SAGUTIN NATIN Ano-ano ang mga katangian ni Usman? Bakit kahit wala naman siyang nagawang kasalanan ay ipinabilanggo siya ng sultan? Paano mo ilalarawan ang sultan bilang isang pinuno? Ano kaya ang mangyayari sa isang pamayanan kung katulad niya ang magiging lider o pinuno? Bakit nagmakaawa si Potre Maasita, ang anak ng sultan, upang pakawalan si Usman? Sa halip na pagbigyan ang anak, ano ang ginawa ng sultan? Paano mo siya ilalarawan bilang isang ama? Paano nakaligtas ang magkasintahan sa tiyak na kamatayan? Kung ikaw ang anak ng sultang ito, ano-ano ang mga gagawin mo upang mapag-isipan ng iyong ama ang mga maling ginagawa niya at baka sakaling magkaroon ng katahimikan hindi lamang sa inyong tahanan kundi maging sa kahariang kanyang nasasakupan? Ano-ano ang mga nagbago sa kaharian nang sina Usman at Potre Maasita na ang naging sultan at sultana?