iyong iibigin, ano-anong katangian ang isasaalang- alang mo? Bakit? Gaano kahalaga ang pagkakaunawaan sa pagitan ng dalawang taong nagmamahalan? Paano mo ilalarawan sina Buwan at Araw bilang mag-asawa? Ano ang naging sanhi ng galit ni Buwan kay Araw na humantong sa kanilang paghihiwalay? Makatarungan ba ito? Bakit? Ano ang maaring maging epekto ng pagseselos sa relasyon, maging ito ay pagkakaibigan man o pag-aasawa? Gaano kahalaga sa isang samahan ang pagtupad sa napagkasunduan? Ang sinaunang panitikan ay masasabing nasa anyong pasalita. Ang kwentong bayan ay isang uri ng sinaunang panitikan na nagtataglay ng aral o mensahe na kalimitan ay ginagawang gabay ng bawat tao sa pang- araw araw na buhay. Ang mga paksa ng mga kwentong bayan ay madalas ay tungkol sa pakikipagsapalaran, katatawanan, katatakutan at pag-iibigan. Nahahati sa tatlong pangkat ang kwentong bayan – 1. Alamat 2. Mito 3. Salayasayin Ang alamat ay mga kwentong bayan na naglalarawan ng pinagmulan ng isang bagay, lugar, o pangyayari na kadalasan ay nagpapakilala ng kagitingan at kabayanihan ng ating mga ninuno. Halimbawa; Alamat ng Pinya Alamat ng Saging Alamat ng Mangga Alamat ng Sampaguita Ang mito ay naglalahad ng mga pangyayari sa daigdig tulad ng pagkakaroon ng langit at lupa, panimula ng daigdig o tao, at kamatayan. Ito ay pagsasalaysay rin tungkol sa mga diyos at diyosa. Halimbawa Juan Tamad Si Malakas at si Maganda Mariang Makiling Ang salaysayin ay isang uri ng maikling kwento na ang pokus ay ang maayos na pagkakasunod-sunod ng mga pangyayari.