SIMEIKHU KARTIN CHHUAK THINGSULTHLIAH

Dt. 2 February 2013 (INRINNI) PHEK- 3

9 TAWI (ST) AC POLLING STATION TINA VOTERS AWM ZAT

Part No 1 2 3 4 5 6 7 8 9 10 11 12 13 14 15 16 17 18 19 Polling Station Mipa Hmeichhia Total

A LO NIH TAK CHU AN TI

- Seling a MRB Branch awm tur hi dah thuai thuai se an ti. - Seling SBI, Tlangnuam ami hi lungawih lohna Bank an ti. - Sorkar P/S a naupang tlem lutuk hi zirtirtu te nge zak ang nu leh pa an ti. - Huan/Lo ram vah hun lai hian, mahni ram bak vat awm ta se hrem an ni ang em an ti. - Ui leh Ar khuahkhirh tih hi chu, Zu khap ang thoin a sawt thei lo an ti. - Association, Social Work nei thei an tlem telh telh a, nei thei te fak an phu an ti. - Inthlan kum hi chuan Party Worker te hi an vir zual duh an ti. - Tst Pu R. Lalchhuanawma C/A In bul kawng siam mek chunglam, Fura tla leh ngei tura lang hi tihfel nghal a tha an ti. - Sub-town khawtlang hruaitute hian inthurualin zan reha Bike ring tak taka tlan hi khap thei se an ti. - Hmeichhe tleirawl damdawi ruih ching, chhungte bula inthup thiam tak tak an tam an ti. - Khawtlang hmangaihtu inti te hi khawtlang aiin an hmel hi a tha tawh lutuk an ti. BDO KAWMNA NEI Ni 31.1.2013 zan khan Tlangnuam Branch YMA Committee member ten BDO thar Pu Lalrohlua, MCS chu YMA In-ah kawmna hun an hmang. BDO hi a thiannu Dr. Lalmuanpuii Pachuau-in a rawn tawiawm. He hunah hian thingpui inhona te neiin, khawtlang hmasawnna tura thawhho dan tur te an sawiho. HRUAITU THLAK Hospital Area Branch MHIP Secretary atana thlan thar Pi C. Zoramchhani chu harsatna eng emaw avangin a pha a, a post ruak hnawhkhat turin Nileng Committeeah Pi Lalropari an thlang thar. ZDU SELING BRANCH HRIATTIRNA Member inpek hun ni 9/2/2013 thleng a ni a, Ni 10.2.2013(Sun) Dar 1:30 pm-ah Pu Lalhmingchhuanga, ni 13.1.2013 a boral chu member ten ral tur a ni a, Member te kim taka kal tur a ni. LoM-IN TANPUI Tunkar chhung khan Tst. LoM(Khawngaihtu Pawl) te chuan In lama Damlo mi pahnih hnenah tanpuina Rs. 500/- ve ve an hlan.

Tuikhurhlu Seling-I Seling-II Tlangnuam Saitual-I Saitual-II Saitual-III Saitual-IV Thingsulthliah-I Thingsulthliah-II Thingsulthliah-III Keifang-I Keifang-II Rulchawm Ruallung Lenchim Mualpheng Tawizo Maite Total:

50 350 384 444 540 612 377 343 513 433 272 624 586 381 292 99 254 125 287 6966

56 386 445 446 584 596 437 372 571 459 324 664 645 380 290 100 280 101 277 7413

106 736 829 890 1124 1208 814 715 1084 892 596 1288 1231 761 582 199 534 226 564 14379

PROMOTION EXAM KARLEH-AH HSLC leh HSSLC Exam Centre te chuan karleh atangin Promotion Exam an nei tan dawn. HSLC Exam Centre Thingsulthliah High School Class-IX te chuan karleh thawhtan ni 4 Feb 2013 atangin Promotion Exam an nei tan ang a, ni 13/2/2013-ah exam hi an zo ang. Hetih laiin HSSLC Exam Centre Thingsulthliah HSS Class-XI pawhin ni 4/2/2012 atangin Promotion exam neiin ni 15/2/2013-ah an zo ang. Kan rawn tarlan tawh angin ni 22 Feb 2013 atangin HSLC Exam hi tan a ni ang a, HSSLC exam chu ni 26 Feb 2013 atangin neih tan a ni thung ang. Middle leh Primary School te chuan ni 14.2.13 atangin Final Summative Evaluation Exam an nei bawk ang. Tun February leh March thla chhung hi zirlaite exam thla a ni dawn tihna a ni a, Nu leh pa, khawtlang ten zirlai naupang te exam hun chhung hi hriain zirna boruak tha kan siam sak pawh a tul awm e. HNATLANG DAWN Thingsulthliah Auto-Rickshaw Owners Association chuan karleh Nilaithawhtan hian Tst khawchhung kawng chhe lai, High School Road, CHC Road leh Bawkhnuai Thlanmual Road te siamthain nileng hnatlang neih an tum. An member te bakah hian Tst khawchhung a lirthei nei te a thei apiang tlawmngaia thawk chhuak ve turin an beisei bawk. TST JT. YMA GEN. BODY MEETING ROREL Ni 25/1/2013-a Thingsulthliah Joint YMA Gen. body Meeting thurel tlangpui chu hetiang hi a ni. - Joint YMA hnuaiah Sports leh Zaipawl Sub-Committee din nise. - NGO hrang hrang inhlawmkhawmna pawl din ni rawh se. - Vaituichhun Thlanmual kawng hi Metal turin VC-ah thlen ni rawh se. - Sanitation bawlhhlawh paih te hi hal ral theih a ruahman ni rawh se. - Tlangpui a Tourist Resort Centre hi a nih dan tur anga a function theih nan Jt. YMA in hma la rawh se. - Thingsulthliah khawchhuak Welfare hi Aizawl-ah din a nih theih nan Jt.YMA in hma lak ni rawh se. - Kan khaw chhunga PWD Road te hi siamthat a nih theih nan Jt.YMA in hma la rawh se. - HSLC chin chunglam leh thil danga hlawhtling te hi Jt.YMA in chawimawina neih ve thin ni rawh se. - Jt.YMA hian Park siam turin hma la rawh se. - Tuihna humhalh kawnga Jt.YMA in hma kan lak ve nan kan tuikhur hnar remchangah thing phun ni rawh se.