Ang talumpati ay isang sining ng pagpapahayag ng kaisipan o opinyon ng
isang tao tungkol sa isang paksa na ipinababatid sa pamamagitan ng pagsasalita sa entablado. Mananalumpati ang tawag sa taong gumagawa at nagtatalumpati sa harap ng publiko o grupo ng mga tao.
Layon nitong magbigay ng kaalaman o impormasyon, tumugon, humikayat,
mangatwiran, at maglahad ng isang paniniwala. Isa rin itong uri ng komunikasyong pampubliko kung saan ang isang paksa ay ipinapaliwanag at binibigkas sa harapan ng mga tagapakinig. Ayon sa U.P. Diksiyunaryong Filipino, ang talumpati ay isang pormal na pahayag sa harap ng publiko at pormal na pagtalakay ng isang paksa para sa mga tagapakinig. Dalawang elementong taglay ng talumpati
1.Teksto 2.Pagtatanghal (performance)
Hindi magiging talumpati ang isang teksto
kung hindi ito binigkas o binasa sa madla. ANYO NG TALUMPATI
1.TALUMPATI NG PAGTANGGAP (Acceptance Speech) – ay
laganap sa mga programa ng paggawad o pagkilala sa kahusayan ng isang tao.
2.TALUMPATI SA PAGTATAPOS (Commencement Speech) – ay
kadalasang binibigkas ng natatanging mag-aaral na may pinakamataas na grade o pinakamatagumpay sa klase tuwing pagtatapos.
3.LUKSAMPATI ( Eulogy) - ay nagsisilbing parangal at paggunita sa
alaala ng isang taong yumao 4.TALUMPATI NG PAMAMAALAM- (Farewell Speech) – ay bahagi ng ritwal ng pamamaalam, paglisan sa bansa, o pagbibitiw sa propesyon.
5. IMPORMATIBONG TALUMPATI – (Informative Speech) – ay
naglalayong mag-ulat sa madla ng resulta ng bagong pag-aaral o kaya’y manghikayat ng pagkilos, kabilang na rito ang State of the Nation Address (SONA) ng Pangulo ng Pilipinas upang itanghal sa mamamayan ang kaniyang tagumpay at mga proyekto.
6. TALUMPATI NG PAG-AALAY –(Speech of Dedication) – ay
maaaring papuri sa piling tao, bayani o panauhing pandangal. 7. BRINDIS (Toast) – ay bahagi ng ritwal sa isang salusalo na nagpapahayag ng pagpapahalaga at pagkilala sa taong pararangalan URI NG TALUMPATI
1. TALUMPATING IMPORMATIBO –(Informative) – ay
naglalayong magbigay ng impormasyon sa tagapakinig. Maaari itong nagtuturo ng isang teorya o impormasyon. Maaari itong pag-uulat ng pananaliksik sa kapwa mag-aaral o sa kaguruan. Maaari rin itong paglalahad ng bagong katangian ng teknolohiya na kadalasang itinatampok sa mga patalastas. 2. TALUMPATING NAGLALAHAD- (Demonstrative) – ay halos katulad din ng impormatibong talumpati, ngunit may kasama itong demonstrasyon habang naglalahad ng impormasyon. Mapapansin ito sa mga programang pang- edukasyon gaya ng pagtuturo ng pagluluto, pananahi o kaya’y pagpapalamuti ng tahanan. Lantad din ang ganitong uri sa mga instructional na video sa internat na nagbibigay ng demonstrasyon sa halos lahat ng larangan. 3. TALUMPATING MAPANGHIKAYAT – (Persuasive) – ay naglalayong manghikayat o mag-imbita sa mga tagapakinig na kumilos tungo sa pagbabago. Kailangan ng maingat na paghahanda sa mga ganitong talumpati dahil sisikapin nitong baguhin ang mga ideya, paniniwala, pamahiin, kultura, at tradisyon ng nakararami. Maaaring talakayin ng talumpating ito ang paggawad ng Karapatan sa komunidad ng LBTQ, pagpapatupad ng mga batas, paghiling ng proteksiyon sa mga dagat at lawa ng bansa, muling pagbuhay sa mga makasaysayang gusali ng lungsod, o kaya’y ang pagbibigay ng sapat na kaalaman tungkol sa HIV. 4. TALUMPATING MAPANG-ALIW –(Entertaining) – madalas na maririnig sa mga personal na salusalo, gaya ng annibersaryo, kasal, kaarawan, o victory party. Maririnig din ito sa mga comedy bar na ang mga host ay nagbabahagi ng mga katawa-tawang karanasan sa buhay. Nilalayon ng talumpating ito na maghatid ng aliw at kasiyahan sa tagapakinig. Maaaring pakasain nito ang pakikipagsapalaran sa ibang bansa, pagbabahagi ng nakakatawang sikreto, pagpapakilala ng mga kakaibang pagkain sa mga dayuhan, o kung paano makatitipid sa panahon ng kagipitan. MGA BAHAGI NG TALUMPATI 1.SIMULA –(Introduksiyon) – pang- akit atensyon. Kailangan mag-isip ang mananaysay ng estratehiya upang makuha kaagad ang atensyon ng tagapakinig. Sa bahaging ito, hindi kailangang magpaumanhin ng tagapagsalita Wala siyang kailangang ipaliwanag kaugnay sa kaniyang kakulangan bilang nagtatalumpati Kailangan ding iwasang sabihing “maikli lamang ito” o sana’y di kayo mabagot” dahil inilalantad na nito sa simula pa lamang ang magiging suliranin ng pagtatanghal ng talumpati 2. KATAWAN – GITNA (Nilalaman) – sistematiko at organisadong paglalatag ng mga punto, ideya at iba pang nais sabihin. Maaaring magsaliksik upang magkaroon ng nilalaman ang talumpati Maaaring magsagawa ng panayam Sa pagtalakay ng gitnang bahagi, sikapin ding tama ang impormasyong ilalahad Kung gamit ang sanggunian, dapat kilalanin ito upang hindi maakusahang kinuha ang datos nang walang pahintulot o pangongopya Dito ilalahad ang lahat ng impormasyon upang mabigyang linaw ang paksa ng talumpati 3. KONGKLUSYON – WAKAS – ito ay muling pag-uulit at pagdidiin sa mahahalagang punto ng binigkas na akda. Maaaring balikan ang pangunahing pangungusap upang mailalarawan sa madla na ito ay natalakay nang husto. Bukod sa pagbubuod at paglalagom na kadalasang estratehiya sa kongklusyon, maaari ding mag-iwan ng hamon o tanong ang tagapagsalita. Maaari ding mag-imbita at manghikayat sa madla na kumilos tungo sa pagbabago Uri ng talumpati ayon sa Pamamaraan
1. Daglian o biglaan (impromtu) hindi
pinaghandaan. 2. Maluwag (extemporaneous) may maikling panahon na ibinibigay sa pananalumpati upang pag- isipan ang sasabihin. 3. Pinaghandaan (prepared) sinulat, binabasa, o isinaulo ang talumpati at may sapat na pag-aaral sa paksa Biglaang Talumpati(Impromptu)-Ibinibigay ng biglaan o walang paghahanda Maluwag(Extemporaneous)-Nagbibigay ng ilang minute para sa pagbuo ng ipahahayag na kaisipan batay sa paksang ibinigay bago ito ipahayag. Manuskrito-Ginagamit sa mgakumbensyon,seminar oprograma sa pagsasaliksik kaya pinag-aaralan itong mabuti at dapat na nakasulat. Kailangan ng matagal na panahon sa paghahanda ng ganitong uri ng talumpati sapagkat ito ay itinatala Memorized-Ito ay kagaya rin ng manuskrito.kailangang memoryado ang pyesa bago bigkasin ang talumpati sa harap ng mga tagapakinig . GABAY SA PAGSULAT NG TALUMPATI 1.Alamin kung sino ang magiging tagapakinig at kung ano ang okasyon 2.Alamin kung ilang minute o oras ang ilalaan para sa pagbigkas ng talumpati. 3.Pumili ng paksang malapit sa karanasan, may natatanging halaga sa iyong buhay, o mayroon kang sapat na kaalaman. 4.Tukuyin ang mga layunin ng pagsusulat at paghahanda ng talumpati at ng isasagawang pagbigkas. 5.Kumalap ng datos at mga kaugnay na babasahin 6.Alamin ang magiging halaga ng isusulat na talumpati 7.Balangkasin at suriin ang mga nakalap na datos 8. Itala ang tatlo hanggang pitong mahahalagang punto ng talumpati 9. Talakayin, pagyamanin, at paunalarin ang mga ideya 10. Ihanda ang mabisang kongklusyon 11.Huwag kalimutang kilalanin ang sanggunian sa talumpati 12. Kapag naisulat na ang unang burador, basahin ang teksto nang ilang ulit 13. Pagkaraan ng rebisyon at kapag handa na ang pinal na borador, mag-imprenta ng maraming kopya 14. Basahin ang kopya nang paulit-ulit