Tula

 Ang Tula is isang anyo ng sining o panitikan na

naglalayong maipahayag ang damdamin sa
malayang pagsusulat.Binubuo ang tula ng
saknong at taludtod.
 Mga Elemento ng Tula

Ang tula ay may walong (8) elemento. Ito ay

ang mga sumusunod:
1. Anyo
Tumutukoy sa kung paano isinulat ang tula.
Ito ay may apat (4) na anyo.
 Malayang taludturan – walang sinusunod
na sukat, tugma, o anyo. Ito ay
karaniwang ayon sa nais ng manunulat.
 Tradisyonal – may sukat, tugma, at mga
matalinhagang salita.
 May sukat na walang tugma –
mga tulang may tiyak na bilang
ang pantig ngunit ang huling
pantig ay hindi magkakasingtunog
o hindi magkakatugma.
 Walang sukat na may tugma –
mga tulang walang tiyak na bilang
ang pantig sa bawat taludtod ngunit
ang huling pantig ay
magkakasintunog o magkakatugma.
2. Kariktan
Ito ang malinaw at hindi malilimutang impresyon
na natatanim sa isipan ng mga mambabasa.
Ang kariktan ay elemento ng tula na tumutukoy
sa pagtataglay ng mga salitang umaakit o
pumupukaw sa damdamin ng mga bumabasa.
3. Persona
Ang persona ng tula ay tumutukoy sa nagsasalita
sa tula. Kung minsan, ang persona at ang
makata ay iisa. Maari rin naman na magkaiba
ang kasarian ng persona at makata. Maaari rin
na isang bata, matanda, pusa, aso, o iba pang
nilalang.
4. Saknong
Ito ay tumutukoy sa grupo ng mga
taludtod ng tula. Ito ay maaring
magsimula sa dalawa o higit pang
taludtod.
Babahagya ko nang sa noo’y nahagkan

Sa mata ko’y luha ang nangag-unahan;

Isang panyong puti ang ikinakaway,

Nang siya’y iwan ko sa tabi ng hagdan;

Saknong
Sa gayong kalungkot na paghihiwalay,

Mamamatay ako, siya’y nalulumbay!

 
5. Sukat
Ito ang bilang ng pantig ng tula sa
bawat taludtod na karaniwang may
sukat na waluhan, labing-dalawahan,
at labing-animan na pantig.
 Sukat

12 (lalabindalawahin)
Ba / ba / ha / gya / ko / nang / sa / no / o’y / na / hag / kan
Sa / ma / ta / ko’y / lu / ha / ang / na / ngag / -u / na / han;
 
6. Talinhaga
Kinakailangan dito ang paggamit ng
mga tayutay o matatalinhagang mga
pahayag upang pukawin ang
damdamin ng mga mambabasa.
7. Tono o Indayog
Tumutukoy sa paraan ng pagbigkas
ng bawat taludtod ng tula. Ito ay
karaniwang pataas o pababa.
8. Tugma
Ito ay ang pagkakasingtunog ng mga salita sa huling pantig ng
bawat taludtod ng tula. Sinasabing may tugma ang tula kapag ang
huling pantig ng huling salita ng bawat taludtod ay
magkakasintunog. Nakagaganda ito ng pagbigkas ng tula. Ito rin
ang sinasabing nagbibigay sa tula ng angkin nitong himig o indayog
 
 Tugma

Babahagya ko nang sa noo’y nahagkan

Sa mata ko’y luha ang nangag-unahan;
Isang panyong puti ang ikinakaway,
Nang siya’y iwan ko sa tabi ng hagdan;
Sa gayong kalungkot na paghihiwalay,
Mamamatay ako, siya’y nalulumbay!
 
Iuugnay ang sariling
damdamin sa
damdaming inihayag
sa napakinggang tula.
 
Gawain
Panuto: Ipaliwanag ang kahulugan ng mga pahayag sa
bawat bilang.

1.Sa gayong kalungkot na paghihiwalay,

Mamatay ako, siya’y nalulumbay.
Paliwanag:
2. Nang sa tarangkahan, ako’y makabagtas…
At ako’y umalis, tinunton ang landas
Paliwanag:
3. Lubog na ang araw, kalat na ang dilim,
At ang buwan nama’y ibig nang magningning.
Paliwanag:
Sumulat ng Dalawang
saknong ng Tula
patungkol sa
“Kabataang Asyano”