Since 2006

ZAM Information Department ZAM Hotline 016-293 9027 ZAM Office 03-2142 6659 Email: zomiassociationmls@gmail.com

informing people, transforming lives

Volume 8, Issue 14

...hongpai un, ih kulhpi ciangpha ni. Nehemiah 2:17

September 08, 2013

UNHCR pan Mobile Registration vaitawh kisai theihsakna Malaysia gamsung aom Asylum Seekers te adingin UNHCR in minsanna apiak laitak ahihi. Hih minsanna pen Malaysia gamsung muntuamtuam ah September 02 ni akipan 2014 kum kipatcil lamdong ki zomsuak dinghi. Hih minsanna ngimna pen minsanna a ngahnailo Asylum Seekers te hubittheih nading ngimna ahihi. Tutung minsanna sungah Malaysia gamsung aomsa UNHCR ah minsazian akipuak khinsa tebek ki helding hi. List sunga kihelte bek UNHCR zumpi panin Direct in hong kihopih dinga, Code leh nong paina ding mun uh kician takin hong kigen ding hi. UNHCR pan hong kipia Code leh na paina ding mun uh na mangngilh khak aleh manlang takin hih anuai a Phone Number tawh kidong kik thei hi. Mobile Registration Hotline: 012 6534 791/012 6534 826(Nisim 8am 10pm) UNHCR pan sapna a ngahte bek minsanna ki piading a, saplohpi a apai te pen minsanna ki pialoding hi. Tuate in minsanna a ngakkik uh kulding hi. UNCHR min tawh sepna bawlna khempeuh manpiak kullo hi cih ciamteh den in. (Sumpiak kul kiuhkeuh lohi) UN minsanna ngahding napaiciang :: Ih ngaklah mahmah UNHCR minsanna pen September 02 ni akipan aki piapia ta ahihi. Atung a UN te pulakna aom mahbang in hongki sapciangbek in paiding ahihi. (Biodata hunlai in maan (Photo) hongki zaihsa te ahihleh tutung UN panin min sanna ngahding in hongkisam a, hongki samkei tazong in abeisa na Photo kizaihna munah akipiak hun ciang nadelh hamtang un cih August 29 ni UNHCR Meeting ah Officer ten hong vaikhak uhhi.) UN minsanna ngahding in napai ciangin guihtheih khamtheih zangsa in paikei in. Kunza, Sahdah, Khaini muamsa leh zu pengnawng, zugim namphengphangsa khawnginzong paikha kei in. UN Officer ten hong nuam tuam kholloding uhhi. Zatep dingkhawng inzong paikhia vulhvulhse kei in, nungdiak in zatep hangin buaina omngeikhin hi. Na meltheih tanau tetawh naki muhlehzong ki galho lala sedah in. Asungah hongki lutsaksa khawng nangthu in na pusuak luplup kei in, hongki muangmawhleh na UN minsanna ngahding suplawh khatheiding hiteh. Mangpau natheih lehzong kamphen te honggenkik ngakphot zaw in. Ki teisakluat zong supna hithei hi. Kamphen te thadah nadingzong hikhathei hi. Thei nakisak leh atung apat in kamphen kisamlo cin Officer te kiangah genpah zawmai in. Ahih theihleh Mangkammal tamzatkei zaw in. Palik cih kammal pen a Mangpau tawh a awsuah kinai mahmah ahih manin kidawm in. Na tangthu sungah hongman pen Palik te hilozaw a, Galkap te hizaw khading hi. Adiakdiak in gamdang na paingei hiam cih hongki dotleh kidawm mahmah in. Leilam tawh nongpailai napaizia phawkgige in. UN minsan nading Interview nalut ciangin Kawlgam pan Malaysia ah gambel in natai khiatna athu laidal tungah gelhin Officer te tungah napiak kulding hi. Tua ahih manin, UN minsanna a lamen peuhmah in na tangthu uh laidal tawh gelhsa in napuakpah dinguh ahihi. UN minsanna kipiak nading mun leh ani :: Hih anuai a munte ah minsanna a ngahding ten Address hoihtak na ciamteh un. Zomi kamphen dingte leh a Phone Number uhzong kong suaksak uhhi. Hong kisap nading Mobile Phone Number te zong na ciamteh un. UN min sanna aki piakding ciangin hih Phone Number tetawh hongki samding hi. Phone hong kisap a, naletmankei leh hongki sapna Phone ah amanlang penpen in na samkik pah in. Cameron Hgihlands Our Lady of Mount Carmel Ciaptehding Tanah Rata, Cameron Highlands UN te Sapna Ani: Sep 09 - Sep 15 (ni 7 sung) Phone No. Cin Za Mung - 018-372 0600 012-307 4276 Lian Hang Tuang - 016-282 3180 012-307 4570 Pahang 012-307 4581 Church of St. Thomas Jalan Gambut, 25000, Kuantan, Pahang 012-307 4597 012-307 4628 Ani: Sep 17 (nikhatbek) 012-307 4695 Johor Perling Vision Christian Fellowship 27, Jalan NB2 1/1, Taman Nusa Bestari 2, P 81300 Skudai, Johor Ani: Sep 20, 23, 24 (ni 3 sung) Thang Ngaih Siam - 017-664 1239 Thang Sian Mung - 011-1639 1226 Negeri Sembilan St. Marks Church 80A, Jalan Gereja, 70100, Seremban, Negeri Sembilan Sep 26 - Sep 28 (ni 3 sung) Gin Khan En - 017-334 2760 Thang Khan Lam - 014-646 2751 Lian Khan Suum - 011-2623 4396 Hongkisap masakna ah lut pahpah in :: Pawlkhat ten kipawlna nihlehthum panin min piakhading uhhi. Tuate zong hongki sapmasakna peuhpeuh ah Card nala mengmeng unla, a ngahsa te in hongki sapkik khakleh ngahkhin ing cihzong nagenpah un cih UN Officer ten zong hong vaikhak uhhi.

Kalsim in aki hawmkhia ZAM Thupuak pen leitung muntuamtuam aom Zomi khempeuh in asimtheih dingin www.zomidaily.com website ah ki koihden hi. Email tawh adeihten zong zomiassociationmls@gmail.com ah ki ngenthei hi.

ZAM Palai te nasep pulakna Nang Suan Mung (Mualpi), Tuan Khan Khup (Sawbua) te August 23 ni in Pudu CID ten namatsak a, ahunlap in kidelh in hong suaktakik thei uhhi. Kap Suan Mung zong August 23 ni in Dang Wangi CID ten namatsak a, ahunlap in kidelh in hong suaktakik theihi. Kap Tuang (Suangzang) pen September 02 ni in Setapak ah kiman ahih manin ki buaipih a, hong suaktakik theihi. Kai Za Lam (Suanghoih) pen September 02 ni in General Hospital KL ah Appointmeng ki paipih hi. Thang Sian Sang (Heilei) pen Maluri JPN ah Birth Certificate ki lakpih hi. Khup Sawm (Tungzang), Aung Hto (Kachin), Pau Man Muang (Tungzang) te September 05 ni in Setapak ah kiman ahih manin ki buaipih a, hong suaktakik theihi. Sian Muan Thang (Laitui), Thawn Suan Zam (Suangphei), Thang Khen Pau (Tongsial), Neng Za Am (Tongsial), Mang Cin Khai (Chiantagyi) te August 29 ni in Pudu CID ten namatsak ahih manin ahunlap in Palai ten kidelhpah a, hong suaktakik thei uhhi. Baw Bawi (Tonzang) pen August 27 ni in General Hospital KL ah zato vai ki buaipih hi. En Ngaih Kham (Vaivet), Dal Kim Khai (Suanghoih), Cing Lam Hung (Thangkaisuangpi) te Pudu CID ten namatsak ahih manin ahunlap in kidelhpah a, hong suaktakik uhhi. Ciin Sian Zo (Heilei) pen August 29 ni in Pudu CID ten namatsak a, ahunlap in kidelh in hong suaktathei hi. Zam Sian Mung (Chiantagyi), Zam Gin Thang (Chiantagyi) te August 28 ni in Pudu CID ten naman ahih manin, ki buaipih toto a, tun anih un hong suaktakik thei uhhi. Dai Sian Lian (Sialtui) pen Dang Wangi CID ten namatsak a, Phone tawh ki thuumsak in hong suakta kik thei hi. Gin Ngaih Piang (Haiciin) pen September 01 ni in BTS Bus Stand ah kiman ahih manin kidelh pah a, hong suakta kikthei hi. Hau Sian Mung (Chiantagyi) pen September 04 ni in BTS Bus Stand pan kiman a, kidelhpah in hong suakta thei hi. Khup Sian Lian (Tuisau) pen September 05 ni in kiman a, Balai Polis Travers KL pan hong suaktakik theihi. Abeisa September 01 ni Operasi aomzawh kimat kihen atuak tammahmah a, tulaitak inzong Bukit Jalil Lockup ah ih mipih pawlkhat omciplai uhhi. Tulaitak pen Operasi leh Road Block tamlua mahmah hi. Vaksuk vaktohna ah kidawm mahmah ni, akisapluat keileh vakkhiakei zawni. UN minsanna ngahding in napai laitak hongki matkhak zenzen leh amanlang in hong zasakpah un. Leitung muntuamtuam aom Zomi tenzong thungetna ah Malaysia aom Zomi te ading hongphawk gige unmaw... Community makaipi teng ki mukhawm :: Malaysia gamsung aom kipawlna Community lianpiteng ahi ZAM, CRC, ACR, FRO, DAI Palai te August 24 ni in Meeting ki neikikthei hi. Hih Meeting pen kimat kihen lamsang tawh kisai ki muhkhopna hi a, hihbang in kipawlna makaipi te aki muhkhop pen anihveina hita hi. Hih ki Meeting sungah khentat thute: 1) Leilam tawh hongpai in Puaisa te in aki gensa zahsang in sum a ngetbehleh hih kipawlna makai teng kimukhawm in vaihawm khawmding, 2) Han leitang leiding hoih kisa a, UNHCR zum ah lai tending in kipawlna Secretary tengin letmat thuhding, 3) KL sung akimante CID te kiangpan ki tanpah loding a, IO (Inspection Officer) te kiangpan tanpanding. Hih Meeting pen kha 3 khatvei aki neizelzel hi a, tuzawh kha 3 khitciang in makaipi teng ki mukhawm kikding hi.

pen August 06 ni akipan innpan avakkhia hong ciahkik nawnlo hi. Amahpen ACR Card tawi hi a, a Card Number 12 -56268 ahihi. A Phone Number azatpen (010 -249 6388) hi a, aki sapsap hangin ki ngahzo nawnlo a, ameltheih tanau te lung himawh mahmah hi. Sanggampa amukha atheikha na om uhleh a sanggampa Phone (017 -380 8317, 010 -364 8801) ah ahi zongin, ZAM zumpi ah ahi zongin nongzaksak na ding un kongthuum uhhi. Laibu ngetna :: Malaysia aom Zomi ulenau, nulepa akua mapeuh, gamthumna na paiding uhciang na nutsiatding uh laibu te, ih ZEC sang Laibusaal (ZEC Library) ading in lunggulh ihhih manin hong piathei le uhcing ki lungdam mahmah dinghi. Gamthumna apai nailoding tenzong ki piathei veve hi cihzong hong tangko sawn ung. Hong piazo ding te in ZAM leh Phone 012 -367 4665 ah hong zasak ciat un. Lungdam! Khuado Pawi mapankhop nading sumpiakhin te (azom) Ih ngeina Khuado Pawi pen October 15, 2013 niciang in Chinwoo Stadium ah kibawl ding a, ih bawlzawh nading in panpihna hongpiakhin te kalsim abanban in kong suaksak uhhi. Lian Khan Mung RM100, Teklui RM200, Phunom RM100, Vangteh RM150, Mualnuam RM100, Sunway Emmanuel Church RM250, Tuivial RM100, Luangel RM100, MMC RM200, Lamzang RM100 Zolia & Zotaang kidemding te :: Aki demding nungak tangval tampi ki phakhinta hi. Photo amunuam te'n hih Link www.facebook.com/zomidaily ah ki enthei dinghi. September 15 ni ciangbek min ki piatheiding ahih manin, alunglut ten Deih Mang (016 -376 0237) tungah na zasak mengmeng un. Palai Prayer Meeting :: ZAM Palai ten kalsim in Meeting kineiden a, Meeting neihsim in thu ki ngenkhawm ciatciat hi. Tuaban ah khakhat in khatvei Pawlpikem Pastor te ki samden a, thu ngetkhopna ki neiden hi. September kha Palai Prayer Meeting pen September 06 ni in Sunway Emmanuel Church pawlpikem Rev. Vungh Khua Pum te nupa in hong makaih in tha ki ngahmahmah hi.

ZOMI CUP 2014 Ding Kithawita Zomi sung bek hilo in leitung bup Zomi tangthu -ah team tampen Zomi kampau kibang vive in ih bawlkhop Zomi Nam Ni pawipi hun sangin mai kum Zomi Nam Ni dingin hong naihzawta hi. Zomi Nam Ni pahtawina aa ih vaihawm Zomi Cup Tukpeng Kidemna pen 2014 Sen Kumthak hun tengah A (5) Veina ki vaihawm leuleu ding hi. A sawtloin makai vaihawm dingte -in kikupna neihding hun ki tangko ding hi. 2010 in Team (8), 2011 in Khua (19), 2012 in Khua (26), 2013 ciangin Khua (40) Team (41) in ki lawmtatna leh Zomi te -in khangno sung, mihon vaihawmkhop zong ki vaihawm khawm thei lua hi, cih ih lakkhin zo hi. 2014 ah kua Khua teng kihel ding ih hiam? Kua Khua teng kiging khin? Bang ni, bang hun tengin vaihawm le'ng a beisa hunte sang' picing zawlai ding? Vaihawm zia ding pen, a tamzaw 2013 bangmah hipian lel ding hi. A kihel sawm khua ten ZAM zumpi a hih kei leh 012 367 4665 ah hong zasak un. Kikup ni ding ahun lapin hong ki zasak toto ding hi. ZAM pan Pahtawina :: Malaysia gam sung Zomi kipawlna zumpi ZAM ki vaipuakna nuai ZEC a sem Sia Khai Sian Pau leh Sianu Cing Hau Dim in ZEC -M ah Zomi siamsin sang naupangte a dingin veina leh deih sakna tawh lai Mimang hong kanpih un :: Malaysia gamsung aom hong hilh sak khit ciangin USA ah hong lensanta ahih Vangteh khuami Kawlpi, Tahan ateeng Tg. Nang Sian Pau manin a kipiak khiatna te hangin lungdam ih ko hi. ZEC