Istadistika ng Karahasan sa Kababaihan
sibil at politikal na larangan kundi gayundin sa aspetong kultural, pang-ekonomiya,
Ayon sa Philippine National Demographic and Health Survey 2017 ng Phil. Statistic Authority:
 5% ng kababaihan edad 15-49 ay nakaranas ng pisikal na pangaabuso at 2% ng
sekswal na pang-aabuso 12 buwan bago ang serbey na ito
 9% ng babae ang nagsasabi na ang kanilang asawa o partner ay nagpapakita ng higit
sa 3 uri ng pagkontrol sa pag-uugali
 24% ng mga babaeng kinasal ay nakaranas ng pisikal, sekswal o emosyonal na
karahasan mula sa kanilang kasalukuyan o naging asawa o partner, at 15% ang
nakaranas ng karahasan 1 taon bago ang serbey.
 40% ng babaeng kinasal ay nakaranas ng pananakit ng asawa o sekswal na pang-
aabuso 1 taon bago ang serbey
 Isa lamang sa tatlo o 34% ng babaing nakaranas ng pisikal o sekswal na pang-aabuso
lamang ang humihingi ng tulong
(Philippines National Demographic and Health Survey 2017 2018)
Ayon sa GRABIELA (General Assembly Binding Women for Reforms, Integrity, Equality,
Leadership, and Action) isang samahan sa Pilipinas na laban sa iba’t-ibang uri ng karahasan
nararanasan ng kababaihan tinukoy nila ang tinaguriang
“Seven Deadly Sins Against Women”
1. Sex Trafficking at Prostitusyon
2. Domestic Violence
3. Panggagahasa, Incest at Sexual Abuse
4. Sexual Harassment
5. Violence as a Result of Political Repression
6. Sexual Discrimination at Exploitation
7. Limited Access to Reproductive Health Care
Pinagkunan: https://www.un.org/womenwatch/daw/vaw/ngocontribute/Gabriela.pdf
Modyul 3-Q3-Tugon ng Pamahalaan at Mamayan Laban sa Diskriminasyon at
Karahasan
1.Ang CEDAW- Convention on the Elimination of All Forms of Discrimination Against
Women.
- Karaniwang inilalarawan bilang International Bill for Women, kilala rin ito bilang The
Women’s Convention o ang United Nations Treaty for the Rights of Women.
- Ito ang kauna-unahan at tanging internasyunal na kasunduan
1
na komprehensibong tumatalakay sa karapatan ng kababaihan hindi lamang sa
panlipunan at pampamilya.
- Inaprubahan ng United Nations General Assembly ang CEDAW noong
Disyembre 18,1979, kaalinsabay ng pagdiriwang ng UN Decade for Women.
- Pumirma ang Pilipinas sa CEDAW noong Hulyo 15, 1980
- niratipika ito noong Agosto 5, 1981. Kasunod ng Convention of the Rights of the Child, ang
CEDAW ang pangalawang kasunduan na may pinakamaraming bansang nagratipika. Umabot
na sa 180 bansa mula sa 191 na lumagda o state parties noong Marso 2005.
- Unang ipinatupad ang kasunduan noong Setyembre 3, 1981 o 39 taon na ang nakararaan
noong 2006, subalit kaunti pa lang ang nakaaalam nito.
Paano nilalayon ng CEDAW na wakasan ang diskriminasyon sa kababaihan?
1. Nilalayon nitong itaguyod ang tunay na pagkakapantay-pantay sa kababaihan.
Inaatasan nito ang mga estado na magdala ng konkretong resulta sa buhay ng kababaihan.
2. Kasama rito ang prinsipyo ng obligasyon ng Estado. Ibig sabihin, may responsibilidad ang
estado sa kababaihan na kailanma’y hindi nito maaaring bawiin.
3. Ipinagbabawal nito ang lahat ng aksiyon o patakarang umaagrabyado sa kababaihan,
anumang layunin ng mga ito.
4. Inaatasan nito ang State Parties na sugpuin ang anumang paglabag sa karapatan ng
kababaihan hindi lamang ng mga institusyon at opisyal sa gobyerno, kundi gayundin ng mga
pribadong indibiduwal o grupo.
5. Kinikilala nito ang kapangyarihan ng kultura at tradisyon sa pagpigil ng karapatan ng
babae, at hinahamon nito ang state parties na baguhin ang mga stereotype, kostumbre at
mga gawain nagdidiskrimina sa babae.
Anti-Violence Against Women and Their Children Act (Republic Act No. 9262)
 Ang Anti-Violence Against Women and Their Children Act ay isang batas na
nagsasaad ng mga karahasan laban sa kababaihan at kanilang mga anak, nagbibigay
ng lunas at proteksiyon sa mga biktima nito, at nagtatalaga ng mga kaukulang parusa
sa mga lumalabag dito.
Sino-sino ang puwedeng mabigyan ng proteksiyon ng batas na ito?
 Ang mabibigyan ng proteksiyon ng batas na ito ay ang kababaihan at kanilang
mga anak
 Ang “kababaihan” sa ilalim ng batas na ito ay tumutukoy sa kasalukuyan o dating
asawang babae,
2
  babaeng may kasalukuyan o nakaraang relasyon sa isang lalaki,
 at babaeng nagkaroon ng anak sa isang karelasyon.
 Ang “mga anak” naman ay tumutukoy sa mga anak ng babaeng inabuso,
 mga anak na wala pang labingwalong (18) taong gulang, lehitimo man o hindi at
mga anak na may edad na labingwalong (18) taon at pataas na wala pang
kakayahang alagaan o ipagtanggol ang sarili
 kabilang na rin ang mga hindi tunay na anak ng isang babae ngunit nasa ilalim ng
kaniyang pangangalaga.
Sino-sino ang posibleng magsagawa ng krimen ng pang-aabuso at pananakit at maaaring
kasuhan ng batas na ito?
 kasalukuyan at dating asawang lalaki,
 mga kasalukuyan at dating kasintahan at
 live-in partners na lalaki,
 mga lalaking nagkaroon ng anak sa babae,
 lalaking nagkaroon ng “sexual or dating relationship” sa babae.
2.Magna Carta for Women (Republic Act No. 9710)
Itinalaga ng Magna Carta for Women ang pamahalaan bilang pangunahing tagapagpatupad o
primary duty bearer ng komprehensibong batas na ito.
Ginagawang tuwirang responsibilidad ng pamahalaan na proteksyunan ang kababaihan sa
lahat ng uri ng diskriminasyon at ipagtanggol ang kanilang mga karapatan.
-Katuwang ang mga ahensya at yunit nito, maglalatag ang pamahalaan ng mga nararapat
at mabisang paraan upang maisakatuparan ang mga layunin ng batas.
-Kabilang sa mga paraang ito ang paglikha at pagpapatupad ng mga batas,
patakaran at programang nagsasaalang-alang sa mga pangangailangan ng mga 11
babae, tungo sa kanilang kahusayan at kabutihan.
-Gagawa rin ng mga hakbang ang pamahalaan upang marepaso o maalis ang
mga batas, patakaran, programa, at polisiya na nagpapalala sa diskriminasyon laban sa
kababaihan.
-Ang isa pang hamon ng batas sa pamahalaan ay alisin ang mga stereotype at tanggalin ang
mga istrukturang panlipunan tulad ng kostumbre, tradisyon, paniniwala, salita at gawi na
nagpapahiwatig nang hindi pantay ang mga babae at lalaki.
Sino ang saklaw ng Magna Carta?
-Lahat ng babaeng Pilipino, anuman ang edad, pinag-aralan, trabaho o
hanapbuhay, propesyon, relihiyon, uri o pinagmulan o ethnicity ay saklaw ng Magna
3 Carta. Binibigyan ng batas na ito ng bukod na pansin ang kalagayan ng mga batang
babae, matatanda, may kapansanan, mga babae sa iba’t ibang larangan,
Marginalized Women, at Women in Especially Difficult Circumstances.
-Ang tinatawag na Marginalized Women ay ang mga babaeng mahirap o nasa hindi
panatag na kalagayan. Sila ang mga wala o may limitadong kakayahang matatamo ang mga
batayang pangangailangan at serbisyo. Kabilang dito ang mga kababaihang manggagawa,
maralitang tagalungsod, magsasaka at manggagawangbukid, mangingisda, migrante, at
kababaihang Moro at katutubo.
-Ang tinatawag namang Women in Especially Difficult Circumstances ay ang mga babaeng
nasa mapanganib na kalagayan o masikip na katayuan tulad ng biktima ng pang-aabuso at
karahasan at armadong sigalot, mga biktima ng prostitusyon, illegal recruitment, human
trafficking at mga babaeng nakakulong.
Ang Paternity Leave
Ang Paternity Leave o Republic Act 8187 ay isang batas na nagsasaad na ang
bawat empleyadong lalaki sa pribado at pampublikong sektor ay pinapayagang
lumiban o hindi pumasok sa trabaho sa loob ng pitong (7) araw ngunit patuloy pa
rin siyang pagkakalooban ng buong sweldo.
- Ito ay maaaring magamit ng isang lalaki sa unang apat na araw mula ng manganak ang legal
na asawa.
-Ang lalaking empleyado na nag-a-apply para sa Paternity Leave ay dapat ipagbigay-alam sa
kanyang employer ang pagbubuntis ng kanyang lehitimong asawa gayundin, ang
inaasahang petsa ng panganganak nito. Ito ay benepisyong ipinagkakaloob sa mga
empleyadong lalaki.
-Ang sinumang employer na lumalabag sa batas na ito o sa mga panuntunan
at regulasyon na ipinakilala rito ay parurusahan ng multa na hindi lalampas sa
dalawampu’t limang libong piso (P25,000) o pagkabilanggo na hindi kukulangin sa
tatlumpung (30) arw o hindi hihigit sa anim (6) na buwan.
-Nararapat lamang niyang kumpletohin ang mga impormasyong hinihingi sa Paternity
Notification Form buhat sa kanyang employer kasama ang kopya ng marriage contract.
 Bagaman hanggang ngayon ay walang partikular na batas para sa kalalakihan,patuloy
pa ring tinutugunan ng pamahalaan ang anumang karahasan at diskriminasyong kanilang
nararanasan.
 Patuloy ring isinusulong ang mga panukalang batas upang mabigyan ng proteksiyon
ang mga LGBTQIA+.
Q3-MODYUL 4 - Mga Hakbang Tungo sa Pagkakapantay-Pantay
4
 Mga Hakbang Tungo sa Pagkakapantay pantay
Mga Pundasyon sa Pagtugon sa mga Paglabag
Mula sa University of Minnesota sa Estdos Unidos iminungkahi ng Human Rights Resource
Center (HRRC) na may apat na pundasyon o building block na mahalaga tungo sa pag-alam at
pag-unawa sa mga kaso ng paglabag sa karapatang pantao. Ito ay:
1. Pag-iisip (Thinking) – Alam mo ba ang mga pangyayaring paglabag sa iyong pamayanan o
bansa? Kailangang alamin at pag-isipan nang mabuti ang mga paraan tungo sa pangangalaga
ng mga karapatang pantao.
2. Pagdamdam (Feeling) – Nararamdaman mo ba sa iyong pamayanan o bansa ang mga
paglabag sa karapatang pantao? Nakita ito bilang isa ring pundasyon tungo sa pagtugon dahil
maaaring magkaroon ng mga damdamin tungo sa mga kaso na maaaring may kaugnayan sa
iyo.
3. Paghahanda (Equipping) – Ano-ano ang iyong kailangan upang mapangalagaan ang iyong
karapatan at ang karapatan ng iyong kapwa? Ang ilan sa mga maaaring gawing paghahanda
para dito ay ang pag-alam o pagkatuto sa mga karapatan at obligasyon ng mga tao sa isang
estado o kaya ay mag organisa ng isang kampanya para sa pagwakas ng mga kasong ito.
4. Pagkilos (Taking Action) Paano ka ba kikilos laban dito? Paano mo ipagtatanggol ang iyong
karapatan at ang karapatan ng iba?
Mungkahing Pamamaraan sa Pangangalaga ng Karapatang Pantao
1. Alamin ang iyong karapatan Ang unang paraan upang maiwasan ang paglabag sa
karapatang pantao ay ang sapat na kaalaman sa karapatang pantao. Dapat na magkaroon
ang mga tao ng kaalaman sa kanilang karapatan at kung ano ang dapat gawin o saan
maaaring pumunta upang humanap ng lunas kung ang karapatan ay nalabag.
2. Huwag magbibigay ng suhol Kung nagbigay ka ng suhol nang isang beses sa anumang
kadahilanan, at pagkatapos ay tumanggi ka nang magbigay ng suhol sa ibang pagkakataon,
mas malamang na labagin ang iyong karapatan (gaya halimbawa sa pamamagitan ng
blackmail) ng mga dati mong sinuhulan.
3. Huwag palampasin ang ginawa sa iyong paglabag Kapag nilabag ng sinuman ang iyong
karapatan, huwag magsawalang-kibo. Lumiham sa kinauukulan, gamitin ang social media (sa
tamang paraan) kung kinakailangan, makipag-ugnay sa media, lumapit sa awtoridad at
5 magreklamo upang humingi ng lunas. Kung kinakailangan, kunin ang serbisyo ng isang
6
abogado o umugnay sa mga organisasyong ukol sa karapatang pantao para sa kanilang
tulong. Tandaan na kung minsang nalabag na ang iyong karapatan, malamang na labagin
itong muli nang paulit-ulit.
4. Ilantad ang salarin at ihayag ang iyong karanasan Kumuha ng larawan, audio o video
record ng paglabag. Gusto ng bawat tao na magkaroon ng magandang reputasyon kaya
pinangangalagaan ng mga tao ang kanilang imahe sa anumang paraan. Kapag alam ng mga
tao na sila ay malalantad at mapapasailalim sa kritisismo ng publiko, magdadalawang-isip sila
na gumawa ng paglabag. Mahalaga ang tulong ng UNICEF,Save the Chidren ,DSWD at marami
pang iba.
5. Pangalagaan din ang karapatan ng iba.Kung nalabag ang karapatan ng isang tao,
responsibilidad nating siya ay tulungan at umaksiyon sa paghanap ng hustisya. Kung
nakasaksi ka ng anumang paglabag, tawagan ang mga kakilala mo na makatulong sa iyo.
Maaaring ibahagi ang kwento sa media o online o anumang iba pang paraan upang
mabigyang kamalayan ang mga tao. Magmalasakit sa biktima sa paghanap ng hustisya.
Kapag ginawa mo ito para sa iba, panigurado, gagawin din ito ng iba sa iyo.
6. Huwag labagin ang karapatan ng iba Kung nilalabag mo ang karapatan ng iba, malamang
na malabag rin ang iyong karapatan at ang mga tao ay mawawalan ng gana na tulungan ka.
Inaasahan na ating poprotektahan ang ating kapwa at hindi lalabagin ang karapatan nila,
tulad ng inaasahan nating hindi rin lalabagin ng iba ang ating karapatan.
7. Sundan ang kaso hanggang sa dulo Sa sandaling nag-ulat ka ng isang kaso sa mga
awtoridad, tungkulin mong palaging sundan o i-follow up ang nangyayari sa kaso. Kahit sa
korte, dapat kang mag follow-up upang makakuha ng hustisya. Mali na mag-ulat ng isang
kaso at hindi na mag follow-up maipapalagay na hindi ka sigurado o seryoso sa iyong iniulat.
8. Turuan ang ibang mga tao Mahalaga na turuan natin ang lahat sa paligid natin tungkol sa
mga alam natin ukol sa karapatang pantao. Kung marami ang nakakaalam ukol sa mga
karapatan, kung saan at kung paano hahanap ng lunas kapag nalabag ang karapatan, at kung
sino at kung saan mag-uulat ng mga paglabag, tiyak na mababawasan ang mga kaso ng
paglabag sa karapatang pantao.
Mga Mungkahing Paraan ng Paglutas sa mga Paglabag sa Karapatang Pantao
1. Pagbuo ng public assistance programs Ang programang ito na popondohan ng gobyerno
ay magbibigay ng mga paraan para sa mga taong biktima ng mga paglabag sa karapatang
pantao na makahingi ng mga remedyong ligal mula sa mga lokal at internasyonal na korte.
Ito ay upang matiyak na ang lahat ay may akses sa katarungan.
 2. Paglikha ng mga napapanahong batas Sapagkat ang panahon ay nagbabago at maraming
mga bagong elemento sa lipunan na maaaring pasukin ng paglabag sa karapatang
pantao.Tama lamang na magkaroon ng angkop at napapanahong mga batas na poprotekta sa
mga karapatang pantao. Ang halimbawa nito ay ang ukol sa mga pakikisalamuha at mga
transaksiyon gamit ang internet (social media, online banking, commercialized apps o e-
commerce, at iba pa).
3. Istriktong implementasyon ng mga bata. Marami nang batas na nakaukol sa karapatang
pantao gaya ng:
 RA 7877 (Anti-Sexual Harassment Law of 1995),
 RA 8358 (Anti-Rape Law of 1997)
 RA 8369 (Family Courts Act of 1997)
 RA 8505 (Rape Victims Assistance & Protection Act of 1998)
 RA 9208 (Anti-Trafficking in Persons Act of 2003),
 at RA 9262 (Anti-Violence Against Women and Children of 2004).
Kailangan na istrikto at siguraduhin ng pamahalaan ang pagpapatupad ng mga batas na
umiiral sa ating bansa.
4. Mabilis at makatarungang paglilitis Ang mga kaso ay karaniwang nagtatagal at mayroon
pang hindi nareresolba. Kinakailangang makalikha ng mabibisang pamamaraan at rebisahin,
kung kinakailangan ang mga eksistidong proseso upang malunasan ang mga kaso sa
paglabag ng karapatang pantao. Makatutulong din na pondohan:ng gobyerno ang mga kaso
na kinakailangan ang tulong ng mga eksperto tulad halimbawa sa forensic science para sa
mabilis at tamang paglilitis ng mga kaso.
5. Paglagda ng bansa sa mga internasyonal na tratado Makatutulong na ang gobyerno ay
magkaroon ng inisyatibo na pumirma sa mga internasyonal na tratado para sa karapatang
pantao. Ito ay upang mapaalalahanan ng estado ang sarili nito, maging ang mga susunod na
maluluklok sa pamahalaan, laban sa pang-aabuso sa kapangyarihan at sa pagtatalaga sa
pagpoprotekta sa karapatan ng mga mamamayan.
6. Pagpapalakas at pagdisiplina sa sandatahang lakas Upang epektibong matugunan ang
terorismo at rebelyon, dapat isagawa ng gobyerno ang pagpapahusay ng kapulisan at
sandatahang lakas at tiyaking mas mahusay sila kaysa mga rebelde at terorista. Sa kabilang
banda, nararapat lamang na mayroon ding malinaw na guidelines at mga proseso ng
pagpapanagot kapag ang mga pulis at sundalo naman ang lumabag sa karapatang pantao.
Mga hakbang tungo sa pagkakapantay-pantay
1. Umunawa. 2. Rumespeto. 3. Makinig. 4. Makiisa.
7
Pagbuo ng Dokyumentaryo na Nagsusulong ng Paggalang sa Karapatan ng mga
Mamamayan sa Pagpili ng Kasarian At Sekswalidad
Dokyumentaryo ukol sa Karapatan sa Pagpili ng Kasarian at Sekswalidad
Kaugnay ng paksang gender at sexuality, paano ba ang pagbuo ng dokyumentaryo na
nagsusulong ng paggalang sa karapatan ng mga mamamayan sa pagpili ng kasarian at
sekswalidad?
Ang dokyumentaryo o dokumentaryong pantelebisyon ay tumutukoy sa nilikhang palabas na
may layong maghatid ng komprehensibo at estratehikong pagtalakay o paghahayag ukol sa
mahahalagang paksang panlipunan, pangkultura, pangmoralidad, pampulitika, pang-
espirituwal, pang-edukasyon at iba pa.Ang pakay nito ay sumailalim sa ilang katotohanan
ukol sa buhay o pamumuhay ng ilang piling tao o grupo ng mga tao. Ang pamamaraan nito
ay makasining na gigising sa isip at damdamin ng isang tao. Ito ay isang mabisang paraan
upang maimpluwensiyahan ang kaisipan, ugali, paninindigan, at pananaw ng mga
makakapanuod ukol sa ilang paksa o isyu.
Mga hakbang sa paglikha ng dokumentaryo sa aralin.Ito ay tatayain ayon sa mga sumusunod
na pamantayan : Nilalaman , Organisasyon o Kapakinabangan , Pagkamalikhain ,
Dating/Hikayat.
Nilalaman Ang hakbanging ginawa ay naglalaman ng sapat ,tumpak at may
kalidad na impormasyon na nagsusulong ng pagtanggap at
paggalang sa iba’t ibang kasarian upang maitaguyod ang
pagkakapantapantayng tao sa lipunan.
Organisasyon detalyado at madaling maunawaan ang daloy ng mga kaiisipan at
impormasyong inilahad upang mahikayat ang mgaPilipino/ mag-
aaral na tumugon.
Kapakinabangan Madaling gawain at naayon ang mga hakbang na nagsusulong ng
pagtanggap at paggalang sa iba’t ibang kasarian upang
maitaguyod ang pagkakapantapantay ng tao sa lipunan
Pagkamalikhain Malinaw at naayon ang mga disenyo at masining ang
pamamaraang ginagamit sa mga hakbang na ginawa.
Impact Ang dating sa manonood , mambabasa ay lubos nakakahikayat at
nakakatawag ng pansin
8