Pamahalaang Pilipinas sa mga Isyu ng Karahasan at Diskriminasyon BALIK-ARAL
ENUMERATE MO PRINSIPYO KO
Ibigay ang mga Karapatan sa
Yogyakarta Principles (ENGAGE)
GUESS THE WORD
Iayos ang mga ginulong salita at ipaliwanag paano ito nakatulong sa pagbibigay ng pantay na Karapatan sa LGBT na nakabatay sa Yogyakarta Principle 1.AKTAPANAR AS DUSEKAOYN 2.RATPAAKNA SA HAYUB 3. TANPARAKA AS ARTBHOA (EXPLORE) PAGHAHABI NG LAYUNIN Noon Vs Ngayon Ilarawan ang kalagayan ng mga kababaihan NOON at NGAYON. Pamprosesong tanong: 1.Ano ang kalagayan ng mga kababaihan noon? 2.Ano ang kalagayan ng mga kababaihan ngayon? 3. Sa iyong palagay, paano nagbago ang kalagayan ng mga kababaihan noon at ngayon? Anti – Violence Against Women and Their Children Act o RA 9262 Anti – Violence Against Women and Their Children Act ➢ Ito ay isang batas na nagsasaad ng karahasan laban sa kababaihan at kanilang mga anak. Nagbibigay ito ng lunas at proteksyon sa mga biktima nito sa pamamagitan ng pagtatalaga ng kaukulang parusa sa sinumang lalabag sa batas na ito. Sino–sino ang saklaw ng Anti – Violence Against Women and Their Children Act? 1. Ang kababaihan sa ilalim ng batas na ito ay tumutukoy sa: a. kasalukuyan o dating asawang babae; b. babaeng kasalukuyan o may nakaraang relasyon sa isang lalaki; at c. mga babaeng nagkaroon ng anak sa isang karelasyon. Sino–sino ang saklaw ng Anti – Violence Against Women and Their Children Act? 1. Ang mag anak sa ilalim ng batas na ito ay tumutukoy sa: a. mga anak ng babaeng inabuso; b. mga anak na wala pang labing walong (18) taong gulang; c. lehitimong anak o hindi; d. mga anak na may labing walong (18) taong gulang pataas ngunit walang kakayahan na alagaan o ipagtanggol ang sarili; at e. hindi tunay na anak ngunit nasa ilalim ng pangangalaga ng isang babae. Sino naman ang mga maaaring patawan ng parusa kung lalabagin ang batas na ito? Sila ay ang mga: a. kasalukuyan o dating asawang lalaki; b. kasalukuyan, dating kasintahan, o live – in partner na lalaki; c. mga lalaking nagkaroon ng anak sa babae; at d. mga lalaking nagkaroon ng sexual o dating relationship sa babae. Magna Carta for Women o RA 9710 Ang Magna Carta for Women ay isang batas na naglalayong itaguyod ang taglay na husay at galing ng mga kababaihan at ang kanilang potensyal upang maging kabahagi sa pag–unlad at pagbabago ng lipunan kung saan sila ay nabibilang. Isinabatas ito noong Hulyo 8, 2008 na nakabatay sa mga umiiral nang batas sa Pilipinas, at iba pang pandaigdigang instrumento gaya ng Convention on the Elimination of All Forms of Discrimination Against Women. Ang Magna Carta for Women ay sumasaklaw sa lahat ng kababaihang Pilipino anoman ang kanilang edad, pinag-aralan, hanapbuhay, relihiyon, at pinagmulang etnisidad. Binibigyan ng higit na pagpapapahalaga sa batas na ito ang mga batang babae, matatanda, may kapansanan, Marginalized Women at Women in Especially Difficult Circumstances. Ang mga maituturing na kabilang sa Marginalized Women ay mga kababaihan na nasa hindi panatag na kalagayan o mahirap, wala o limitadong kakayahan na matamo ang kanilang mga pangunahing pangangailangan. Sila ang mga: kababaihang manggagawa; maralitang tagalungsod; magsasaka at mangagawa sa bukid; mangingisda; migrante; at mga kababaihang Moro at katutubo. Ang mga tinatawag naman bilang Women in Especially Difficult Circumstances ay mga babaeng nasa mapanganib na kalagayan. Ilan sa mga kababaihang nasa ganitong uri ay mga: biktima ng pang – aabuso at karahasan at armadong sigalot; biktima ng prostitusyon; biktima ng illegal recruitment; biktima ng human trafficking; at mga babaeng nasa kulungan. PAGLALAPAT: Paano kaya tayo tutulong bilang mag- aaral sa pamahalaan para maisakatuparan ang Violence against women and children at Magna Carta for women? (EVALUATE) Panuto: Suriin ang bawat pahayag sa ibaba. Ilagay ang Tama kung ang isinasaad ng paghayag ay katotohanan at M naman kung hindi. Ilagay ang sagot sa iyong sagutang papel. 1. Ang Anti–Violence Against Women and Their Children Act ay naglalayong bigyang proteksyon ang mga kababaihan mula sa karahasan. 2. Hindi na saklaw ng Anti–Violence Against Woment and Their Children Act ang mga babaeng hiwalay sa kanilang mga asawa. 3. Ang pamahalaan ang pangunahing nagbibigay ng proteksyon sa mga kababaihan sa pamamagitan ng pagpapatupad ng mga batas. 4. Saklaw ng Anti–Violence Against Women and Their Children Act ang mga kababaihang nagkaroon ng anak sa isang lalaki. 5. Ang mga anak na labing walong taong gulang pataas na may kakayahang bigyang proteksyon ang kanilang sarili ay kabilang pa din sa Anti–Violence Against Women and Their Children Act. 6. Maaaring parusahan ang lalaki na hindi nagkaroon ng anumang relasyon sa babae sa ilalim ng Anti–Violence Against Women and Their Children Act. 7. Nakapaloob sa Anti–Violence Against Women and Their Children Act ang lahat ng uri ng pang – aabuso sa mga kababaihan ito man ay pisikal, sekswal, o emosyonal. 8. Walang karapatan ang sinoman na gumawa ng anumang uri ng karahasan sa kahit na sinong indibidwal anuman ang kanyang kasarian. 9. Hindi saklaw ng Anti–Violence Against Women and Their Children Act ang magkarelasyon na lalaki at babae kung sila ay live in partner lamang. 10. Itinuturing na anak ang isang batang nasa ilalim ng pangangalaga ng isang babae sa Anti–Violence Against Women and Their Children Act. https://in.pinterest.com/pin/116249234105070545/