BAHAGI NG PANANALIKSIS/TESIS

KABANATA I: ANG SULIRANIN AT KALIGIRAN NITO

a.) Ang Introduksyon o Panimula

- Ang pangunahing layunin ng panimula ay ang magbigay ng paglalarawan
sa tinutukoy ng pananaliksik.
- Sa bahaging ito ay maaaring talakayin ang kaligiran ng pananaliksik, layunin
ng pananaliksik, kahalagahan ng suliranin at ang mga katanungang kailangan
bigyang katugunan sa gagawing pananaliksik.

b.) ANG PAGLALAHAD NG SULIRANIN

- Ang paksa ng pananaliksik ang batayan sa pagbubuo ng paglalahad ng
suliranin.
- Dito babanggitin ang sanhi o layunin ng pananaliksik na maaaring sa anyong
patanong o sampling paglalahad ng layunin.
c.) HAYPOTESIS
- Ito ang bahagi ng pananaliksik na nakatutok sa pagbibigay presiksyon
sa maaaring tugon sa mga katanungan sa mga katanungan na nakapaloob
sa pananaliksik.
-Naglalaan ng direksyon sa pag-aaral at nagsisilbing batayan sa
paglalahad ng kongklusyon.

d.) KAHALAGAHAN NG PAG-AARAL

- Inilalahad ang “significance” ng pagsasagawa ng pananaliksik ng

paksa ng pag-aaral. Tinatalakay sa bahaging ito ang kahalagahan
ng buong pag-aaral at kung ano ang magiging kontribusyon nito
sa larangan ng edukasyon at siyensya.
e.) BATAYANG KONSEPTWAL
- ilalantad ang teoryang pagbabatayan ng pag-aaral. Sa teorya ring ito iaangkala ng
mananaliksik ang sariling pagtingin sa paksang pinag-aaaralan gayundin ang mga
ideyang dapat palitawin sa ginawang pananaliksik.

f.) SAKLAW AT LIMITASYON

-Nagtataglay ito ng dalawang talata. Ang unang talata ay naglalaman ng saklaw
ng pag-aaral, habang ang ikalawang talata ay tumutukoy naman sa limitasyon ng
pananaliksik.

g.) DEPINISYON NG MGA TERMINOLOHIYA

- ang mga katawagang makailang ginamit sa pananaliksik at ang bawat
isa’y binigyan ng kahulugan.
KABANATA II: METODO NG PANANALIKSIK

NAHAHATI SA APAT NA BAHAGI ANG KABANATANG ITO

1. DISENYO NG PANANALIKSIK. Nililinaw sa bahaging ito ang ginamit na disenyo ng

pananaliksik. Kadalasan desciptiv- analitik dahil di ito ang para sa mga baguhang
mananaliksik dahil di ito nangangailangan ng paggamit ng masalimuot na gamit ng
istalistik. Maaring suriin lamang ito ng mga datos o impormasyon na nakalap bunga ng
isinagawang sarvey.

2. RESPONDENTE/RESPONDYANTE. Dito inalalahad ang eksaktong bilang ng mga

sumagot sa inihandang kwestyoner- survey. Inihahayag dito ang maikling profyl ng mga
respondente gayundin at paano sila pinili.
3. INSTRUMENTO NG PANANALIKSIK. Dito makikita ang ginamit na mga
kwestyuneyr sa pagkalap ng mga informasyon o datos na gagamitin ang
deskriptiv- analitik. Ang instrumento sa pananaliksik ay maaaring sarvey
kwestyuneyr intervyu o panayam.

4. TRITMENT NG MGA DATOS. Inilalahad dito ang simpleng statistik na

magagamit matapos maitala ang mga naging sagot sa sarvey- kwestyuneyr
sa bawat respondente. Sa deskriptiv- analitik maaari ng gamitin ang
pagpoporsyento/bahagdan matapos mai-tally ang numerikal datos ng mga
kwestyuneyr. Dito na magsisimulang suriin ang kinalabasan ng
pagpoporsyento/ pagbabahagdan.
PANONGOLEKTA NG DATOS
Maraming paraan ang magagawa upang makapangolekta ng mga datos na lubhang
kailangan sa ginagawang pananaliksik.

a. AKLAT SA LAYBRARI. Napakahalagang lugar ang laybrari sa pangangalap ng mga

informasyong magagamit sa talakayan. Dito ka makakakuha ng mga teoryang
mapagbabatayan ng mga ideya sa pananaliksik. Dito rin makakalap ang mga pahayag na
magpapalakas sa inyong mga paliwanag, sa mga kinalap na informasyon lubhang
mahalaga at kailangan na itala sa bahaging sanggunian o biblyografi sa kabuuan, ang
pinaghanuan ng ideya. Ang hakbang na ito’y nagpapakita ng respeto sa paggamit ng ideya
o kaisipan ng nagmamay-ari.
b. INTERBYU/PAKIKIPANAYAM. Ito ay gawaing impormasyon
ang mismong makukuha sa taong makatutulong sa
ginagawang pananaliksik. Ang interbyu ay kailangan upang
mapatotohanan ang katotohanan.

c. INTERNET. Matutong manaliksik sa internet upang lalong

maging mayaman ang pahayag na maiugnay sa ginagawang
pananaliksik. Sa anumang impormasyong napakinabangan
huwag kalilimutang pasalamatan ang pinagkunan sa
pamamagitan ng pagtatala ng website sa biblyograpiya.
Kabanata III: Pagsusuri at Interpretasyon ng mga Datos
Kwaliteytiv man o kwantiteytiv ang ginawang pananaliksik may pagsusuri at
interpretasyon nagaganap sa resulta ng pag-aaral. Higit namang kailangan ang
interpretasyon sa resulta ng istatistiks bilang pagpapatunay sa hipotesis na ginawa sa pag-
aaral.

Pagsusuri
- ang pagsusuri ay nagaganap sa tulong ng malalim na pagpapahayag/ pagpapaliwanag
ng kinalanasan ng pag-aaral. Lubos na nasusuri ang pinag-aaralan kung iuugnay ito sa
teorya o pagdulog ng mapag-aanglahan. Maaari pa ring iugnay ang pagsusuri sa kalagayan
ng kapaligiran dahil maaaring makasagot ito sa resulta ng pag-aaral.
Interpretasyon
- sa pagbibigay interpretasyon ng kinalabasan ng pag-aaral, ipinahahayag nito ang
pansariling implikasyon ng resulta ng pananaliksik. Gumaganda ang interpretasyon
kung makatotohanan ang mga figyur na lumabas sa pag-aaral. Sa pagbibigay
interpretasyon inihahayag muna ang paglalarawan ng mga datos at binabanggit din
ang kaukalang tambilang bilang suporta sa gagawing interpretasyon. Ang ginagawan
ng interpretasyon ay maaaring nakaanyong tabular o graph na ang parameter ay nasa
gawaing itaas o kaya’y sa gawing kaliwa,pababa. Ang kaukalang tambilang naman ay
nasa kabilang direksyon ng parameter na maaaring pababa o pahalang ang posisyon.

Paliwanag/ Pagsusuri
- pagpapaliwanag ng mga resulta ayon sa mga pangkasalukuyang kaalaman kabilang
ang mga nakapagbabagong sangkap, na maaaring makaimpluwensiya sa resulta.
KABANATA IV: PAGLALAHAD NG RESULTA NG PANANALIKSIK
1. Bar graph- ito ay ginagamitan ng mga patayo at pahigang linya. Komon ito sa mga
paghahambing o comparative studies. Ang pamagat nito ay nagsasabi kung tungkol
saan ang graph. Matatagpuan naman sa gawing ilalim ang pinagkunan ng datos.
2. Pie chart- katulad ng bar graph, mayroon itong pamagat, legends at source. Dito ay
hinahati sa bawat bahagi ang kabuuan.
3. Line graph- ito ay madalas gamitin upang ipakita ang pagbaba o pagtaas ng halaga
ng mga pangangailangan sa pagdaan ng panahon. Bawat valyu ay kinakatawan ng
mga tuldok na nagpapakita ng scale kapag naikonekta.
4. Pictograph- ito ay ginagamitan ng mga larawan na nagrerepresenta sa isang
produkto, dito ay madaling makita ang pagkakaiba.
5. Flow chart- nagpapakita ito ng proseso o mga hakbang na kailangang isagawa mula
umpisa hanggang huli. Layunin nito na makatipid sa oras o maging maayos o
epesyente ang paggawa ng mga bagay-bagay.
6. Istruktura ng organisasyon- pinapakita nito ang istruktura o ang pagkakasunod-
sunod ng katugkulan mula sa pinakamataas hanggang sa pinakamababa. Madalas
natin itong makita sa lobby ng mga tanggapan upang madali nating matukoy ang
mga taong dapat puntahan sakaling mayroon tayong sadya sa isang tanggapan.
7. Talahanayan- ito ang pinakagamitin sa lahat ng larangangan o disiplina dahil ito ang
pinakamadaling unawain. Makikita dito ang mga tiyak at aktuwal na impormasyon
hinggil sa isinasagawang pananaliksik na maayos na nakahanay sa mga kolum.
KABANATA V: BUOD, KONGKLUSYON AT REKOMENDASYON

a.) BUOD – Pinagsama-sama ang mga datos at impormasyong nakalap

na mananaliksik.

b.) Kongklusyon – May hinuha, implisyon, interpretasyon o mga

paglalahat batay sa mga napatunayan.

c.) Rekomendasyon – Maaring magmungkahi na pagpapatuloy sa dati

nang naisagawang pag-aaral.
WAKAS