Mga Elemento ng Tula

• Tula – isang anyo ng sining o panitikan na

naglalayong maipahayag ang damdamin sa
malayang pagsusulat.

• Taludtod – linya ng bawat saknong.

• Saknong – binubuo ng mga taludtod.

ELEMENTO NG TULA
a. Sukat ay umutukoy sa bilang
ng mga pantig sa bawat taludtod.
1. Pipituhin
Katitibay ka, tulos,

Sa darating na agos,

Ako ay munting lumot

Saiyo’y pupulupot.
Tinaga ko sa gubat,
sa bahay nag-iiyak
2. Wawaluhin

Pitong awit, bawat isa

Balahibo’y iniiba

At may kanya-kanyang gandang

Sa tingin ay may gayuma

Iyong itulot sa amin.

Diyos Amang maawain,

Mangyaring aming dalitin,

Hirap, sakit at hilahil

Ng Anak mong ginigiliw.

Karanasan sa Pag-aaral
Sumulat ng tig-isang tula na may
isang saknong na may pipituhin at
wawaluhing pantig.
3. Lalabindalawahin

Kung pagsaulan kong basahin sa isip

ang nangakaraang araw ng pag-ibig,

may mahahagilap kayang natititik

liban na kay Selyang namugad sa dibdib?

Lalabindalawahing may sensura

Aling pag-ibig pa / ang hihigit kaya

sa pagkadalisay / at pagkadakila

gaya ng pag-ibig / sa sariling lupa?

Aling pag-ibig pa? / Wala na nga, wala.

Apat-apat-apat
Ang pag-ibig / ay gerilyang / sakdal-pusok

Kapag bawal / may granadang / ititibok;

Malinlang man / sa pangakong / marurupok,

Bumabangong / mas magiting / makilahok.

KARANASAN SA PAG-AARAL

Sumulat ng tig-isang tula na may isang saknong na

may lalabindalawahing pantig, lalabindalawahing
pantig na may sensura at apat-apat-apat na pantig.
4. Lalabing-animin

Ang pag-ibig kapag duwag ay payapa’t walang agos,

Walang talon, walang baha, walang luha, walang lunos.

Ang pag-ibig na matapang ay puso ang inaanod

Pati dangal, yama’t dunong nalulunod sa pag-irog.

 5. Lalabingwaluhin

Ibig kong makita ang pulis na hindi si Bantay-Salakay

at ang mga tiktik na di pasusuhol at di magnanakaw;

Ibig kong makita ang pamahayagang hindi nasisilaw

sa mga anunsyo at sa mga Apong makapangyarihan;

Ibig kong makita ang hukbo ng mga manunulat diyang

hindi makakasya sa mga papuri upang makalugdan;

Ibig kong Makita ang hukom na walang tanging kikilingan

kundi ang matuwid ang lahat-lahat sa kanya ay pantay;

Ibig kong Makita, isang salita, ang Pangasiwaang

kundi pangkumpare, hindi pampartido’t di pangkaibigan;

Ibig kong Makita ang baying dakilang pangarap ni Rizal

ang baying may budhi at di natatakot sa mga dayuhan!

KARANASAN SA PAG-AARAL
Sumulat ng tig-isang tula na may isang saknong na
may lalabing-anim a lalabingwaluhin na pantig.
b. Tugma - tinatawag na ugma o
rima ang pagsisintunugan ng mga
huling pantig ng ng salita ng dalawa
o higit pang taludtod.
Samantala,

Tila kayo mga tinggang tinutunaw;

Tinutuyo, kinakaha’t tahimik na nag-iiwan

Ng masinsin at matiim na pilat ng kabiguan.

Mula sa “Pruweba,” Lamberto E. Antonio

Naipayo ni Rizal na upang maging madulas, kasiya-siya,
at mainam sa pandinig ang tugmaan, kailangang hindi
magkakatulad ang mga huling katinig at tuldik ng
pantig. Naipahiwatig niyang maaring makasawa ang
paulit-ulit na tugmaang panlabass kung pawang
mabibilis, awang mararagsa, at malulumi at pawang
malulumay.
Maidadagdag na dapat iwasan anag isahang
tugmaan sa dalawa o higit pang magkasunod na
saknong. Sadyang nakakasawa kung lahat ng
saknong ay may tugmaan na –an.
KARANASAN SA PAG-AARAL
Gumawa ng isang tula na may isang
saknong kung saan kakikitaan ito ng
tugmaan.
c. Tema – sa loob ng isang paksang nalinang sa
mga saknong ay matatagpuan at madudukal ang
tema. Ito ang ubod o kaluluwa ng tula.
Mababatid sa tema kung makabuluhan, malalim
o mababaw ang akda.
d. Tono o himig – tumutukoy
ito sa kulay ng damdamin sa
tula.
f. Armonya o musika – ang mabuting
pagkakaugnayan ng mga pantig
(tunog), parirala, at mga taludtod,
indayog, intensidad at ng nabubuong
imahen o larawang-diwa.
g. Diksyon – nangangahulugang
“pagpili at paggamit ng tumpak at
angkop na mga salita” para sa isang
akda.
 KARANASAN SA PAG-AARAL

Pagtutukoy: Tukuyin ang mga pahayag sa ibaba. (Sagot na lamang.)

_________________1. pagpili at paggamit ng tumpak at angkop na mga salita.
_________________2. tumutukoy ito sa pigura ng wika.
_________________3. tumutukoy ito sa kulay ng damdamin sa tula.
_________________4. Ito ang ubod o kaluluwa ng tula
_________________5. ang mabuting pagkakaugnayan ng mga pantig (tunog),
parirala, at mga taludtod, indayog, intensidad at ng nabubuong imahen o larawang-
diwa.
Si Amado V. Hernandez ay isang isang makata at
manunulat sa wikang Tagalog. Kilala rin siya bilang
"Manunulat ng mga Manggagawa", sapagkat isa siyang
pinuno ng mga Pilipinong manggagawa at sa kaniyang
mga pagpuna at pagsusuri sa mga kawalan ng
katarungang naganap sa Pilipinas noong kaniyang
kapanahunan.
KARANASAN SA PAG-AARAL
1. Ilang saknong mayroon ang tulang “Mahatma Gandhi”?
2. Ilang taludtod naman ang bumubuo sa bawat saknong?
3. Maituturing ba itong tulang may sukat at tugma? Bakit?
4. Ano ang pinaka tema ng tula?
5. Anong damdamin ng may-akda ang namayani sa tula?
Patunayan.