de Salcedo kasama ang paring Agustino si
Fray Francisco Merino na magbalik sa Paracale kanilang binaybay ang karagatan ng San Miguel at pumasok sa
ilog ng Bicol upang simulang sakupin ito hanggang sa Lawa ng Bato noong 1573 ginawang himpilan ng Misyon
noong 1581 ng mga Franciscanong Misyonero, sina Fray Agustin de Tordesillas at Fray Antonio de Villanueva.
Naging ganap na parokya noong 1611 sa pamagat ng Nuestra Señora de Candelaria. ito ay ipinagkatiwala sa
mga paring Secular noong 1696. Ang parokya ay may mga dalawa pang mga Patron, si San Antonio Abad na
pinaniniwalaang ipinakilala ng mga Paring Agustino noong 1572 at sinimulan naman ang debosyon sa Sto.
Niño Jesus noong 1853 ng mga franciscano.
Sinimulan ang pagsasagawa at pagsasaayos ng simbahan noong ika-labimpitong siglo. Ang mga
franciscano na nagtayo ng simbahan sa pamamagitan ng coral na bato, na binubuo sa paghahalo ng apog at
puti ng itlog. Isinaayos ang harapan ng simbahan noong 1888. Ang Paracale ay biniyayaan ng kayamanang likas
lalo na ng ginto na naging tanyag sa lahat ng dako. Habang ang mga tao ay naghahanap ng ginto, ang parokya
ng Nuestra Señora de Candelaria ng Paracale ay lumago rin. Ang mga pansimbahang samahan ay nabuo. Ang
debosyon sa kamahalmahalang puso ni Hesus ay sinimulang ipalaganap dito noong 1894 ni Padre Jose
Cardiñoso, ang huling paring kastila na kura paroko at natatag ang samahan ng apostolado ng panalangin
noong Setyembre 23, 1912 sa ilalim ng patnubay ni Padre Patricio Zaño.
Nagkaroon ng katolikong edukasyon sa pagtuturo ng katekesis sa parokya at mga paaralan at natatag
ang Paracale Kindergarten noong ika-24 ng Hulyo, 1967 sa panahon ni Padre Christino Redoblado. Ang mga
tao ay lubos na nakikiisa sa buong sigla sa buhay ng parokya. Ang Paracale ay biniyayaan din ng mga taong
may bokasyon, nanguna na rito si Bachiller Don Gregorio Cabalquinto, taga Paracale at unang paring Bicolano
na inordinahan noong 1706 at nagsilbi bilang kalihim ng Obispo at kura paroko ng Capalonga sa loob ng higit
na apatnapung taon, isa pang tanyag na anak ng Paracale ay ang kagalang galang Wilfredo Dasco Manlapaz,
Obispo ng tagum, Davao del Norte, ang unang Obispong taga Paracale. Ang paglago ng paniniwalang
Kristiyano ay naghatid ng paglago sa buhay pangkaluluwa na naging kaugalian ng buhay Paracaleño. Ang iba
pang bahagi ng paglago ng paniniwalang Kristiyano ay ang maalab na pagmimisyon ng mga pari na nagsilbi sa
parokya simula ng ito’y itatag noong 1611. Si Fray Jose Dela Torre ang naging unang kura Paroko, ang mga
paring secular ay naging mga kura paroko ng parokya, sinimulan kay Padre Patricio Zaño y Velasco na taga
Paracale noong Setyembre 1899, na ang pamilya ay nagbigay ng mga orihinal na gilid na mga retablo ng siya ay
ordinahan sa pagkapari noong 1880, ang mga orihinal na gilid na mga retablong ito ay naririto pa hanggang
ngayon. Dahil sa pagsaalang-alang ng kanyang mayamang pagsambang kasaysayan, kultura at debosyon kay
maria, ang Kanyang kabunyian Benjamin J. Almoneda ay itinalaga ang simbahan ng Nuestra Señora de
Candelaria bilang Diocesan Marian Shrine. Ang simbahan ng Nuestra Señora de Candelaria ay patuloy na
tumatanggap ng biyaya sa Diyos habang ito’y patuloy sa paglago sa buhay Kristiyano bilang Parokya sa Ika-
dalawampu’t Isang Siglo. Ang gitanang retablo ay regalo ng mga paracaleño sa Mahal na ina sa okasyon ng
kanyang pagkakatalaga bilang dambana, tunay nga na ang bawat isang paracaleño ay nagbabahagi sa paggawa
ng retablo.
Bilang bunga ng pagdiriwang ng Quadri Centennial ng pagkakatatag ng Parokya, minabuti ng lubhang
kagalanggalang na Obispo ng Daet, Monsenyor Gilbert A. Garcera na hilingin sa Santo Papa na kilanlin ang
mapaghimalang imahen ng Nuestra Señora de Candelaria bilang Patrona at Reyna ng Lalawigan ng Camarines
Norte pangalawa kay San Jose Manggagawa ang pangulong Patron ng Diyosesis. Mayo 16, 2011, ipinagutos ng
Santo Papa Benedicto XVI ang kanonikal ng pagpuputong ng Korona sa nasabing imahen.

Unang araw ng Setyembre 2012 sa Katedral ng Diyosesis ng Daet sa presensiya ng mga Obispo ng Bicol
ang mga ginintuang korona na handog ng mga Parecaleño at mga taga Camarines Norte ay ipinutong sa Ulo ng
Niño Jesus at ng Nuetra Señora de Candelaria mula sa Kamay ng Arsobispo Metropolitano ng Caceres,
Monsenyor Leonardo Z. Legazpi, O.P., D.D. sinaksihan ng mga mamayan kasabay ng si matinkalang pagsasaya
ang napakahahalagang pagdiriwang na ito.

Ang dambana ng Nuestra Señora de Candelaria ay bukas para sa lahat na nagnanais na magtungo sa
banal na lugar sa banal na paglalakbay at dalawin ang birhen na masuyong tinatawag na “Inay Candi” upang
magkamit ng mga biyayang makalangit.