Lipunang Sibil para sa

Kabutihan ng Lipunan
Aralin 6
Simulan Natin
Ang bawat lipunan ay binubuo ng iba’t ibang bahagi o pangkat
upang matugunan ang iba’t ibang pangangailangan ng bawat
kasapi.

Ang mga pangkat tulad ng simbahan at media ay may kani-

kaniyang layunin at gampanin.
Lipunan bilang isang Samahan
● Bilang isang malaking organisasyon o samahan ng mga tao, ang isang
lipunan ay naglalagay ng mga estraktura at pamamaraan kung paano dapat
isagawa ng mga tao at pangkat ang mga bagay-bagay.
Lipunang Sibil
● Ang lipunang sibil ay isang malaking pangkat sa labas ng pamahalaan at
pamilya.

● Ayon sa pakahulugan ng World bank at World Health Organizaton, ang

lipunang sibil ay organisasyon na labas sa estado, non-profit at boluntaryong
binuo ng mga tao na nagsama-sama upang isulong ang kanilang interes sa
pamamagitan ng kolektibong pagkilos .
Layunin at Gampanin ng Lipunang Sibil
• Ang layunin ng lipunang sibil ay maimpluwensyahan ang mga patakaran ng
pamahalaan at mga internasyonal na samahan at/o makatulong sa
pamahalaan sa pagbibigay nito ng mga serbisyo.

• Isa sa mahalagang layunin ng lipunang sibil ay ang pagiging tagapamagitan

nito ng indibidwal at pamahalaan.
• Halimbawa ng mga samahan ng lipunang sibil ay ang GABRIELA, GENESYS
at Philippine Alliance of Human Rights.
Layunin at Gampanin ng Lipunang Sibil
● Upang maisagawa ang mga layuning ito, mayroong mga pangunahing
gampanin ang lipunang sibil:

 Pagpapahayag at pagpapaliwanag ng mga interes at pangangailangan ng

mga kasapi nito.

 Pagtanggol ng Karapatan ng mga kasapi at ng mamamayan sa

pangkalahatan.

 Direktang pagbibigay ng mga tulong at serbisyo sa mamamayan ng hindi

umaasa sa anumang magagawa ng pamahalaan.
Layunin at Gampanin ng Media
• Ang media ay ginagamit natin sa maraming kadahilanan:
 Libangan, impormasyon, edukasyon, pakikipag-ugnayan at iba pa.

• May kapangyarihan ang media na mahubog ang kaisipan ng mga tao

ayon sa direksyon at laman ng mensahe na ibinibigay nito.
Layunin at Gampanin ng Media
● Ang layunin ng media ay maibigay ang katotohanan sa mga tao
upang matulungan sila na makapag-isip at pasiya nang tama at
nararapat.

● Ang media ay kakakitaan ng ilang mga gampanin:

Layunin at Gampanin ng Media
1.Magbigay ng impormasyon at magturo
 Ang media ay nagbibigay ng mga napapanahon na datos at impormasyon, maging ng
mga opinyon at pananaw, tungkol sa iba’t ibang pangyayari, sitwasyon, o isyu sa loob at
labas ng bansa.

2. Pagbibigay ng libangan
 Ang media ay hindi lamang nagbibigay ng kaalaman, kundi isa rin itong instrumento
upang malibang at maaliw ang mga tao.
 Sa pamamagitan ng komiks at karikatura sa isang babasahin, mga programa at serye sa
telebisyon o mga tugtugin sa radyo, nagkakaroon ng ng pagkakataon ang isang tao na
sandaling malimutan ang mga personal na suliranin at maibaling sa ibang bagay ang
kaniyang atensiyon.
Layunin at Gampanin ng Simbahan
● Bilang isa sa mga pangunahing institusyon sa lipunan, ang simbahan
ay may kakayahan na makaapekto sa iniisip at kinikilos ng tao.

● Layunin ng simbahan na maitaas ang espiritwal at moral na

kamalayan ng mga tao sa lipunan.
● Dahil sa moral na gampanin sa lipunan, ang simbahan ay
nakaiimpluwensya maging sa pinakapersonal at pinakapribadong
pasya ng tao.
Layunin at Gampanin ng Simbahan
● Ang moral na impluwensya ng simbahan sa lipunan ay mauunawaan
sa pamamagitan ng mga gampanin nito sa lipunan at sa tao:
1. Pagbibigay ng espiritwal na patnubay sa mga tao.
 Ang bawat tao ay mayroong pangangailangang
espiritual para sa ugnayan sa isang supernatural
na kapangyarihan. Ang pangangailangang ito ang
siyang tinutugunan ng simbahan.
Layunin at Gampanin ng Simbahan
2. Pagkokontrol
sa kilos at gawi ng tao.
 Maraming paraan ang lipunan upang malimitahan ang kilos ng mga tao ayon
sa nararapat para sa kaayusan at kaunlaran nito.
 Subalit kung mayroon mang epektibong nakakakontrol sa kilos ng tao, ito ay
walang iba kundi ang simbahan.

3. Pagbibigay ng pag-asa sa tao

 Ang simbahan, bilang tagapagbigay ng mga katuruan ng isang relihiyon, ay
nagbibigay ng sagot sa mga tanong ng tao ukol sa mga bagay na hindi nila
maunawaan at maipaliwanag, kagaya ng buhay at kamatayan.
Ang bahagi ng bawat mamamayan
● Ang bawat bahaging ito ng lipunan, kasama ng iba pang mga
institusyon at sector, ay inaasahang magampanan ang layunin ng
kanilang pagkakabuo.

● Dapat ding maunawaan na magagawa lamang ng isang bahagi,

institusyon, ahensiya o sektor ng lipunan ang kanilang gampanin
kung makikipagtulungan at makikilahok ang bawat tao sa lipunang
iyon.
Thank You!