Ang Pelikula

Ang pelikula na tinatawag ding “sine” at “pinilakang

tabing” ay isang likhang-sining at bahagi ng industriya
ng libangan. Naging buhay ang pelikula at naging
kalaban ng dulaan noong panahon ng Amerikano.
Ito ay isang obrang pansining na kakikitaan ng galing,
tradisyon, kultura, kaugalian, saloobin, at
pagpapahalaga ng tao at bansang pinagmulan nito.
Maihahanay rin ang pelikula sa mga uri ng midya na
may malaking epekto sa pag-iisip at pag-uugali ng mga
manonood.
Sa tulong ng teknolohiya, ang pelikula ay binubuo ng
gumagalaw na mga imahen at nagtataglay ng tunog na
higit na nagiging epektibo sa paghahatid ng iba’t ibang
kaalaman sa mga manonood, katulad rin ng
pagbabasa.
 Kung papansinin natin, ang ibang mga aklat ay
naisasapelikula dahil sa angking kasiningan at
kagandahan ng kuwento.

 Inilalantad ang katotohanan upang makabuo ng

kawili-wiling kuwento mula sa imaheng nilapatan ng
tunog at musika. Sa pamamagitan din ng panonood
ng pelikula, nagkakaroon ng mga kabatiran sa
kapaligiran.
 Gaya ng iba pang dayuhang uri ng sining, ang
pelikula nang natanim sa Pilipinas ay may halong
impluwensya ng dayuhan. Ngunit nang maglaon ay
nahaluan na ng Pilipino at Asyanong impluwensya.
Simula nang lumaya sa mga Espanyol, lumaki at
lumawak ang mga nanonood ng pelikula sa Pilipinas,
dahil na rin sa pagdami ng mga artista at mga
kuwentong sumasalamin sa kultura, problema, at
pangarap ng mga Pilipino.
Noong 1919, sa kauna-unahang pagkakaton, si Jose
Nepomuceno na tinaguriang “Ama ng Pelikulang Pilipino”
ay bumuo ng pelikulang pinamagatang Dalagang Bukid na
isang sarsuwela. Napakaraming umusbong na mga pelikula
at artista matapos ang pagtatangkang ito. Kaya naman,
mabilis na lumipas ang mga taon, ang dekada ‘50 ay
itinuring na “Ginintuang Panahon ng Pelikulang Pilipino.”
Sa taon ding ito nabuo ang mga patimpalak sa
pinakamahusay na pelikula tulad ng Maria Clara Awards at
Filipino Academy for Movie Arts and Sciences Awards (FAMAS).
Naging kilala sa mga panahong ito ang mga
pelikulang ginaya sa mga Gangster movies kung saan
tinalakay ang krimen sa mas madugo at mas
realistikong paraan.
 Ang mga melodrama naman ay napuno ng mga
kuwento ng mga pagtataksil ng mga asawa o kaya ay
mga babaeng iniwan lang sa hangin. Ngunit mas
nakilala ang mga bomba movies na nagtatampok ng
mga maiinit at malalaswang eksena sa gitna ng mga
kuwento sa magulong lipunan noong dekada '60
hanggang '80.
Nagsimula rin namang umusbong ang mga bagong
kuwento, artista, at direktor tulad nina Nora Aunor,
Vilma Santos, at Dolphy. Ang mga batang direktor tulad
nina Ishmael Bernal, Lino Brocka, at Marilou Diaz-
Abaya naman ay nagtampok ng mga pelikulang may
halong drama, komedya, komentaryo, at realismo ng
buhay Pilipino. Kahit na ninais ng pamahalaan na
lumawak ang kontrol nito sa sining sa pamamagitan ng
mga buwis at sensura, nanatili ang makulay na pag-
unlad at pagbabago ng mga pelikula ng panahong ito.
Mga Elemento
ng Pelikula
Nilalaman o Banghay - Katulad rin ng mga akdang
pampanitikan, ang pelikula ay isang kuwento na may
simula, gitna, at wakas. Nararapat na makatotohan ang
paglalarawan ng mga pangyayari batay sa
pagkakasunod-sunod nito sa tulong ng sequence sa
iskrip.
Sinematograpiya - Pagkuha sa wastong anggulo at
tamang pagkakahon (framing) upang maipakita sa
manonood ang tunay na pangyayari sa pamamagitan ng
wastong timpla ng ilaw at lente ng kamera. Sa tulong
nito, naipamamalas ang tunay na pangyayari na
sumasalamin sa buhay ng mga manonood.
Tunog – Maaaring diyalogo, sound effects, mga ingay
mula sa kapaligiran (ambient noise), at/o katahimikan.
Malaki ang naitutulong ng tunog upang mapaniwala
ang manonood tungkol sa realidad ng kanilang
natutunghayan.
Musika – ito ay mga himig na nakatutulong sa
pagpapalitaw ng damdaming nais mamayani sa pelikula
kasama na rin ang pagtukoy sa katauhan ng gumaganap
na aktor. Sa pamamagitan nito, higit na napupukaw ang
interes at damdamin ng mga manonood.
Disenyong Pamproduksyon - Pagpapanatili sa
kaangkupan ng lugar, eksena, pananamit, make-up,
kagamitan at sitwasyon para sa higit na masining na
paglalahad ng biswal na pagkukuwento at maging
makatotohanan.
Editing - Ito ay pagpuputol at pagdudugtong-dugtong
muli ng mga negatibo mula sa mga eksenang
nakuhanan na. Dito ay muling sinusuri ang mga tagpo
upang tayain kung alin ang hindi na nararapat isama
ngunit hindi makaaapekto sa kabuuan ng kuwento ng
pelikula dahil may laang oras o panahon ang bawat
pelikula.
Direksyon - Ang direktor ang pinakapuso ng isang
pelikula. Hindi makabubuo ng pelikula kung walang
nagpapatakbo nito. Sa elementong ito, isinasaalang-
alang ang mga pamamaraan at diskarte ng direktor
kung paano patatakbuhin o bubuuin ang kuwento sa
pelikula.
Mga Katangian
ng Pelikula
Sa pagbuo ng isang pelikula, mahalagang malaman
ang katangian nito upang maging ganap. Ayon kay
Ricardo “Ricky” Lee, kilalang manunulat ng iskrip,
narito ang mga dapat taglayin ng isang pelikula:
1. Audio at visual - Nararapat na angkop ang musika
at props na ginagamit sa pelikula. Hindi dapat
eksaherado ang musika, tunog, at maging ang mga
galaw o kilos ng mga tauhan.
2. Kaisipan, mensahe, at damdamin - Malinaw dapat
na maipakita ang kaisipan at mensahe ng pelikula. Sa
tulong ng mga artistang gumaganap sa kuwento nito,
sila ang nagpapakita ng lahat ng emosyon sa
pamamagitan ng mga pahiwatig na salita. Napalilitaw
rin ang damdaming namamayani sa pelikula dahil dito.
3. Tiyak na Haba ng Pelikula - Ang paggawa ng
isang pelikula ay napakahirap na gawain o proyekto.
Kailangan ang ang isang pelikulang panonoorin ay
matatapos sa isang upuan lamang. Karaniwan ang mga
pelikula ay gumugugol ng isa hanggang dalawang oras,
sa kaunting oras na iyon, layunin nitong maipahayag
ang buong kaisipan at mensahe sa mga manonood.
4. Sapat na budget para sa pelikula - Nararapat na
sapat ang pera o budget sa mga pangangailangan ng
pelikula dahil napakagastos ang pagbuo nito. Mga
artista, tauhan sa produksiyon, lokasyon, pagkain,
kagamitan, at marami pang iba ang mga dapat isaalang-
alang sa pagba-budget ng pelikula.
5. Gawa ng tao ang pelikula - Nangangailangang
sapat ang bilang ng tao sa loob at labas man ng lente ng
kamera sa pamumuno ng direktor. Sa kaniya
nakasalalay ang tagumpay ng pelikula. Wika nga ng
kilalang direktor na si Ishmael Bernal, “Hindi mo alam
ang kalalabasan ng iyong pelikula hanggang hindi pa
ito tapos.”
1. Ano ang pinakapaborito mong pelikulang Pilipino? Sino ang
direktor nito?
2. Sa iyong paunang suri, naging mahusay ba ang mga
aspektong teknikal ng iyong paboritong pelikula? Sa paanong
paraan ito naging mahusay?
3. Ano ang pangunahing mensahe ng iyong paboritong
pelikula? Sa paanong paraan ito ipinakita?
AAALLNNMI 1. Naglalatag ng mga pagkakasunod-sunod ng
pangyayari na karaniwang makikita sa iskrip.

NOYSRIKDE 2. Tunguhin ng pelikula na karaniwang ipinatutupad

ng direktor.
NMIPAIASAYT 3. May kinalaman sa wastong anggulo, pagkakahon,
RGEO pag-iilaw at kabuuang paraan ng pagkarekord ng mga
kuha.
GONUT 4. Maaaring dayalogo, sound effects, mga ingay
galing sa kapaligiran, o katahimikan.
-EEIADTPG 5. Pagputol at pagdudugtong-dugtong muli ng mga
kuha para makabuo ng kuwentong biswal.