Professional Documents
Culture Documents
KABUTIHANG PANLAHAT
KP1: Natutukoy ang mga elemento ng kabutihang panlahat
3. Ang kapayapaan
Ito ay resulta ng pagkakaroon ng katahimikan,
kapanatagan, at kawalan ng kaguluhan. May
kapayapaan kapag iginagalang ang bawat
indibidwal at umiiral ang katarungan. Upang
makamit ito, nangangailangan ng sama-samang
pagkilos ng mga tao.
Mga Hadlang sa Pagkamit ng
Kabutihang Panlahat
1. Nakikinabang lamang sa benepisyong hatid ng
kabutihang panlahat, subalit tinatanggihan ang
bahaging dapat gampanan upang mag-ambag sa
pagkamit nito.
Halimbawa, ang sapat na suplay ng tubig ay pakikinabanagn ng
lahat ng tao. Subalit upang mapanatili ang sapat na suplay ng
tubig sa panahon ng tagtuyo, ang mga tao ay ay kailangang
magtipid sa paggamit nito. Hindi lahat ng tao nagnanais gawin
ito sapagkat ayon sa kanila, habang may nagtitipid
makikinabang pa rin siya nang hindi nababawas ng kanyang
konsumo. Ang nakakabahala rito ay kapag dumami ang taong
may gantong pangangatwiran, masisira ang kabutihang
panlahat na nakasalalay sa supotrtang manggagaling sa kanila.
Mga Hadlang sa Pagkamit ng
Kabutihang Panlahat
2. Ang indibidwalismo, ibig sabihin ang paggawa ng tao ng
kaniyang personal na naisin.
Halimbawa, may mga taong ayaw manood ng balita at makialam
sa mga nangyayari sa paligid dahil mas marami siyang suliranin sa
kanyang personal na buhay na kailangang isaayos. Maaaring
ikatuwirang hindi siya makikialam sa mga bagay na hindi naman
tuwirang nakakaapekto sa knya.
3. Ang pakiramdam na siya ay nalalamangan o mas malaki
ang naiaambag niya kaysa sa nagagawa ng iba.
Halimbawa, upang kayanin ng mga mahihirap aang pagbili ng
produkto, kailangang tanggapin ng negosyante ang mababang
tubo o kita mula sa mga produkto. Ang tingin ng ilan ditto ay hindi
makatarungan.
Mga Kondisyon sa Pagkamit
ng Kabutihang Panlahat
1. Ang lahat ng tao ay dapat na mabigyan ng pagkakataong
makakilos nang malaya gabay ang diyalogo, pagmamahal at
katarungan.
Mahalaga ang diyalogo upang maibahagi sa bawat isa ang
kanilang saloobin, damdamin at pananaw. Madalas na ang
sanhi ng hindi pagkakaunawaan ng mga tao ay ang
kakulangan sa pag-uusap. Kung hindi mananaig ang
pagmamahal at katarungan sa knila sa lahat ng pagkakataon,
hindi ganap na kakayanin ng sinuman na isantabi sa ilang
pagkakataon ang kanyang pansariling kaligayahan at
kapakanan para sa kabutihang panlahat. Ang 2
pagpapahalagang ito ang susi upang makamit ng lipunan ang
kanyang tunay na layunin at tunguhin.
Mga Kondisyon sa Pagkamit
ng Kabutihang Panlahat
2. Ang pangunahing karapatang pantao ay nararapat na
mapangalagaan.
Ang karapatan ang nangangalaga sa dignidad ng tao at
nagtataguyod ng pagkakapantay-pantay. Hangga’t nananaig ang
diskriminasyon sa lipunan, nagpapahiwatig itong hindi pa ganap
ang pagsasalang-alang ng mga tao sa kabutihang panlahat.
3. Ang bawat indibidwal ay nararapat na mapaunlad patungo
sa kaniyang kaganapan.
Kung walang nagagawa ang lipunang kanyang ginagalawan
upang siya ay umunlad bilang tao, masasabing hindi pa tunay na
patungo ang lipunan sa tunany nityong layunin, ang kabutihang
panlahat. Tandaan, bumubuo ang lipunan ng tao, hindi lamang tao
ang bumubuo sa lipunan.
AYON KAY JOHN F. KENNEDY:
“ Huwag mong itanong kung ano ang
magagawa ng bansa sa iyo, itanong
mo kung anong magagawa mo para
sa iyong bansa”
Ang tunay na paggalang sa dignidad ng tao ay
nangangailangan ng pagkamit sa kabutihang panlahat.
Ganap lamang na masasabing tunay na kinikilala ang
dignidad ng tao kung nananaig sa lahat ng pagkakataon
ang kabutihang panlahat. Nararapat magmalasakit ang
lahat upang lumikha o sumuporta sa mga institusyong
panlipunan (pamilya, paaralan, simbahan, pamahalaan)
at paunlarin ang kalagayan ng buhay ng bawat
indibidwal sa sumasalamin sa lipunan. Mahirap pa itong
isipin at ganap na yakapin sa kasalukuyan ngunit lahat
ng bagay, gaano man kahirap ay magagawa kung
talagang nais. Sabi nga, “Kung gusto may paraan,
kung ayaw palaging may dahilan.”