TUGON NG PAMAHALAAN SA ISYU NG KARAHASAN AT DISKRIMINASYON SA KASARIAN

Panimula:
May sariling pagsisikap ang Pilipinas upang labanan at tanggalin ang diskriminasyon at karahasan na nakabase sa kasarian.
Aktibo ang kababaihan sa Pilipinas na ipaglaban ang pantay na karapatan ng kababaihan. Upang maiwasan ang diskriminasyon laban
sa kababaihan at maitaguyod ang pagkakapantay-pantay ng mga babae at lalaki sa lahat ng bagay. Ang pamahalaan ang pangunahing
tagapagpatupad sa mga batas na magsisilbing proteksyon laban sa mga paglabag sa karapatan at diskriminasyon na maaaring
maranasan ng bawat kasarian.

Layunin:
1. Naiisa-isa at nasusuri ang mahahalagang probisyon ng Magna Carta of Women at Anti-Violence Against Women and
Their Children
2. Naipaliliwanag kung paano nabibigyan ng proteksyon ng mga batas na nabanggit ang mga kababaihan
Gawain: Ano ang ipinapakita sa unang larawan?, sa ikalawang larawan?

_____________________________________ _______________________________________

Gabay na Tanong:

1. Bakit isinabatas ang Magna Carta of Women?

2. Bakit ang mga kababaihan at ng kanilang mga anak ang pinoproteksyunan ng RA 9262?
3. Paano tinutulungan ng pamahalaan ang mga biktima ng karahasan at diskriminasyon

A. MAGNA CARTA OF WOMEN

Aktibo ang kababaihan sa Pilipinas na ipaglaban ang pantay na karapatan ng kababaihan. Ang Magna Carta of Women ay
isinabatas noong July 8, 2008 upang alisin ang lahat ng uri ng diskriminasyon laban sa kababaihan at sa halip ay itaguyod ang
pagkakapantay-pantay ng mga babae at lalaki sa lahat ng bagay alinsunod sa mga batas ng Pilipinas at mga pandaigdigang instrument
lalo na ang CEDAW (Convention on the Elimination of all Forms of Discrimination Against Women) . Ito ay itinuturing ng
pamahalaan bilang pangunahing tagapagpatupad (primary duty bearer) ng komprehensibong batas na ito.

Mga Hamon sa Pamahalaan:

1. alisin ang lahat ng uri ng diskriminasyon laban sa kababaihan at sa halip ay itaguyod ang pagkakapantay-pantay ng mga
babae at lalaki sa lahat ng bagay
2. basagin ang mga stereotype at tanggalin ang mga istrukturang panlipunan tulad ng kostumbre, tradisyon, paniniwala, salita at
gawi na nagpapahiwatig nang hindi pantay ang mga babae at lalaki.

Kabanata III: Mga Tungkulin kaugnay ng Karapatang Pantao ng Kababaihan

Ang Estado, pribadong sektor, lipunan at mamamayan sa pangkabuuan ay nararapat mag-ambag sa pagkilala, pagrespeto at
pagtataguyod ng karapatan ng kababaihan na binibigyang-kahulugan at ginagarantiyahan sa batas na ito.
Seksyon 5: Ang Estado ang pangunahing tagapagtaguyod ng batas na ito. Kinakailangang tuparin ng Estado ang mga tungkuling
ito sa pamamagiatan ng batas, polisiya, gabay at iba pang pamamaraan.
a. Pagpapahinto sa diskriminasyon sa kababaihan at paglabag ng kanilang karapatan
b. Protektahan ang kababaihan laban sa diskriminasyon at paglabag sa karapatan ng mga pribadong korporasyon, institusyon at
indibidwal.
c. Pagtataguyod at pagsasakatuparan ng lahat ng karapatan ng kababaihan sa lahat ng aspekto.

Kabanata IV: Karapatan at Empowerment

Pakikilahok at Representasyon. Titiyakin ng Estado ang pagpapadali at pagpapabilis ng partisipasyon at

Seksyon 11 representasyon ng kababaihan ng lahat ng aspekto ng lipunan partikular sa paggawa ng mga desisyon at polisiya
sa pamahalaan at pribadong entidad upang malubos ang kanilang gampanin sa pagpapaunlad ng lipunan.
Seksyon 12 Pantay na trato sa harap ng Batas

Pantay na pagkakamit at pagwaksi sa diskriminasyon sa edukasyon, scholarship at training. Tiyakin ng

Seksyon 13 pamahalaan na walang stereotyping sa kasarian sa mga kagamitan sa edukasyon. Gagamit ng gender-sensitive
na wika sa lahat ng pagkakataon.

Walang Diskriminasyon at Walang Derogatory o Walang Nakakasirang Imahe ng Kababaihan sa Media at

Seksyon 16 Pelikula. Gagawa ng polisiya at programa ang Estado upang matiyak ang kapakanan ng kababaihan sa tulong
ng gobyerno at di-gobyernong organisasyon ng media

Karapatan ng Kababaihan sa Maayos na Kalusugan. Kailangang magbigay ang pamahalaan ng komprehensibo,

 Seksyon 17 sensitibo sa kultura at sensitibo sa kasarian na mga programa at serbisyong pangkalusugan.
Espesyal na Benepisyo para sa Kababaihan. Ang kababaihan ay nararapat na magkaroon ng dalawang (2)
Seksyon 18 buwan na pagliban na may sweldo sa trabaho kung siya ay sumailalim sa surgery bunsod ng mga gynecological
disorder.

Seksyon 22 Ang Estado ay progresibong magsasagawa at titiyak ng mga disenteng pamantayan sa mga trabahong nakalaan
para sa mga kababaihan na may katanggap-tanggap na kalidad sa kondisyon ng kalayaan, pagkakapantay-
pantay, seguridad at dignidad.

Dagdag kaalaman:

 Marginalized Women- ang mga babaeng mahirap o nasa di panatag na kalagayan. Sila ang mga wala o may limitadong
kakayahan na matamo ang mga batayang pangangailangan at serbisyo. (hal. Kababaihang manggagawa, maralitang
tagalungsod, magsasaka at manggagawang bukid, mangingisda, migrante at kababaihang Moro o katutubo
 Women in Especially Difficult Circumstances-mga babaeng nasa mapanganib na kalagayan o masikip na katayuan tulad ng
biktima ng pag-aabuso at karahasan at armadong sigalot, mga biktima ng prostitusyon, illegal recruitment, human trafficking
at mga babaeng nakakulong

A. Anti-Violence Against Women and Their Children

isang batas na nagsasaad ng mga karahasan laban sa kababaihan at sa kanilang anak, nagbibigay ng lunas at proteksyon sa
mga biktima nito, at nagtatalaga ng mga kaukulang parusa sa mga lumalabag dito

Upang higit na tutukan ang pagsugpo sa karahasan laban sa kababaihan, nabuo ang batas na Republic Act 9262. Patitiyak ito na
mabibigyang proteksyon ang kababaihan laban sa umiiral at nagpapatuloy na karahasan na nakabatay sa kasarian. Bilang paglilinaw,
kailangan namang magkaroon ng parehong unawa sa iba’t ibang termino at paglabag na pumapatungkol dito. Ilan sa mga karahasan at
pang-aabuso na nagaganap sa kababaihan at sa kanilang mga anak ang mga sumusunod:

Karahasan Halimbawa

Karahasan laban a Kababaihan at *aksyon na ginawa sa asawang lalaki dating asawang babae, kapareha at/o sa kanilang mga
sa Kanilang mga Anak anak na nagreresulta sa pisikal, sekswal, pang-ekonomiko o sikolohikal na pang-aabuso

Pisikal na karahasan *aksyon ng pang-aabuso sa katawan, uri ng pang-aabusong may kinalaman sa pananakit sa
iba sa pisikal na paraan

Sekswal na pang-aabuso *sekswal ang mga akto na ginagawa sa mga babae o sa kanyang anak. Kabilang na rito ang
panggaghasa, sekwal na panliligalig, pisikal na atake sa maselang bahagi ng katawan,
pagpilit na manood ng mahahalay na palabas, pagpilit sa babae at sa kanyang anak na
gumawa ng hindi kaaya-ayang gawain, at prostitusyon

Sikolohikal na Karahasan *aksyon na nagdudulot ng emosyonal o mental na pagkaligalig

Pang-ekonomiyang Pang-aabuso
*aksyong gawing financially dependent ang isang babae sa pamamagitan ng pagtanggal ng
suportang pinansiyal o pagpigil sa kanya upang magkaroon ng lehitimong propesyon,
trabaho, o negosyo
*pagbabawal o pagbanta na ipagbawal ang paggamit ng pinagkukunang pinansiyal at mga
ari-ariang conjugal,
*pagsira ng mga kagamitang pambahay; at pagkontrol sa pananalapi na sariling pagmamay-
ari ng biktima o pagkontrol sa conjugal na salapi o ari-arian.

Sino ang pinoproteksyonan ng batas?

Kababaihan Sa ilalim ng batas na Anti-Violence Against Women and Their Children ay tumutukoy sa kasalukuyan o
dating asawang babae; babaeng kasalukuyan o nakaraang relasyon sa isang lalaki; at babaeng nagkaroon
ng anak sa isang karelasyon
Mga anak Mga anak ng babaeng inabuso; mga anak na wala pang 18 na taong gulang, lehitimo man o hindi; mga
anak na may edad 18 taong gulang at pataas na wala pang kakayahang alagaan o ipagtanggol ang sarili,
kabilang na rin ang mga hindi tunay na anak ng isang babae ngunit nasa ilalim ng kanyang pangangalaga

Ayon sa seksyon 6 ng RA 9262, ang karahasan sa kababaihan at sa kanilang mga anak ay isang krimen. Maparurusahan ang
sinomang magsagawa nito. Sa pangkabuuan, malawak at masalimuot ang karanasan ng mga kababaihan at LGBTQ+ upang matamasa
ang kanilang pantay na karapatan sa lipunan.
Dalawang anyo na isinasagawa upang itaguyod ang karapatan at proteksyon laban sa karahasan at diskriminasyon.
1. Extra-legal - pagkilos ng iba’t ibang samahan ng kababaihan at LGBTQ+ para itaguyod ang kanilang karapatan. Ipinakita
nila na nagkakaisa sila sa iisang layunin at nais makatamasa ng pantay na pagturing sa karapatan.
2. Legal- nagagamit na ang batas upang proteksyonan ang kababaihan at LGBTQ+. Dito pinatutunayan nila na sila ay mga
taong ipinanganak na malaya at may pantay na dignidad at karapatan.
Mga ahensyang naatasan na tagapagpatupad ng sari-saring batas patungkol sa karahasan laban sa kababaihan (Inter-Agency
Council on Violence Against Women and Their Children -IACVAWC)

DSWD Department of Social Welfare and Development

DILG Department of Interior and Local Government
DOJ Department of Justice
DOLE Department of Labor and Employment
DepEd Department of Education
DOH Department of Health
CSC Civil Service Commission
CHR Commission on Human Rights
NBI National Bureau of Investigation
CWC Commission on the Status of Women
PNP Philippine National Police

TUGON SA MGA ISYU SA KASARIAN

PAGTALAKAY SA ARALIN
Panimula:
Sa Pilipinas, may mga batas na nagbibigay proteksyon sa mga kababaihan tulad ng Magna Carta of Women at Anti-Violence Against
Women and their Children. Sa pandaigdigang antas ay mayroon namang mga nagsusulong ng pagkakapantay-pantay ng kasarian sa
pamamagitan ng pagbura ng diskriminasyon at karahasan.
Layunin:
1. Natatalakay ang mga Prinsipyo ng Yogyakarta sa pagsusulong ng pantay ng karapatan ng lahat ng uri ng kasarian
2. Naipaliliwanag kung paano pinoproteksyonan ng CEDAW ang lahat ng uri ng kasarian
A. Konteksto ng isyu sa kasarian
Lahat ng tao ay ipinanganak na malaya at mayroong pantay na dignidad at karapatan. Walang taong mas mataas o mas
mababa sa iba. Ang karapatang pantao ay unibersal, interdependent at indivisible ayon sa United Nations. Nangangahulugan ito na
kahit nasaang lugar tayo, tayo ay dapat kilalaning tao na may unibersal na karapatang pantao tulad ng iba. Ang sexual orientation at
gender identity (pangkasariang pagkakakilanlan) ay integral o mahalaga sa katauhan at dignidad ng bawat indibidwal. Hindi ito
nararapat na gawing basehan ng diskriminasyon at karahasan laban sa kababaihan, gay, lesbian, transgender at ano pa mang gender
identity.
Mga Turing sa Mga LGBTQ+
*hindi normal o kaya naman ay maysakit sa utak
*pinandidirihan at nilalayuan
*itinuturing na kriminal kaya nagtatago
Sa US, taong 1960s, naging kalakaran at normal noon ang pag-raid ng mga pulis sa mga bar o lugar na madalas pinupuntahan
ng mga LGBTQ+ at nagpatuloy ito hanggang sa dumating ang mga rebelyon sa Stonewall Inn sa Greenwich, New York City noong
Hunyo 28, 1969 at naganap Stonewall Riot. Habang marahas na hinuhuli ng mga pulis ang mga gay at lesbian ay nagtipon-tipon ang
mga ito at kinondena ang ginagawa ng mga kapulisan. Sumuporta ang iba pang kalapit na establisimiyento at kabahayan laban sa
karahasan ng mga pulis. Ito ay itinuturing na marks ng “Gay Movement” o kilusan ng mga LGBTQ+ sa kasaysayan.
Magmula noon ay sinimulan na ang pagdaraos ng Gay Pride March tuwing anibersaryo ng Stonewall riot. Kalaunan ay
idinaraos na rin ng iba’t ibang mga grupo na nag-aadbokasiya ngpantay na karapatan para sa mga LGBTQ+ ang Gay Pride March sa
iba’t ibang dako ng daigdig.
Napatunayan na hindi naman talaga sakit sa pag-iisip o kaya naman ay krimen ang pagiging LGBTQ+. Kinakailangan
lamang na matutuhan ng marami na hindi lamang nalilimitahan sa dalawang kasarian ang mga tao. Gayundin, ang kasarian ay
konstruksiyon lamang ng mga lipunan na ginagalawan ng mga tao. Ito ay nagbabago at hindi permanente. Susi rin ang pagrespeto at
pagkilala sa kani-kaniyang kagustuhan ng bawat indibidwal pagdating sa taong mamahalin at magiging kapareha sa buhay.
Mga Turing sa Kababaihan
*mas mababang kasarian kumpara sa mga kalalakihan.
*kalalakihan lamang noon ang may karapatan na pumili ng mga mamumuno sa bansa at hindi pinakikinggan ang boses ng
kababaihan.
*walang alam ang mga kababaihan sa usaping pampulitika
Samantala, sa Pilipinas, naging aktibo ang kilusang pangkababaihan noong 1960s hanggang 1970s. Ito rin ang panahon na
malakas ang diwang makabayan ng mga mamamayang Pilipino. Inabot ng kanilang pagkamakabayan ang antas ng pagtataguyod sa
pantay na karapatan ng kahit na sino, maging ano man ang pinag-aralan, lahi, relihiyon, edad at kasarian nito.
Ang GABRIELA (General Assembly Binding Women for Reforms, Integrity, Equality, Leadership and Action) ay
nananawagan ng pantay na karapatan na kapareho ng kalalakihan at nananawagan sila ng pagbabagong panlipunan. Isa sa
prinsipyong kanilang ipinaglalaban ay mahigpit na nakaugnay sa opresyon na nararanasan ng kababaihan sa lipunan. Ang mga
posisyon sa gobyerno na halos lahat dati ay pinamumunuan ng kalalakihan ay napasok na rin ng mga kababaihan.
Ilan sa mga aktibong organisasyong naitayo:
 *ProGay na nananawagan ng pagkilala sa karapatan ng mga gay at lesbian.
*Lesbond na organisasyon naman ng mga lesbian sa Pilipinas. Sa kasalukuyan, isa sa aktibong organisasyon ng LGBTQ+
*Bahaghari na aktibong nananawagan sa wakasan ang diskriminasyon at karahasan sa LGBTQ+.
*LADLAD partido politikal na aktibong ipinaglalaban ang mga karapatan at tuligsain ang mga diskriminasyon at pang-
aabuso sa mga mamamayang napapabilang sa LGBT.
Aktibo silang lumalahok sa iba’t ibang usapin sa bansa na may kinalaman sa LGBTQ+ o sa mga usapin na apektado ang mga
LGBTQ+, maging ito man ay sa politika, ekonomiya, polisiya sa bansa o kultura.
Sa ngayon, bagaman nararanasan pa rin ang diskriminasyon at karahasan sa kababaihan at LGBTQ+, ay may pagsisikap ang
mga samahang pandaigdig ng mga bansa na itinaguyod ang pantay na karapatan nila. Maraming bansa ang sumasang-ayon at
pumirma sa mga kasunduan o treaty na magtataguyod sa pagtamasa ng pantay na karapatan ng kababaihan at LGBTQ+. Kaugnay ng
mga treaty na ito ang pagtitiyak sa proteksyon ng kababaihan at LGBTQ+ laban sa diskriminasyon at karahasan.
Pagtugon sa isyu ng kasarian sa pandaigdigang antas
Sa kabila ng pagbatikos sa paglabag sa karapatang pantao tulad ng diskriminasyon at karahasang nakabatay sa kasarian,
patuloy pa rin itong nagaganap sa iba’t ibang bahagi ng daigdig. Pangunahin na biktima ang LGBTQ+ sa iba’t ibang anyo ng
pandarahas tulad ng pagpatay, torture, pangmamaltrato, harassment, rapre, pagkakakulong at maging ang pagkakait sa trabaho at
edukasyon. Nagaganap ang mga ito dahil lamang iba ang kanilang sexual orientation at gender identity.
A. Ang Yogyakarta Principles
Ang Yogyakarta Principles ang aplikasyon ng Internasyonal na Batas at Karapatang Pantao kaugnay ng Sekswal na
Oryentasyon at Pangkasariang Identidad. Ito ang mga prinsipyo na inaasahang sundin ng mga bansa upang matigil na ang karahasan at
diskriminasyon sa LGBTQ+.
Mahalagang matukoy ang mga obligasyon ng mga Estado sa parpotekta ng karapatan ng mga LGBTQ+ o ano pa mang
kasarian sa kanilang mga bansa. ang Yogyakarta Principles ay isinagawa upang tukuyin ang pangkalahatang karapatan ng LGBTQ+.
Ilan sa mahahalagang prinsipyo nito ay ang mga sumusunod:

Prinsipyo bilang: Probisyon (Karapatang Nakapaloob)

Ang karapatan na matamasa ang unibersal na karapatang pantao. Lahat ng tao ay ipinanganak na
Unang Prinsipyo malaya at may pantay na dignidad at karapatan. Lahat ng tao, anoman ang sexual orientation, gender
identity, o sex ay nararapat na matamasa ang lahat ng karapatang pantao.

Karapatan sa pagkakapantay-pantay at pagiging ligtas sa diskriminasyon. Lahat ng tao ay may

Ikalawang Prinsipyo karapatang matamasa ang mga karapatang pantao ng walang diskriminasyong nakabase sa sexual
orientation, gender identity, o sex. Lahat ay pantay sa harap ng batas at may pantay na proteksyon mula
sa batas. Kailangang ipagbawal ng batas ang sexual orientation, gender identity, o sex.

Ang karaptan na kilalanin ng batas. Lahat ay may karapatan sa batas bilang tao, saan man sila naroroon.
Ikatlong Prinsipyo Lahat ng tao, anuman ang kasarian, ay may karaptan sa batas sa lahat ng aspekto ng kanilang buhay.
Walang sinomang dapat mapilitang itago, ilihim o itatwa ang kanilang sexual orientation at gender
identity sa kahit anong sitwasyon.

Ikaapat na Prinsipyo Karapatang mabuhay. Ang lahat ay may karapatang mabuhay. Walang sinoman ang dapat pagkaitan ng
karapatang pantao dahil lamang sa kanyang sexual orientation, gender identity, o sex.
Ikasampung
Prinsipyo Karapatan laban sa tortur, at sa malupit, makahayop o mapanghiyang pagtrato sa tao

Ikalabindalawang
Prinsipyo Karapatan sa trabaho. Lahat ay may karapatan sa disente, maayos na kondisyon at nakabubuhay na
trabaho sa makatarungan at paborableng kondisyon sa paggawa, at sa proteksyon laban sa disempleyo at
diskriminasyong nag-uugat sa oryentasyong sekswal o pagkakakilanlang pangkasarian.
Ikalabing-anim na
Prinsipyo Karapatan sa edukasyon. Lahat ay may karapatan sa edukasyon anuman ang kaniyang sexual orientation,
gender identity, o sex.
Ikalabingsiyam na
Prinsipyo Karapatan na maglabas ng sariling opinion at eskpresyon. Lahat ay may karapatang maglabas ng
sariling opinion, ekspresyon at saloobin anuman ang kanilang sexual orientation, gender identity, o sex.
Ikadalawamput
limang Prinsipyo Ang karapatang lumahok sa buhay pampubliko. Bawat mamamayan ay may karapatang lumahok sa mga
usaping pampubliko, kabilang ang karapatang mahalal, lumahok sa pagbubuo ng mga patakarang may
kinalaman sa kanyang kapakanan; at upang mabigyan ng pantay na serbisyo-publiko at trabaho sa mga
pampublikong ahensya, kabilang ang pagseserbisyo sa pulisya at militar ng walang diskriminasyong
sanhi ng oryentasyong sekswal o pagkakakilanlang pangkasarian

Ilan lamang ang mga ito sa mga prinsipyong natukoy sa loob ng Yogyakarta Principles na nararapat itaguyod ng iba’t ibang mga
bansa.

A. Ang Convention on the Elimination of All Forms of Discrimination Against Women (CEDAW)

Ang CEDAW ay karaniwang inilalarawan bilang International Bill for Women. Kilala rin ito bilang The Women’s
Convention o ang United Nations Treaty for the Rights of Women. Ito ang kaunaunahan at tanging Internasyunal na kasunduan na
kumprehensibong tumatalakay sa karapatan ng mga kababaihan hindi lamang sa sibil at politikal na larangan kundi gayundin sa
aspetong kultural, pang-ekonomiya, panlipunan at pampamilya. Ang hindi pagklilala sa kahalagahan ng paglahok ng mga kababaihan
sa mga larangang ito ay nangangahulugan ng pagpigil ng kanilang pag-unlad bilang tao at pagpigil sa pag-unlad ng nasabing bansa.
Pagpigil ito sa pag-unlad ng kababaihan na mag-ambag sa lipunan at sangkatauhan.

Kasunod sa Convention of the Rights of the Child, ang CEDAW ang pangalawang kasunduan na may pinakamaraming
bansang nagratipika. Unang ipinatupad ang kasunduan noong September 3, 1981.

A rtikulo2:A nglahatngestadoay
kinokondenaanglahatnganyong
diskriminasyonlabansakababaihansa
pam am agitanngngiba’tibang
pam am araan.Kaugnaynitoang
pagkakaroonngkinakailangangbatas.
A rtikulo3:A nglahatngestadoay
A rtiku lo1 1:P agtitiyakngpantayna dapattiyakinangpag-unladsa
karapatanngkababaihansa pagsulongngkababaihansalahatng
kabuhayan.K augnaynitoang laranganm agingpolitikal,sosyal,
karapatanngkababaihannapiliinang ekonom iyaatkulturalupangm atam asa
kanilangnaisnatrabahonanaaayon nilaangkarapatangpantaoat
sakanilangkakayahan. kalayaangnakabasesapagkakapantay-
pantay.
Artik u lo5:P agtitiyakngE stado
napangunahanangpagbabagosa
A rtikulo10:A ngm gababaeay m gapanlipunanatkulturalna
m aypantaynakarapatantuladng patternofconductsapagitanng
lalakisalaranganngedukasyon bab aeatlalakinanaglalayonna
m aw alaangdiskrim inasyontulad
ngkonseptongm ayseksnam as
m ababaatm asm ataas.

Paano kaya wawakasan ng CEDAW ang diskriminasyon sa kababaihan?

 Itaguyod ang tunay na pagkakapantay-pantay sa kababaihan. Inaatasan nito ang mga estado na magdala ng konkretong
resulta sa buhay ng kababaihan.
 Kasama rito ang prinsipyo ng obligasyon ng estado. Ibig sabihin, may mga responsibilidad ang estado sa kababaihan na
kailanma’y hindi ito maaaring bawiin.
 Ipinagbabawal nito ang lahat ng aksyon o patakarang umaagrabyado sa kababaihan, anumang layunin ng mga ito.
 Inaatasan nito ang mga state parties na sugpuin ang anumang paglabag sa karapatan ng kababaihan hindi lamang ng mga
institusyon at opisyal sa gobyerno, kundi gayundin ng mga pribadong indibidwal o grupo
 Kinikilala nito ang kapangyarihan ng kultura at tradisyon sa pagpigil ng karapatan ng babae at hinahamon nito ang state
parties na baguhin ang mga stereotype, kostumbre at mga gawi na nagdidiskrimina sa babae

Epekto ng pagpirma at pagratipika ng Pilipinas sa CEDAW

Bilang state party sa CEDAW, kinikilala ng Pilipinas na laganap pa rin ang diskriminasyon at di pagkakapantay-pantay sa
karapatan ng babae, at may tungkulin ang estado na solusyonan ito. May tungkulin ang state parties na igalang, ipagtanggol, at
itaguyod ang karapatan ng kbabaihan

Inaasahan na ang mga state parties ay:

 Ipawalang-bisa ang lahat ng batas at mga nakagawiang nagdidiskrimina
 Ipatupad ang lahat ng patakaran para wakasan ang diskriminasyon at maglagay ng mga epektibong mekanismo at sistema
kung saan ay maaaring humingi ng hustisya ang mga babae sa paglabag ng kanilang karapatan
 Itaguyod ang pagkakapantay-pantay sa pamamagitan ng iba’t ibang hakbang, kondisyon at karampatang aksyon
 Gumawa ng pambansang ulat kada apat na taon tungkol sa mga isinasagawang hakbang para matupad ang mga tungkulin sa
kasunduan