PAGTANGGAP

Sa ngalan ng Ama, ng Anak, at ng Espiritu Santo, Amen.

O Ina ng Diyos at Ina namin, Mariang pinagpala,/ ikinalulugod at pinagkakapuri namin,/

ang pagdalaw mong ito sa aming maralitang tahanan,/ na iyong pinaging dapat na maging
pugad ng iyong pag-ibig,/ sa loob ng pitong araw,/ na iyong pagpapala./ Basbasan mo kaming
lahat sa tahanang ito,/ at huwag mong itulot,/ na makagawa ng anumang ikalulumbay mo,/
Kami ay iyo,/ aming Reyna at aming Ina./ Ingatan mo kaming lagi bilang pag-aari mong tunay,/
magpakailan pa man./ Siya Nawa.

Tatlong Aba Ginoong Maria

V/. O Maria, Ipinaglihing walang sala
R/. Ipanalangin mo kaming dumudulog sa Iyo. Sa ngalan ng Ama, ng Anak, at ng Espiritu
Santo. Amen.

Pasimulang Awit: (Tumayo ang lahat)

SA REYNA NG LANGIT

Sa Reyna ng langit
Ina ni Hesus
Tayo na’t mag-alay
Magpuring lubos.
Ave, Ave, Ave, Maria
Ave, Ave, Ave, Maria
Sinat ka ng puso
Mahal kong Ina
Yaman at pag-asa
Niring kaluluwa
Ave, Ave, Ave, Maria
Ave, Ave, Ave, Maria.
Ang Tanda ng Krus: (Lumuhod)

Sa ngalan ng Ama, ng Anak, at ng Espiritu Santo. Amen

V/. Halina Espiritu Santo at punin Mo ang mga tapat sa Iyo at papagningasin Mo sa kanila
ang apoy ng Iyong pag-ibig. Ipadala Mo ang Iyong Espiritu at sila’y malalang.
R/. At babaguhin Mo ang mukha ng sangkalupaan.

MANALANGIN TAYO

Aking Reyna at aking Ina, Iniaalay ko sa Iyo ang buo kong sarili. At upang patunayan ang
pamimintuho ko sa Iyo ay inihahandog ko sa Iyo sa araw na ito ang aking paningin, aking
pandinig, ang aking dila, ang aking puso, sa madaling salita, ang buo kong sarili. Yayamang ako’y
Iyong-Iyo butihing Ina, Ingatan Mo ako, ipagtanggol Mo ako na parang sariling pag-aari Mo.
Amen.

V/. Aba Ginoong Maria, napupuno Ka ng grasya, ang Panginoong Diyos ay Sumasaiyo.
R/. Bukod Kang pinagpala sa babaing lahat at pinagpala Ka naman ng Iyong anak na si
Hesus.
V/. Buksan Mo Panginoon ko ang aking mga labi.
R/. At purihin Ka ng aking bibig.
V/. Diyos Ko, Ako’y Iyong tulungan.
R/. Panginoon, magmadali Ka sa pagsaklolo sa akin.
V/. Luwalhati sa Ama, sa Anak, at sa Espiritu Santo,
R/. Kapara noong una, ngayon, at magpakailanman at magpasawalang-hanggan. Siya Nawa.

ANG SUMASAMPALATAYA

Sumasampalataya ako,/ sa Diyos Amang makapangyarihan sa lahat,/ na may gawa ng

langit at lupa,/ Sumasampalataya naman ako kay Hesukristong iisang Anak ng Diyos,/
Panginoon nating lahat;/ nagkatawang tao Siya,/ lalang ng Diyos Espiritu Santo,/ ipinanganak ni
Santa Maria Birhen,/ pinagpakasakit ni Poncio Pilato,/ ipinako sa krus,/ namatay at inilibing,/
nanaog sa mga impyerno;/ nang may ikatlong araw,/ nabuhay na magmuli;/ umakyat sa lagit,/
naluklok sa kanan ng Diyos Amang Makapangyarihan sa lahat./ Doon magmumulang paririto’t
huhukom,/ sa nangabubuhay na tao./ Sumasampalataya naman ako,/ sa Espiritu Santo./ Sa
Santo Iglesia Katolika,/ sa kasamahan ng mga Santo,/ sa ikawawala ng mga kasalanan,/ sa
pagkabuhay na mag-uli ng mga namatay na tao,/ at sa buhay na walang hanggan./ Amen.
ANG AMA NAMIN (MINSAN)
V/. Ama namin,/ Sumasalangit Ka./ Sambahin ang Ngalan Mo,/ mapasa-amin ang Kaharian Mo,/
Sundin ang loob Mo,/ dito sa lupa para nang sa langit./
R/. Bigyan Mo kami ngayon ng aming kakanin sa araw-araw at patawarin Mo kami sa aming mga
sala,/ para nang pagpapatawad namin sa nagkakasala sa amin,/ at huwag Mo kaming ipahintulot
sa tukso at iadya Mo kami sa lahat ng masa. Amen.

ANG ABA GINOONG MARIA (TATLONG ULIT)

V/. Aba Ginoong Maria,/ napupuno Ka ng grasya,/ ang Panginoong Diyos ay Sumasaiyo,/ bukod
Kang pinagpala sa babaing lahat,/ at pinagpala Ka naman ng Iyong anak na si Hesus.
R/. Santa Maria,/ Ina ng Diyos, ipanalangin Mo kaming makasalanan,/ ngayon at kung kami’y
mamamatay. Amen.

ANG LUWALHATI (MINSAN)

V/. Luwalhati sa Ama,/ sa Anak,/ at sa Espiritu Santo,/
R/. Kapara noong una,/ ngayon, at magpakailanman at magpasawalang-hanggan./ Siya Nawa.

SUNDAN ANG MGA MISTERYO NG SANTO ROSARYO

Mga Misteryo ng Tuwa: (Lunes at Sabado)

1. Ang Pagbati ng Anghel Kay Santa Maria
2. Ang Pagdalaw ni Santa Maria kay Santa Isabel
3. Ang Pagsilang ng ating Panginoon
4. Ang Paghahain kay Hesus sa Templo
5. Ang Pagkakita kay Hesus sa loob ng Templo

Mga Misteryo ng Hapis: (Martes at Biyernes)

1. Ang Panalangin ng Panginoon sa Halamanan
2. Ang Paghampas kay Hesus na nakagapos sa Haliging Bato
3. Ang Pagpuputong ng Koronang Tinik kay Hesus
4. Ang Pagpapasan ng Krus ni Hesus
5. Ang Pagpapako at Pagkamatay ni Hesus sa Krus

Mga Misteryo ng Liwanag: (Huwebes)

1. Sa kanyang binyag sa ilog Jordan
2. Sa kanyang pagpapahayag ng kanyang sarili sa kasalan sa Cana
3. Sa kanyang pagpapahayag ng Kaharian ng Diyos, sa pagtawag patungo sa pagbabago
4. Sa kanyang Pagbabagong-anyo
5. Sa kanyang pagtatatag ng Banal na Eukaristiya, bilang pagpapahayag na Sakramental ng
Misteryo Paskawal
Mga Misteryo ng Luwalhati: (Miyerkules at Linggo)
1. Ang Pagkabuhay ng Mag-uli ng Panginoon
2. Ang Pag-akyat sa Langit ng Panginoon
3. Ang Pagpapanaog ng Espiritu Santo sa mga Apostol
4. Ang Pag-akyat sa Langit ng Mahal na Birheng Maria
5. Ang Pagpuputong ng Korona sa Mahal na Maria bilang Reyna ng Langit at Lupa

Matapos ang Ikatlong Misteryo, tatayo ang lahat at aawitin ang sumusunod:

ARAW ARAW KAY MARIA

Araw-araw kay Maria Kung kami’y nasa panganib,

Kami ay nagdarasal. Kay Maria tatakbo.
Si Maria aming Reyna, Tatawagan namin Siya
Ibig naming marangal. Kung lalapit ang tukso.
Kanyang tulong laging-lagi O Maria, tutulungan
Kami ay humihingi. Kaming nangabubuhay.
Pupurihin namin Siya, Kami ay ipanalangin
Tuwing araw at gabi. Kung kami’y mamamatay.

Awitin Pagkatapos ng Ikalimang Misteryo:

O BIRHEN NG FATIMA

O Birhen ng Fatima, kami’y dumudulog

Sa Mahal Mong alindog at napakupkop
Sa ami’y ipakita, landas ng ginhawa
Dadasalin namin, Ina, Rosaryo mo tuwina

KORO
Pangako Mo ay tupdin, hiling nami’y dinggin
Digmaan ay pawiin, lahat ay pag-isahin
Ina’y huwag siphayuin ang aming dalangin
Kaming lahat ay ampunin at itong Bayan namin.
 ANG LITANYA SA MAHAL NA BIRHEN FATIMA
(Tuwing Unang Miyerkules at Sabado)

Namumuno: Lahat:

Panginoon, maawa Ka sa amin Panginoon, maawa Ka sa amin

Kristo, maawa Ka sa amin Kristo, maawa Ka sa amin
Panginoon, maawa Ka sa amin Panginoon, maawa Ka sa amin
Kristo, maawa Ka sa amin Kristo, maawa Ka sa amin
Kristo, pakapakinggan Mo kami Kristo, pakapakinggan Mo kami
Diyos Ama sa langit Maawa Ka sa amin
Diyos Anak na tumubos sa sanlibutan Maawa Ka sa amin
Diyos Espiritu Santo Maawa Ka sa amin
Kabanal-banalan Tatlong Persona at Maawa Ka sa amin
iisang Diyos
Santa Maria Ipanalangin Mo Kami
Banal na Ina ng Diyos Ipanalangin Mo Kami
Ina ni Kristo Ipanalangin Mo Kami
Ina ng Grasya ng Diyos Ipanalangin Mo Kami
Inang Kalinisan Ipanalangin Mo Kami
Inang walang malay sa kahalayan Ipanalangin Mo Kami
Inang Palaging Birhen Ipanalangin Mo Kami
Inang di malapitan ng masama Ipanalangin Mo Kami
Inang kaibig-ibig Ipanalangin Mo Kami
Inang kataka-taka Ipanalangin Mo Kami
Inang mabuting kahatulan Ipanalangin Mo Kami
Ina ng lumalang Ipanalangin Mo Kami
Ina ng magpag-adya Ipanalangin Mo Kami
Birheng kapaham-pahaman Ipanalangin Mo Kami
Birheng dapat igalang Ipanalangin Mo Kami
Birheng dapat ipagbantog Ipanalangin Mo Kami
Birheng Makapangyayari Ipanalangin Mo Kami
Birheng Maawain Ipanalangin Mo Kami
Birheng Matibay ang loob sa magaling Ipanalangin Mo Kami
Salamin ng katwiran Ipanalangin Mo Kami
Luklukan ng Karunungan Ipanalangin Mo Kami
Mula ng tuwa namin Ipanalangin Mo Kami
Sisidlan ng kabanalan Ipanalangin Mo Kami
Sisidlan ng karangalan Ipanalangin Mo Kami
Sisidlan ng tanging kataimtiman Ipanalangin Mo Kami
Rosang di malirip ang halaga Ipanalangin Mo Kami
Tore ni David Ipanalangin Mo Kami
Toreng Garing Ipanalangin Mo Kami
 Bahay na Ginto Ipanalangin Mo Kami
Kaban ng Tiban Ipanalangin Mo Kami
Pinto ng Langit Ipanalangin Mo Kami
Tala sa Umaga Ipanalangin Mo Kami
Mapagpagaling sa mga maysakit Ipanalangin Mo Kami
Sakdalan ng mga taong makasalanan Ipanalangin Mo Kami
Mapang-aliw sa mga maysakit Ipanalangin Mo Kami
Mapag-ampon sa mga Kristiyano Ipanalangin Mo Kami
Reyna ng mga Anghel Ipanalangin Mo Kami
Reyna ng mga Patriyarka Ipanalangin Mo Kami
Reyna ng mga Propeta Ipanalangin Mo Kami
Reyna ng mga Apostoles Ipanalangin Mo Kami
Reyna ng mga Martir Ipanalangin Mo Kami
Reyna ng mga Kompesor Ipanalangin Mo Kami
Reyna ng mga Birhen Ipanalangin Mo Kami
Reyna ng lahat ng Santo Ipanalangin Mo Kami
Reynang ipinaglihi na di nagmana ng Ipanalangin Mo Kami
salang orihinal
Reynang iniakyat sa langit Ipanalangin Mo Kami
Reyna ng kabanal-banalang Rosaryo Ipanalangin Mo Kami
Reyna ng kapayapaan Ipanalangin Mo Kami

Kordero ng Diyos na nag-aalis ng

Kasalanan ng sanlibutan .............................. Patawarin Mo Kami Panginoon
Kordero ng Diyos na nag-aalis ng
Kasalanan ng sandaigdigan ......................... Pakapakinggan Mo Kami Panginoon
Kordero ng Diyos na nag-aalis ng
Kasalanan ng sangtinakpan ......................... Maawa Ka sa amin

Manalangin Tayo
Hinihiling namin sa Iyo, Diyos namin at Panginoon na ipagkaloob Mo sa amin ang Iyong
mga lingkod na tamasahin main ang walang maliw na kalusugan ng kaluluwa at katawan; at
maligtas kami sa pamamagitan ng mapalad na laging Birheng Maria, sa mga kalungkutan ng
buhay na ito at magkaroon ng kasiyahang makamtan ang mga katuwaan ng buhay na walang
hanggan. Alang-alang kay Kristong aming Panginoon. Amen.
ABA PO SANTA MARIANG HARI
Aba Po Santa Mariang Hari,/ Ina ng awa,/ Ikaw ang kabuhayan at katamisan./ Aba,
pinananaligan ka namin,/ Ikaw po ang tinatawagan namin,/ pinapanaw ng taong anak ni Eva./
Ikaw rin ang pinagbubuntuhang-hininga namin,/ ng aming pagtangis dito,/ sa lupang bayang
kahapis-hapis./ Ay aba pintakasi ka namin,/ ilingon mo sa amin,/ ang mga mata mong
maawain,/ at saka kung matapos,/ yaring pagpanaw sa amin,/ ipakita mo sa amin,/ ang iyong
anak na si Hesus./ Santa Maria,/ Ina ng Diyos,/ maawain,/ maalam,/ at matamis na Birhen.

V/. Ipanalangin Mo kami Santang Ina ng Biyaya

R/. Nang kami’y makinabang sa mga pangako ni Hesukristong Panginoon

Manalangin Tayo
Panginoong aming Diyos, kasihan Mo nawa ang aming mga kaluluwa ng Iyong Mahal na
grasya at yayamang dahilan sa pamamalita ng Anghel, ay nakilala namin ang pagkakatawang-
tao ni Hesukristong Anak Mo, pakundangan sa Mahal Niyang pagpapakasakit at pagkamatay sa
krus ay papakinabangin Mo kami ng kanyang pagkabuhay na mag-uli sa kaluwalhatian sa Langit.
Alang-alang kay Hesukristong Panginoon namin. Siya Nawa.

V/. Para sa adhikaing Santo Papa (isang...)

Ama Namin
Aba Ginoong Maria
Luwalhati
V/. Sumaatin nawa ang tulong ng Maykapal
R/. Siya Nawa
V/. Sumapayapa nawa ang kaluluwa ng mga yumao sa grasya ng Panginoong Diyos
R/. Siya Nawa
V/. Manatili nawa sa atin ang biyaya ng makapangyarihang Diyos Ama, Diyos Anak, at Diyos
Espiritu Santo
R/. Siya Nawa

PANALANGIN SA KRUSADA
Makapangyarihang Ama,/ isinasamo namin sa Iyo,/ sa Ngalan ni Hesukristong Anak mo,/
na pagpalain Mo,/ ang aming Krusada ng Rosaryo,/ sa sambahayan./ Pagkalooban Mo po kami,/
at ang aming bayan ng lakas ng loob,/ at biyayang gumawa ng pangako,/ na magdarasal ng
Rosaryo sa araw-araw,/ at matapat naming tupdin,/ ang kanilang pangako. Siya Nawa.
V/. Reyna ng Kasantu-santuhang Rosaryo.
R/. Ipag-adya Mo ang sambahayang Pilipino.
V/. Reyna ng Kasantu-santuhang Rosaryo.
R/. Iligtas Mo ang sambahayang Pilipino.
V/. Reyna ng Kasantu-santuhang Rosaryo.
R/. Pagpalain Mo ang sambahayang Pilipino.

PANALANGIN SA NAKARARAMI NG TINATAWAG SA PAGPAPARI AT

PAGMAMADRE

O Diyos,/ na nagnanasang ang lahat ng tao,/ ay maligtas,/ at matutunan ang

katotohanan,/ isinasamo namin sa Iyo,/ padalhan Mo po kami,/ ng maraming manggagapas sa
iyong anihan,/ at pagkalooban Mo pa sila ng Biyaya,/ na ipingaral ang Iyong Salita,/ namg buong
tibay ng loob,/ upang ang Iyong mga aral makilala’t dakilain,/ at makilala Ka ng lahat ng tao,
Ikaw na iisang Diyos,/ at si Hesukristong Iyong ipinadala,/ iyong Anak at aming Panginoon,/ na
nabubuhay at naghaharing kasama Mo, at kaisa ng Espiritu Santo,/ Diyos na walang hanggan.
Siya Nawa.

PANALANGIN SA IPAGKAMIT NG KAPAYAPAAN

Tunghayan Mo ang Iyong mga anak,/ nang maka-Inang pagmamahal,/ O pinagpalang

Birhen,/ Alalahanin Mo po,/ ang mga agam-agam ng mga kawan./ Alalahanin Mo po ang
hinaing ng napakaraming tao,/ mga ama’t ina na lubhang nagugulumihanan sa kanilang
kalagaya’t mga angkan at ayaw patahimikin ng kanilang mabibigat na pananagutan, payapain
Mo,/ ang mga puso at kalooban,/ ng mga taong naghihimagsikan, at puspusin Mo po sila, ng
diwa ng kapayapaan,/ Sa Iyong pamamagitan,/ ay mauwi nawa sa kaawaan,/ ang hininihingi ng
katarungan ng Diyos,/ na bunga ng kasalanan,/ ibalik nawa ng diyos,/ sa sangkatauhan ang
kapayapaang aming minimithi,/ at akayin nawa Niya,/ ang mga tao,/ sa tunay na
pangmahabang panahong kasaganaan. Siya Nawa.

SA IYONG PAANAN

O Ina nasa Iyong paanan

Ang Anak Mo pong mahal
Na mithi Kang makanlayaw
Bunso Mo’y bendisyunan.

Kung ang bayan ng Luha’t lumbay

 Ay akin nang iwanan
Sa madlang mga kaaway
O Ina’y saklolohan.

Ako po’y ipakiusap

Kay Hesus aking mahal
Sabihin Mo Inang malingap
Ako rin ang Iyong anak.

Ako po’y ipanalangin

Kay Hesus aking hukom
Sa Kanya’y Iyong sabihin
Ang aking tanging layon.

At nawa’t kita’y makapiling

O Inang mapag-ampon
Mahalin kang walang maliw
Sa aking layon.

Ako po’y ipakiusap

Kay Hesus aking mahal
Sabihin mo Inang malingap
Ako rin ay Iyong anak.

PAMAMAALAM

O Inang kaibig-ibig, dumating na ang sandali ng Iyong paglisan sa aming maralitang

tahanan, naging tahanan Mo rin sa loob ng pitong araw na pananatili mo sa aming piling. Hindi
kayang banggitin ng aming mga labi ang mga pasasalamat na nag-uumapaw sa aming puso.
Udyok ng Iyong pagmamahal, Ina, minarapat mong makiisa sa amin kahit sumandali.

Salamat, Ina, salamat. Magbalik kang muli, sa aming mga piling sa ibang araw. Dito ay
hihintayin ka namin ng buong pananabik.

Sa iyong pagpanaog, baunin Mo ang aming pagmamahal. Isama Mo ang aming mga
puso. Huwag Mong itulot na kami ay makagawa ng anumang Iyong ikalulumbay at mawalay sa
Iyong pag-aaruga kailan man. Amen.
PAALAM
Paalam, Inang Birhen
Kasing ningning ng buwan
Paalam na, paalam
Kami ay bendisyunan
Kami ay bendisyunan
Kami ay pagpalain
Birheng maawain
Kami ay kalingain
Mahal na Ina namin
Paalam, Inang Birhen
Kasing ningning ng buwan
Paalam na, paalam
Kami ay bendisyunan
Kami ay bendisyunan.