KALIGIRAN NG PAG-AARAL

Ano nga ba meron sa isang pagkaing kalye na kinahihiligan ng mga Pilipino, mapaelementarya man o kolehiyo? Ano nga ba talaga ang pagkaing kalye? Bakit nga ba mahalaga nating talakayin ang ating pagkain dito sa bansa, lalo na ang street food? Hindi ba sapat na alam natin na kinakailangan natin ng pagkain upang mabuhay? O baka, may mas makabuluhang kaisipan ang nakatatak sa mga pagkaing ito?

Tayong mga Pilipino ay sadyang napakahilig magsikain. Bahagi na ng ating kultura at kaisipan bilang mga mamamayang Pilipino ang pagkain ng kung anu-anong bagay, mapagka sosyal man yan, sobrang exotic, o pangkaraniwan na street food na nasa kalye. Subalit,Ang pagkain para sa iba ay simple lamang: Ito ang kailangan upang mabuhay sa mundong ito. Kung wala ka nito, ikaw ay talo. Manghihina ka, magugutom, hanggang magkasakit ka at mamatay. Ngunit, sa ibang mga dalubhasa, iba rin ang kanilang pananaw ukol rito. Para sa kanila, ang pagkain ay isang bagay kung saan kaya nitong ilahad ang ating kultura at kasaysayan sa isang tikim lamang. Marami sa atin ang maaaring tanggapin na, may kaugnayan ang kultura at kasaysayan sa mga pagkaing mamahalin tulad ng fettucine, asparagus, steak, at iba pa at mga pagkaing kakaiba tulad ng daga, paniki, palaka, ahas, at kung anu ano pa. Ngunit, paano naman ang street food, o ang mga pagkaing kalye tulad ng squid balls, fish balls, kikiam, sisig at marami pang iba? Hindi ba nila kayang isalamin ang ating kultura? Ayon nga sa isang artikulo mula sa Sun Star Pampanga, ang pagkain ng street food ay ang pagkain din ng ating sariling kultura. Napapanahon na ating talakayin ang kahalagahan ng street food sapagkat dumarami ang tumatangkilik at may nandidiri at hindi nabibigyang halaga ang mga pagkaing tulad nito.

. Ayon sa aming pananaliksik, napakadaming tao ang kumakain at tumatangkilik pa din sa PSP. Halos dalawa at kalahating bilyong katao ang kumakain ng street food araw araw (Sun Star Pampanga). Dahil dito, ninais naming alamin kung bakit napaka daming tao ang kumakain nito kahit delikado ito sa ating kalusugan.Isinaad ni Scott Allford, isang food blogger, na isa sa mga pangunahing dahilan kung bakit ito tinatangkilik ay dahil mura ito at mabilis makain. Subalit, nagdagdag siya ng karagdagang mensahe kung bakit gustung gusto kumain ng street food ang mga mag-aaral. Sabi niya na ito daw ang nagpapa-isa sa ating mga Pinoy dahil sa likas nating hilig sa pagkain. Ayon sa isang manunulat na nagngangalang Lori Baltazar ay inilimbag na ang mga pagkaing street pinoy na tulad ng halo halo, puto bumbong, turon, barbeque, taho, ice scramble at iba pa ay patuloy pa ding tinatangkilik dahil pampalipas ito ng gutom at kakaiba ang lasa nito lasang pang Pinoy. Ito rin daw ay may kakayahang magsaad ng kwento kaugnay sa buhay at kultura ng bawat isang mamamayang Pilipino.

Kung ganon, bakit napaka-dami pa din na mga Pilipino ang nag-aakala na kadiri ang street food kung sinasabi natin na nakapagsasaad ito ng kultura natin? Marahil, dulot din ito ng maruming pagkagawa at pagkaluto ng mga street food na ito kung kayat mayroong mga tao na hindi na gustong kumain ng mga pagkaing tulad nito. Subalit, alalahanin natin na napakahalaga ng papel ng street food para sa pangkaraniwang mamamayan. Ito ang kanilang kinakain sapagkat wala silang pera upang makabili ng masasarap at mamahaling pagkain. Ito lamang ang kayang tustusan ng maliit nilang sahod upang pampalipas gutom sa sikmura. Ito rin, ayon kay Mike Aquino, na ang street food ang nagiging sandalan ng mga mahihirap nating mga kababayan upang mabuhay.Patok na patok sa mga Pinoy, lalo na sa mga kabataan ang pagkain ng mga 'street foods'. Dahil sa kalye ito ibenebenta, nalalagyan na ito ng mga dumi na galing sa polusyon

at sa mga insektong dumarapo dito. Kaya naman pagdidiinan ng pansin ng mga mananaliksik ang mga pwedeng maging epekto ng pagkain ng mga ito at ang maling pamamaraan ng paghahanda nito. Hindi maitatanggi na kahit na maraming maaring sakit ang makukuha pero ang mga ganitong klase ng pagkain ay nanatili pa rin tinatangkilik. Isang sikat na pagkaing kinahihiligan ng Pilipino ay ang mga pagkaing kalye o ang mga street foods. Ang street foods ay ang mga pagkaing nilalako sa kalye. At dahil sa sobrang pagtangkilik ito ay naging bahagi na ng ating kultura. Karaniwang sa palengke o sa may gilid ng kalsada makikita ang mga naglalako ng mga street foods o ang pagkaing kalye ngunit kadalasan ay sa harap o likod ng paaralan makikita ang mga ganitong pagkain dahil ito ay kinahihiligan ng mga mag-aaral, hindi lang sa elementary o secondarya kundi ang mga kolehiyo din. Kahit ito ay marumi man o delikado, sa nakikita ng mananaliksik mas marami pa rin ang tumatangkilik o kumakain ng street foods. Marami ang mga mag-aaral na mahilig magmiryenda at karaniwang kinakain ay ang mga pagkaing kalye. Hindi lang dahil sa ito ay mura kundi ito ay napakasarap pa. napakaraming uri o klase ang street foods na kinahihiligan ng mga mag-aaral tulad ng kwek-kwek, fishball, kikiam at iba pa ngunit sa sarap na dala nito may nakatagong epekto ito sa ating kalusugan na maaring ikamatay ngunit sa nakikita ng mananaliksik gustong-gusto pa rin ng mag-aaral ang pagkaing kalye.

PAGLALAHAD NG LAYUNIN Ang pangunahing layunin ng pananaliksik na ito ay matuklasan ang mga epekto dulot ng pagkain ng street foods sa mga mag-aaral sa Kolehiyo.

1.

Anu-ano ang mga street foods na kinahihiligang kainin ng mga mag-aaral sa kolehiyo?

2. Anu-ano ang mga epekto sa kalusugan ng mga street foods? 3. Bakit gustong-gusto ng mga mag-aaral ang pagkain ng street foods?

KAHALAGAHAN NG PAG-AARAL Ang pagkain ng street food ay maraming ibat ibang epekto at kadahilanan kung bakit kinahihiligan ng mga mag-aaral sa kolehiyo ang pagkain ng street foods. Ang kahalagahan ng pag-aaral na ito ay ang pagkakaroon ng ideya tungkol sa mga pagkain na kinahihiligan ng mga mag-aaral sa kolehiyo. Street foods ay isa sa mga tinatangkilik ng mga kolehiyo na kainin dahil sa mura at masarap ngunit mahalaga na tandaan na ang pagkain ng street foods ay nakasasama sa kalusugan at maaari pa itong ikamatay. Kahalagahan ng panaliksik na ito ay ang pagtuklas o pagbigay ng ideya sa mga kolehiyo na kumakain ng street foods.

SAKLAW AT DELIMITASYON NG PAG-AARAL Ang saklaw at delimitasyon ng aming pananaliksik ay nakapokus sa mga mag-aaral ng unang taon CBEA sa kursong BS in Hospitality Management at BS in Tourism Management sa paaralan ng MMSU, Batac, Ilocos Norte. Saklaw lamang ng pag-aaral na ito ang mga street foods na kinahihilig ng mga mag-aaral sa kolehiyo, kung anu ang epekto ng pagkain ng street foods sa kalusugan, bakit gusting-gusto ng mga mag-aaral sa kolehiyo ang pagkain ng street foods.

KATUTURAN NG MGA KATAWAGANG GINAMIT

Street foods o pagkaing kalye ito ay ang mga pagkain na tinitinda sa kalye Nilalako ito ay pagtitinda Miryenda - pagkain sa hapon sa mga bandang 3:00 hanggang 4:00 Patok na patok kasingkahulugan ng sikat o marami ang tumatangkilik PSP Pagkaing Street Pinoy Pananaw - ito ay ang kahantulad sa pagunawa Pagkaing Exotic ito ay pagkaing kakaiba