Përthyerja dhe reflektimi janë dukuri gjatë të cilave kemi thënë që drita kur bie mbi materiale të cilat kanë veti të reflektojnë apo përthejnë rrezet e saja mund të ndikojë deri tek ndryshimi i pamjeve që ne i perceptojmë me anë të syrit dhe imazhet që fitohen nga reflektimi dhe përthyerja. Këto pamje në fizikë i quajmë iluzione optike. Pra, me fjalë të tjera iluzionet optike janë perceptime të gabuara dhe shtrembëruara të objekteve reale që veprojnë në shqisat e të pamurit. ILUZIONI I MULLER-LYERIT Ky iluzion u krijua nga Franz Carl Muller – Lyer një sociolog gjerman në vitin 1889 . Në këtë iluzion dy vija horizontale me gjatësi të njëjtë duken sikur kanë gjatësi të ndryshme në sajë të shigjetave në fundin e secilës vijë. Kur shigjetat janë të kthyera nga brenda vija duket më e shkurtër sesa kur shigjetat janë të kthyera nga jashtë. ILUZIONI PONZO Iluzioni Ponzo është një iluzion gjeometrik që u demonstrua për herë të parë nga psikologu italian Mario Ponzo në vitin 1911. Dy vija horizontale me gjatësi të barabartë si pasojë e perspektivës lineare ne e perceptojmë vijën e sipërme më të gjatë përshkak se sfondi e bënë atë që të duket më larg nesh. FANTAZMA E PEPERIT Fantazma e Peperit është gjithashtu një iluzion optik i cili ka pasur një zbatim të madh nëpër teatrot botërore për të krijuar paraqitje fantazmash. Një pllakë e madhe qelqi vendosej para skenës në kënd prej 45 ˚. Ajo e reflekton objektin e ndriçuar mirë që gjendet jashtë skenës. Me këtë krijohet iluzion sikur bashkohen objekti i ndriçuar dhe loja e aktorëve.