Assalamu Alaikum Warahmatullahi Wabarakatuh….

ALEBBIRENNA PA’DISSENGENGNGE
Tema: Hari Raya keagamaan
Sining tomatoakku nenniya silessureng malebbikku, engkae tudang majjajareng ….

Sukkuru maraja lao ri sese arajanna Puang Allahu Taala, nasaba engkata mua nawereng
kesempatan nennia ajjapa – jappareng, natopada engka maneng maddeppungeng rionrong
mabbarakka iyaewe…

Salama nennia pappasalama´lao ri nabitta Muhammad Sallallahu Alaihi Wasallam , Nabi iya
engkae mancaji akacoereng madeceng , nabi iya tiwie biretta madeceng iyanaritu addinul Islam
agama asellengengnge

Narilalenna iye wettue, mellau addampekka riolo alebbiretta maneng, ritemmakkeadenna

bicarakku, ritemmakeadenna gaukku upappolo bicara ritujunna :

ALEBBIRENNA PADDISENGENG’E

Sining tomatoaku nenniya silessureng malebbikku engkae tudang majjajareng

Makkedani surona Allahu Taala, Muhammad SAW iya bettuanna “ Nigi-nigi maelo
saukininnawa tuo rilino , engkapi nasaba paddissengeng , nanigi-nigi maelo saukininnawa tuo ri
ahera engkapi nasaba paddiengeng, na nigi-nigi maelo saukininnawa tuo rilino nenniya ri ahera
engkapi nasaba padisengeng

Padatoha narampe haddese’e riase, majeppu narekko meloki salama ri lino makkotoparo ri
akherat, sibole- boleta engkapi nasaba’paddissengeng.

Hikma sempajang lima wettue ri wettu roko’ta iyanaritu ri passamarata paddissengeng ahera
ri atitta nennia paddissengeng linoe ri ulue. Nasaba’ narekko matanrei paddissengeng ahera’e nae
paddissengeng linoe engkakiritu mancaji tau de’ topaisseng ri palloang linoe, makkotoparo
narekko matanrei paddissengeng linoe nae aherae engkakitu mancaji tau ripoata ri linoe. Ianaro
nassabari saisanna sialessureng selletta korupsi, nennia rilainnae topa gau maja’ laingnge,
nassabari nakarena matanrena paddissengeng linona nae paddissengeng ahera’na.

Sining tomatoakku nenniya silessureng malebbikku engkae rudang majjajareng

Paddissengeng mancajiwi pattimpa’na suruga pammasena puang Allahu Taala, nasaba

sininna ibadata narekko ipogaui na de’ nassibawai paddissengeng engkaitu sia-sia . Padatoha
haddese’na nabitta Muhammad Sallallahu Alaihi Wasallama.

UPTD SMP NEGERI 2 PITUMPANUA

Bettuanna

Tungke-tungke seuwa-seuwa engkamaneng lalenna, naiya lalengnge lao ri suruga iyanaritu

paddissengeng

Pangngulutta Shaydina Ali Bin Abi Thalib , ri seuwa wettu ri pappilei, kegae maelo napile,
paddissengeng naiyarega waramparang, naekiya Shaydina Ali napilei paddissengengnge,
shaydina Ali napaui alebbirenna paddissengengnge iyanaritu:

1. Narekko paddissengeng , riabbereangi simata ta’tambai , naekia narekko waramparang

narekko riabbereangi simata takkurangi
Padatoha na poadae surona Allah Taala Muhammad sallallahuAlaihi Wasallama
Bettuanna:
Naiya attunttukeng paddissengenge lebbi makessingngi attuntukeng waramparangnge
2. Naiya paddissengenge alena jagaiki ri lino makkotoparo ri ahera, naekia
waramparangnge idi rupa taue simata jagaiwi
3. Naiya paddissengenge natanggungikimatti riesso rimunrinna puang Allahu Taala, naiya
tosi waramparangnge idi tanggunguwi ri esso ri munrinna puang Allahu Taala
4. Naiya paddissengengnge mana’ pole ri nabie, naiya tosi waramparangnge mana’ pole ri
Qarun laknatullahi alaihi.
Pada toha haddese’na nabitta Muhammad sallallahu Alaihi Wasallama
Bettuanna:
Naiya tau kepaddissengengnge mana pole ri nabie
Sining tomatoaku nennia silessureng malebbikku engkae tudang majjajareng….
Riolo de’napa ututu’I paddamperampeku iyaewe upakkulingekki paemeng makkedae
sarekuammengngi engkaki padecengiwi paddissengeng ahera sarekkuammengngi
engkaki salama tuo ri lino makkotoparo matti ri esso ri munrinna puang Allahu Taala
Seddi aya’ akorang ualai ada paccappureng ri kesempatange iyaewe iyanaritu
Bettuanna :
Majeppu ripatarakkai ri puang Allahu Taala tau mateppe’e pole ri iko mennang nennia
tau kepaddissengenge ripatarakka toi deraja’na ri puang Allahu Taala nasaba siare-are
deraja’na
Sining Tomatoaku nenniya silessureng malebbi’ku engkae tudang majjajjareng….
Makkuniro urafisi rampeangekki alebbirenna paddissengenge mammuare ma’barakkai
lao ri’ini maneng
Narekko engka adakku tappasala, taparajangnga adampeng, narekko adakku mattuju
sininna atongengnge pole ri puangnge.
Akhirul kalam
Assalamu Alaikum Warahmatullahi Wabarakatuu

UPTD SMP NEGERI 2 PITUMPANUA

UPTD SMP NEGERI 2 PITUMPANUA