Aralin 1

Pagtukoy sa Layunin,
Damdamin, Tono, at
Pananaw ng Teksto
 Layunin

Pagkatapos ng araling ito, ang mga mag-aaral ay inaasahang

natutukoy ang layunin, damdamin, tono, at pananaw ng
teksto, na may tuon sa:
● mga kasanayan sa pagpapaunlad ng akademikong
pagbasa; at
● pagbasa, paglalapat, at pagsusuri ng teksto.
 Mahahalagang Tanong

Sa araling ito ay sasagutin natin ang sumusunod na tanong:

● Ano ang akademikong pagbasa?

● Ano ang mga kasanayan sa pagpapaunlad ng
akademikong pagbasa?
● Paano makatitiyak kung ang isinasagawa ay
akademikong pagbasa?
Ang Overseas Filipino Workers (OFWs) sa iba't ibang panig ng
mundo, na kinikilala at ikinararangal ng Pamahalaang Pilipinas
bilang mga Bagong Bayani, ang marahil (bagama't di opisyal na
inihahayag) ay pinakamainam na produktong pang-export ng
bansa.

Sinasabi rin na ang kabilang paa nila ay nasa hukay dahil hindi
sigurado ang pagiging ligtas nila, lalo na at sila ay malayo sa
kanilang kapamilya. Sa kasamaang palad, sila ay
napagdidiskitahan na gumawa ng krimen. Ang halimbawa nito ay si
Flor Contemplacion.
Hindi lang si Flor ang nag-iisang OFW na napagbintangan sa mga
kaso, kundi marami na ring Pilipino ang napatay o nakulong, tulad
ni Jennifer Dalquez. Ang pinakabagong balita tungkol kay Jennifer ay
ang pagpunta ng kaniyang magulang sa kaniyang selda.

Ayon sa nabasang isyu, makikita natin na parehong may

pananagutan ang dalawang panig. Ang employer ay nagtangkang
manggahasa, si Jennifer naman ay dumepensa upang maipaglaban
ang kaniyang sarili at ang kaniyang dignidad. Masasabing mali ang
employer dahil kung hindi niya tinangkang gahasain si Jennifer,
hindi mapapatay ng Pinay ang nasabing employer sa Dubai.
Maaaring masaya ang mga magulang ni Jennifer dahil makikita nila
ang kanilang anak, ngunit kinakabahan din dahil sa desisyon sa
kaso ni Jennifer.Hinihiling ng mga magulang ni Jennifer ang mga
dasal, upang magbago ang desisyon ng hukuman sa UAE.

Ayon din sa DFA ginagawa na ng pamahalaan ang lahat upang ma

suportahan si Jennifer at ang pamilya niya.

Sa likod ng malungkot na pangyayaring ito, may maganda itong

epekto sa ating ekonomiya. Paano nagkakaroon ng pakinabang ang
ating bansa? Simple lang yan, dahil ito sa remittances.
Ang remittance ay ang pagpapadala ng pera galing sa OFW para sa
kaniyang pamilya. Dahil sa pagdaloy ng remittance na natatanggap ng
pamilya, ang ekonomiya ng bansa ay nakikinabang din. Sa pag-unlad ng
bansa, nalulutas ang problema tulad ng kahirapan. Sa tulong ng mga OFW,
tumataas ang dolyar at sa pagtaas nito, umaasenso ang ating kababayan
lalo na sa pinansiyal na pangangailangan.

Tunay nga namang mga bayani ang mga OFW. Hindi biro ang mga
ginagawa nilang paghihirap sa ibang bansa upang maitaguyod ang
pamilya at maiangat sa kahirapan. Araw-araw, hindi natin alam kung
anong nangyayari sa kanila, kahit sila ay walang malay kung anong
mangyayari sa kanilang sarili. Kaya't saludo ako sa mga OFW.
 Pagsusuri

Kasanayan Pagsusuri/Pagpapatunay
Pag-unawa sa layunin
● Bakit isinulat ng may-akda ang teksto?
● Anong mga salita o sipi mula sa teksto
ang nakapagsasabi ng layunin ng
may-akda?
● Nais ba ng may-akda na manlibang o
magbigay ng impormasyon?
● Ano ang pangkalahatang layunin ng
teksto?
● Ano ang espesipikong layunin nito?
Pagtukoy sa tono at damdamin
● Ano ang damdamin ng may-akda tungo
sa paksang kaniyang sinulat?

● Ano ang nararamdaman ko habang at

pagkatapos basahin ang akda?

● Ano-anong salita ang ginamit ng may-

akda para ipakita ang kaniyang
emosyon?

● Saang bahagi ng teksto naramdaman

ko ang emosyong iyon?
Pagtukoy sa pananaw
● Ano-ano ang paniniwala o opinyon ng
may-akda tungo sa paksang kaniyang
isinulat?

● Subhetibo o obhetibo ba ang

pagtalakay ng may-akda sa kaniyang
paksa?

● Anong bahagi ng buhay ng may-akda

ang maaaring nakaiimpluwensiya sa
kaniyang pananaw?
 “Mahalagang masuri at
muunawaan muna ang isang
bagay o pangyayari bago maghain
o maglatag ng kongklusyon.”
 Pagpapahalaga

Paano nakatutulong ang pagtukoy sa layunin,

damdamin, tono, at pananaw ng teksto sa
akademikong pagbasa?

Ano ang praktikal na aplikasyon nito sa buhay

mo bilang anak, kapatid, kaibigan, o
mamamayan ng bansa?
Inaasahang Pag-unawa

● Ang akademikong pagbasa ay may kinalaman sa kritikal na

pag-alam o pagtuklas ng kahulugan o kabuluhan ng isang
teksto. Higit sa pagtukoy sa sinasabi o mensahe nito,
inaalam dito kung paano inilalahad ng may-akda ang
kaniyang mga ideya.
● Ang tatlong kasanayang makatutulong sa akademikong
pagbasa: pag-unawa sa layunin, pagtukoy sa tono at
damdamin, at pagtukoy sa pananaw ng teksto.
● Kapag inaalam ang kahulugan, kabuluhan, at ang paraan ng
pagkakaayos ng mga ideya sa isang teksto, nagsasagawa na
ng akademikong pagbasa.
Paglalagom

Ang layunin ay ang tunguhin o nais mangyari o

1 makamit ng may-akda sa pagbabasa.

Ang tono ay ang saloobin ng may-akda sa paksang

2 kaniyang isinulat. Ang damdamin ay tumutukoy sa
emosyong nalilikha sa isip ng mambabasa habang
at pagkatapos niyang basahin ang akda.
Paglalagom

Ang pananaw ng teksto ay ang nais sabihin o

3 ipahayag ng may-akda tungkol sa isinulat na
paksa.
 Kasunduan

● Ano ang hulwaran ng organisasyon?

● Ano ang mga uri ng hulwaran ng organisasyon?