Professional Documents
Culture Documents
PËR TA KUPTUAR
KURRIKULUMIN
Colin J. Marsh
Tema 10
Roli udhëheqës dhe drejtori i
shkollës
Hyrje
Ekziston një tension i konsiderueshëm, i cili ende ka
mbetur pa u zgjidhur, ndërmjet “udhëheqjes” dhe
“menaxhimit” të shkollave nga drejtorët e shkollave.
Nga njëra anë, ekziston pritshmëria se drejtorët e
shkollave duhet të jenë udhëheqës proaktivë, që
marrin përgjegjësi mbi vete, dhe shndërrues, por në
realitet, kërkesat e menaxhimit janë të lidhura me një
orientim të ngushtë teknicist me qasjet hierarkike.
Pritshmëritë për drejtorët e shkollave janë rritur e
zgjeruar vazhdimisht. Për shkak të këtyre pritshmërive
shtesë, roli i drejtorit të shkollës është vënë nën një
mbikëqyrje gjithmonë e më të madhe – po bëhet
gjithnjë e më e vështirë të rekrutohen drejtorë
shkollash “cilësorë”.
Funksionet dhe standardet
Në Angli, ka një angazhim të jashtëzakonshëm të
qeverisë për të përmirësuar rolin udhëheqës në
shkolla. Në Standardet kombëtare për drejtorët e
shkollave përmban gjashtë fushat e udhëheqjes
arsimore, si më poshtë:
t’i japin trajtë së ardhmes;
të drejtojnë mësimdhënien dhe të nxënit;
të zhvillojnë veten dhe të punojnë mirë me të tjerët;
të menaxhojnë organizatën/institucionin;
të sigurojnë llogaridhënien;
të forcojnë bashkësinë.
Aspektet e performancës së drejtorëve të shkollave
vendosen të gjitha në një grup kontinuumesh
Cilësitë dhe stilet e
udhëheqjes
Realiteti i ditës shkollore, mund ta vërë drejtorin e
shkollës nën një stres të konsiderueshëm.
Përgjithësisht, drejtori i shkollës përdor një stil të
caktuar drejtimi, që thekson disa përparësi dhe
kufizon disa të tjera.
Një nga stilet e udhëheqjes është udhëheqja
mësimore e cila erdhi si rezultat i lëvizjes së
shkollave të efektshme dhe u kërkonte drejtorëve të
shkollave që të merrnin pjesë aktivisht në procesin e
mësimdhënies – të mblidhnin çdo javë planet
mësimore nga mësuesit, të lexonin për strategji të
ndryshme të mësimdhënies, të ndërmerrnin procese
të mbikëqyrjes.
Udhëheqja shndërruese
Një stil drejtues shumë i njohur është udhëheqja
shkollore shndërruese që përbëhet nga këto katër
elementë:
mbrojtja e përfshirjes;
edukimi i pjesëmarrësve;
krijimi i një ndërgjegjeje kritike;
përdorimi i strategjive përfshirëse në marrjen e
vendimeve dhe hartimin e politikave.