Editor : Tv. Lalrinzuala (Tavala) 9862040071 Jt. Editors : Pu P Lianzama (9862356335) Pu Saibiaknunga (9862559675) News Editors : Tv.

Vanlalneia (9774586755) Tv. Lalnunfela (8794791963) Treasurer : Nl. Lynda Zosiamliani

Production Manager : Tv. Lallawmzuala Tv. V. Lalrintluanga Tv. Stephen Lalremruata Circulation Managers : Tv. Anthony Lalhmingmawia Tv. Zonunsiama Tv. J. Lalrintluanga Tv. Siamrodinga Tv. Lalruatdika

Volume 4 No. 12

Thlakhata vawihnih chhuak

July 14, 2013

1st ADBA CENTRAL DISTRICT TOURNAMENT 2013 THLIRLETNA

izawl District Badminton Association (ADBA) ni thin kha Nikum 2012 atang khan MBA in District thumah a then a, chungte chu : Aizawl Central, Aizawl North leh Aizawl South niin DVSC hi Aizawl Central hnuaiah kan awm a, Aizawl District zingah chuan club affiliate an tamna ber niin, tunah hian club 16 lai in affiliation an ti tawh a ni.

Kan District bik tournament hi nikum lam khan buatsaih tum a ni a, mahse Mizorama tournament lian ber te zing a mi, Aizawl Open chu MBA in kan District thleng tura min tih avangin Tournament dang buatsaih hleihtheih a ni ta lova, chuvangin 29th May - 1st June 2013 khan 1st ADBA-Central District Tournament 2013 chu Mizo High School Hall, Zarkawt-ah neih a ni. He tournament-ah hian DVSC pawhin U-15 Boys Team-ah Team hnih, 35+ Mens Team-ah Team hnih, 35+ Doubles Open-ah pair 3 kan tel ve a. Kan players-ten tournament urlawkin practice te pawh an bei ngawrh hle a, beiseina pawh kan nei sang hle a ni. 35+ Mens Team-ah hian Team white zawkin vanduaithlak takin Players in fawmkhawm Health Dept. an hneh lova, he teamah hian Pu Simlathanga & Pu T.Lalhriatpuia ten 1st Doubles an khel a, an chaklo hlauh mai a, Team ti nung leh tur hian Pu Ricky-a (DVSC Fin.Secy) in single khelin a thiam thil zawng zawng leh Pu Fka leh Dr. Rinawma te coaching nena an tan pawhin a opponent kha Health Dept single player, State players pawh lo ni tawh kha alo ni ve bawk si a, a hneh ta ngang lova, mahse entute lamah Fans a ngah phah hle a, a lawmawm tho ah kan ngai. 35+ Blue Team erawh in Semi Final thlengin Champion Team Saron Veng lak an chak zo lo a ni. Open Category-ah 35+ Mens Doubles-ah pair thum chhuakin Pair hnih Pu Henry Vanlalhruaia leh Pu T.Lalrintluanga te tangdun leh Pu N.Lalremruata leh Pu H.Lalremtluanga te tangdun ten Semi Final an thleng ve ve

bawk a. DVSC Badminton a thu lawmawm leh la thleng ngai zen zen lo chu he tournament a U-15 Boys team te Runners Up an ni thei hi a ni. U-15 hi team hnihah in thenin White Team-ah Samuel CVL Biakkima s/o CVL Ronghinga, Lalnunmawia s/o Lalnunthara, Zomuansanga s/o Ramdingliana, VL Rindika s/o Simlathanga te leh Blue Team ah Lalhmangaihzuala s/o Zoramthara, Laltanpuia Hnamte s/o Lalchhuanmawia Hnamte, Lalnuntluanga Khiangte s/o Lallianzuala, Lalnunhlua s/o D. Laltlanthanga te an ni a. White Team te hian Saron Veng White U-15 te 2-1 a hneh lovin an tla a, Blue Team erawhin Dinthar U-15 te 2-1 a hnehin Final an lut a. Final hi 1st June-ah khelh a ni a, kan White team te hnehloh Saron Veng White U-15 te kha kan hmachhawna, Manager leh coach ten Saron veng naupangte an khelh dan leh height advantage an neih te hre rengin Team an sawi danglam hret a, Lalnunhluan 1st single-ah uihawm takin deciding game-ah a chak lova, Lalnuntluanga Khiangte s/o Lallianzuala & Lalhmangaihzuala s/o Zoramthara ten doubles an la ve thunga, second Singleah Laltanpuia Hnamte s/o Lalchhuanmawia Hnamte khelin a chak

zo ta lova 1-2 in Final-ah hian kan chak ta lo a ni. Kan opponent ten inkhelh hma atangin an naute nen khelh dan tur an sawiho nasat dan ngaihtuahin min huphurh ve hle a ni tih a hriat theih a, kan 1st single kha chak ta hlauh se chuan straightin 2-0 in keini pawh kan chak thei a, chutiang a chak in beiseiin Team pawh set a ni a, mahse beisei kan pha ta lo hret a ni. He Tournament hi kan players naupang zawk te tan Tournament vawithum an chhuah na a ni ve chiah a, nikum lama coaching an lak atanga ngaihtuah chuan tun dinhmun an thleng thei hi Pathian hruaina leh kan Players-te tumruhna leh taimakna a ni kan tilo thei lo. Kan players te pawhin experience an neih that phah hle mai a, kan opponent-te khel aiin kan khelh dan/stepping te mawi lo zawk mahse kan naute hian an game an enjoy in fighting spirit an nei tha thei hle maia, entu lam atangin fakna pawh kan dawng nual a ni, hei hian tournament an khelh leh zelna turah beiseina sang tak kan naupangteah hian a awm a ni tih a hriat theih. A tawp berah chuan players nu leh Pa te an hna tuldang kalsana an inkhel thahnemngai taka rawn tawiawmtuzawngzawngtechungahDVSC in lawmthu kan sawi mawlh mawlh a ni

CHANCHINBU CHHUAH LEH HUN

Chanchinbu hi thla khata vawi hnih chhuak a ni a, a rawn chhuah leh hun tur chu JULY 28

-2-

DVSC NEWS :
Football

Adventure hi
Sports Disipline hrang hrangah hian Adventure hi sports disipline pakhatah kan ngai ve em? tih hi ngaihtuah tham a tling maithei. Chhiat tawh nikhuaah hian adventure lama inhmangte hi experiance nei tha tak mai an ni a, an tangkaiin an thawhhlawk thei em em a, hei vang chauh pawh hian kan khawtlang hian kan mamawh ve pakhat chu a ni mai lo maw? Sports disipline hrang hrang hi a pawimawh vek a, pawimawh bik a awm lo. Chung zingah chuan Adventure lam pang hi kan veng hian kan la bengkhawn tam vak lo niin a lang a. Adventure lama kan veng hming lanna hi hriat tur a la awm tam lo hle. A tangkaina hriain, a tuimi an awma kan veng hminga chhuak ve tur an awm dawn a nih phawt chuan Sporting Club hming pawh hian tuipui leh tulpui ve thin tham, kan vengah hian advanture lama tuimi an awm ang em le? tih erawh ngaihtuah tham a tling maithei. Tulpui tham leh tuipui tham, mi inpe elh a tuimi tak an awm a nih dawn phawt chuan Kan veng pawh hian kan thatpuiin kan tangkaipui ve ngei ang tih a rinawm. Kan vengah vanduaina, chhiatna kan tawh changin chhawr tangkai theih an nih ngei a rinawmna hi a tangkaina tur tak pawh a ni mahna. President Dr. Lalrinawma Hnamte Sr. Vice President Pu Henry Vanlalhruaia

: July ni 8 (Thawhtanni) khan Dawrpui Vengthar Sporting Club, Football Team hmingin Affiliation tih fel a ni ta. Tunah hian Football player hi 30 in affiliation hi an ti a ni. Air Rifle
2013-2014 Aizawl District Rifle Association (ADRA) Executive member atan Tv. Lalmuanpuia Hnamte chu ruat a ni.

Volleyball :

Mizoram Volleyball Association hnuaia 2nd Division Season Opening chu August thla tir hian khelh tan a ni leh dawn a, players thenkhat ten practice hi an nei tan tawh a ni.

Cricket

Cricket Association of Mizoram (CAM) chuan an hnuaia Cricket Club in register zawng zawng te chu July 15 hma a Club report thehlut turin thuchhuah a siam a , he thuchhuah bawhzui hian Cricket I/c Tv. Ricky Lalchhandama chuan Ni 12 khan form te la chhuakin hei hi kan OB ten an buaipui mek a, DVSC hnuaia Cricket team te kalphung leh inrelbawldan report tur hi an buaipui mek a ni.

FOOTBALL TI TI
Mu chung hian thil nuam tak tak ka lo ti ve nual tawh a, mahse vawiin kha mu chunga goal ka thun hmasak ber a ni. Fred (Brazil striker). Confederations Cup final-a Spain laka tlu chunga a goal thun chungchang a sawina. Spain hi chuan football khelh nuam an ti a, ball pawh an inpekual nasa. Mahse keini kha chu kan goal nawr a rang a, goal shot pawh kan ngah zawk a ni. Tuna Spain team ai hian 1982 a Brazil team-ah khan complete player an tam zawkin ka hria. - Zico (World Cup 1982 a Brazil team-ah khan Zico, Socrates, Eder, Serginho, Falcao te ho an awm a ni) Goal min nawrpui tur pahnih thlang thei ila, Rooney leh Messi te hi ka duhthusam an ni ang. Anni pahnih inkhel hian mumang ramah min chentir thin a, Ronaldo chu a ni ve lo. - Carlos Tevez. Thiago Silva hi hralh kan phal lo hulhual. Euro maktaduai 40 a min dil chuan Aih tiin ka chhang ang a, maktaduai 80 pawh ni se, makaduai 500 pawh nise Aih ti thoin ka chhang ang. Euro maktaduai 1000 in min dil se, ka phal loh thu bawkin ka chhang dawn a ni. Khawvela rangkachak zawng zawng pawh neih theih phah dawn ila Thiago Silva hi ka hralh phal chuang lo ang. - PSG president Navas hi player special tak a ni a, Premier League defender te tan harsatna a siam hnem viau ang. A tlanchak em em a, a ke a rang a, tihtluk mai loh chuan dan a harsa em em a ni. Premier League-a khel mek zingah chuan Gareth Bale nen hian ka tehkhin ber. - Andres Iniesta Ka ui hming Messi ka tih chhan chu Messi hi khawvela player tha ber a ni a, ka ui pawh khawvela ui tha ber a nih vang a ni. Cristiano tiin ka thlak dawn lo a, thlak pawh ni ila a hrethiam chuang lo ang. - Isco Player tha tak tak awmna leh Club history ropui tak neiah ka inkhel ve thei tur hi ka phur in season tan a nghahhleh awm hle - Neymar Tottenham-ah hian ka la khel dawn a, min dawrtu tam tak chu an awm, he club hi engtikah emaw chuan ka la chhuahsan mahna, mahse season tharah chuan Spurs hi Champions League khelh pui ngei hi ka tum a ni. Chumi ti thei tur chuan players-te leh Coaching staff zawng zawngte pawhin kan rilru kan seng nasa a ni Bale
CIRCULATION MANAGER : Tv. Anthony Lalhmingmawia, Sairuatkima, J. Lalrintluanga, Siamrodinga, Lalruatdika A SEMTU TURTE: Bial 1-na : Lalhriatkima, Zothansanga, Lallawmkima, Jerry Ramnunsanga. Bial 2-na : Lalrindika, R. Malsawmtluanga, Lalngaihzuala, Laltanpuia Hnamte, Lalhmangaiha. Bial 3-na : Moses Vanlalepka, Zorinpuii, Joseph Lalmuankima, Zoremsangi. Bial 4-na : Lalhriatpuia, Zonuntluanga Bial 5-na : Reuben Lalruatdika, PC. Lalfakzuala.

D V S C OFFICE BEARERS

Vice President Pu Aldrin Zosangliana Secretary Pu KC Lalthanthuama Asst Secretary Tv. Vanlalpeka Treasurer Dr. Lalfamkima Fin. Secretary Pu Ricky Lalnunmawia Propery i/c Pu V. Lalthazuala Information i/c Pu Johny Zothanmawia

-3-

UFC Fighter te dinhmun

Khawvel infiamna rothap ber pawl leh mi ngaihven hlawh chhoh tak Ultimate Fighting Championship han en mai hi chuan Fighter te hi hlawh tlem tur anni lo hrim hrim hian a lang a. Training hautak si, hun tam tak seng in hmun hrang hrangah an train a, coach hrang hrang la in, Boxing coach, Wrestling coach, Jijitsu coach,Kick boxing coach, Strength leh conditioning coach hei bak ah Nutrition leh thil hrang hrangah fighter te hian an in seng hnem em em a ni. khat fight-a $8,000 chauh la te pawh an awm a ni. India pawisa a chan tir chuan Rs 4,80000 vel awrh chauh a ni. Heta tang hian i training na leh zinna senso chu sawi loh Tax i pek a ngai bawk a nga, a tawpa i chan chu Rs 20,0000 vel awrh ani ang. UFC hi Fertita unau in an lei lai khan $2 Million in an lei a, tunah chuan kum khatah $500 Million chuang la lut thei company a ni reng tawh a ni. Amaherawhchu, UFC fighter lar zual te hian $250,000 - $600,000 vel laluta ngaih an ni a, mahse anni ho hi chu Sponsorship leh Pay Per View share atang pawn an lak belh bawk. A hnuai lam ve thung chuan $10,000 vel chauh an la ve thung, anni tan phei chuan Bonus/share a awm tawh lo zui bawk. Tunlai hian sawi neuh neuh atam em vang in tun hnai interviewah khan UFC President Dana White chuan Fight Bonus, Submission of the night, Knock Out of the night, Fight of the night Bonus ka ti bo anga Fighter hnuai zawk te hlawh ka pe tha zawk dawn ami? a ti hial reng a ni. Mi tam takin fighter tha zawk an rawn chhuah zel theih nan leh he sports hian hma a sawn chhoh zel nan hlawh hi tam deuh se an ti hle a, mi tam zawkin he sports hi luhchilh se titu an tam hle bawk a ni. UFC a fighter pakhat nih ve ilo dream anih chuan Figther lar leh Marketable tak i nih loh chuan in ngaihtuah ngun a ngai viau maithei, Shane Carwin pawh kha Engineer ni reng chungin UFC ah a fight anih kha!

MotoGP Tlan dawn

MotoGP chu vawin hian an tlan leh dawn a, Chemnitz khua, Germany-a Sachsenring Circuit-ah an tlan leh dawn a ni. He circuit hian MotoGP bakah German motorcycle Grand Prix leh FIM Grand Prix te a thleng thin a ni. Sachsenring Circuit a MotoGP an tlan hmasak ber tum chu 1998 khan a ni a, kawng a kawi avangin track tlan harsa pawl tak a ni chungin intlansiak hmuhnawm loh a awm ngai lo thung a tih theih awm e. Vawina an tlan tur hi tun kuma MotoGP vawi riat an tlanna tur a ni a, hmahruai mektu Dani Pedrosa, tuna world champion ni mek Jorge Lorenzo, rookie che tha Marc Marquez leh intlansiak hnuhnung bera chak ber Valentino te chu mipui mit fukna ber an nih leh a rinawm. Hmahruai mektu Pedrosa leh inhliam Lorenzo te inthlauhna hi Point 9 chiah a ni tawh a, khingkhang ruh tliak chungin Lorenzo hian Assen kha a tlan a, 12 na atanga tanin panganaah a thleng thei a, vawin an intlansiak turah pawh hian theihtawp a chhuah leh ngei dawn a, an pahnih in el tur pawh hi en a chakawm tawh hle a ni. Marquez a leh Lorenzo hi Point 14 in an inthlau bawk a, intlansiak hmuhnawm tak kan hmuh ngei a rinawm. Inhliam hnua rawn let leh Cal Crutchlow pawh a hnuai chiaha awm Valentino Rossi nen an inthlauhna point 2 chiah a nih tawh vangin atan tihsual a thiang tawh kher lo ang. Hetih lai hian Ducati lam pawhin tan an la thar hle a, he race ah hian an bike thar (updated version) Desmosedici GP13 chu Andrea Dovizioso chuan a rawn khalh dawn a, a teammate Nicky Hayden erawh chuan a bike ngai a la rawn khalh thung dawn a ni.

Boxing-ah chuan Mayweather, Pacman leh midang ten vawikhat inhnek ah Million tam tak an hlawh laiin UFC fighter lar ber a sawi theih (Pay Per View atang a chhut in) George St. Pierre hian ama sawi dan in $5 Million vel vawikhat fight ah hian la lut angin a sawi, mahse hei hi expert te chuan UFC atang vek niloin ama private sponsorship leh fakna vel atanga alak a sawi tel vang an ti ve thung. UFC hian 2011 chhung khan pawisa an lakluh zawng zawng atangin 9.6-10% chiah hi Fighter te hlawh ah an pe chauh a, hei hi Rich Franklin, Ken Shamrock, Jon Fitch leh midang tam tak pawn an lo sawi ve thin kha a ni. UFC ah i tel ve anih chuan fighter tha chungchuang i nih bawk si loh chuan, hlawh tam a har viau maithei a ni. Vawi

Lendl-an Murray No. 1 ring

Ivan Lendl chuan Wimbledon champion Andy Murray chu World Ranking-ah Djokovic a lehpelh a rinthu a sawi. Lendl chuan, "Novak Djokovic hi player tha tak chu a ni tehmeuh mai, thla sawmpahnih chhung mai nilo, 2011 atang daih tawh khan tha takin a khel chho a, tunah No.1 nih hi a awm hle reng a, amaherawhchu tunah chuan pressure nasa tak a hmachhawn mek a ni" a ti. Djokovic hian Murray hi US Open final, Olympic semi-final leh Wimbledon-ah te hneh lo mahse ranking lamah chuan a fal hle a, Murray hian hetianga thaa a khelh chhoh zel chuan

kum tawpah chuan Djokovic hi a lehpel thei dawn a ni.

Points dinhmun : 1. Djokovic, Novak (SRB) 2. Murray, Andy (GBR) 3. Ferrer, David (ESP) 4. Nadal, Rafael (ESP) 5. Federer, Roger (SUI) 12,310 9,360 7,220 6,860 5,785

Circuit info Length: 3.671 m. / 2,281 miles Width: 12m Left corners: 10 Right corners: 3 Longest straight: 700 m. / 0,435 miles Constructed: 1996. Modified: 2003

DVSC THIL TUM

Thalaite ruihhlo laka an fihlim theih nana kaihhruai. Infiamna kawng hrang hrang hmanga mahni intodelh tura thalaite chher. Rilru leh taksa hriselnan infiamna uar. Khawtlang leh chhungkuaa mi tangkai ni tura thalaite kaihhruai. Infiamna hmanga khawtlang inlungrualna siam.

Pit Lane-ah media mi awm phal tawh lo

Chile rama second division club AS Puma chuan an star player Roger Fallas chu football 50 in an hralh. Roger Fallas hian AS Puma atangin a chhuak satliah a ni mai lo a, an hmelma, first division club Universidad de Costa Rica a zawm nghe nghe a ni.

Football 50 man

Pathianni liamta khan German GP tlan zawh a ni a, khatah khan car ke pawk chhuakin Cameraman su thalin, damdawi inah enkawl hial a nih phah a. Khami avang khan F1 chuan dan thar a zam nghal a ni. Red Bull driver Mark Webber chu Pit-ah lutin, a tlanchhuak leh tur hi a kehnung dinglam chu a lir chhuak ta vawn vawn a, he ke lir hian inthuamna famkim inbel lo ber F1 cameraman Paul Allen

chu su thal tawpin, a dar ruh a tliak a, a luah hliam a tuar bawk a ni. Thawhtanni khan F1 Boss Bernie Ecclestone chuan Cameraman te chuan Pit lane wall atang chauhin thla lak tawh tur a nih thu thuchhuah a siam nghal a. FIA chuan dan siam tha nghalin, Pit Lane ah hian Marshals leh Team Personnel tih loh Media mite chu awmve an phal tawh dawn lova, Pit lane wall atangin thla la tawh turin an ti ta a ni.

Goal khung hnem vangin hrem

Nigerian club pahnih Plateau United Feeders leh Police Machine FC te chu goal an khung hnem lutuk avangin Nigerian Football Federation (NFF) chuan an hrem. He club pahnihte hian division hniam zawk atanga a sang zawk kai turin an chak ve ve chuan an point a intluk chiah dawn a. Heta goal difference nei tha zawk zawk chu promote an ni dawn. Chutah le goal a lut ta tak tak mai a, awihawm loh khawpin goal a lut ta a. Plateau United Feeders chuan 79-0 in Akurba FC an hneh a, lehlamah Police Machine FC chuan 67-0 in Bubayaro an hneh bawk a. Heng team pahnih goal khung belhkhawm hi goal 146 lai a nih chu !!! Nigerian Football Federation chairman Muke Umeh chuan,"Thil awmlo tak a ni, inthamna thil a awm ngei rin a ni", tiin a sawi a. Hetia a sawi hnu hian heng team pahnihte hi hrem nghal an ni bawk. Umeh chuan he thil hi chiang zawka a bul rat atanga chhui an tum thu a sawi lang bawk a ni. Tin, players, officials leh match official te thengin he thil hi chhui chian a ni dawn bawk a ni.

India Squad ah Mizo 3 koh chhin phawt an ni

India manager Wim Koevermans chuan Tajikistan nen friendly match August 14 a an khelh turah player 30 te chu a ko chhin phawt a, heng players 30 te atang hian final squad a awm thei tur thlitfim an ni leh ang.. Goalkeepers: Subrata Paul, Karanjit Singh, Sandip Nandy, Subhasish Roychowdhury. Defenders: Denzil Franco, Nirmal Chettri, Arnab Mondal, Gouramangi Moirangthem, Raju Gaikwad, Sandesh Jhingan, Gurjinder Kumar. Midfielders: Mehtab Hussain, Lalrindika Ralte, Arata Izumi, Lenny Rodrigues, Lalkamal Bhowmick, Alwyn George, Mohammed Rafique, Asif K, Jewel Raja Shaikh, Francis Fernandes, Tsewang Karma, Malsawmtulunga, Clifford Miranda, Syed Rahim Nabi, Vineet CK. Forwards: Sunil Chhetri, Robin Singh, Dawson Fernandes, Jeje Lalpekhlua.

Hemi chungchangah hian Puma club president Rigoberto Chinchilla chuan thuchhuah neiin, Football 50 min pe turin ka ti a, tunah chuan engkim tihfel a ni tawh. Fallas an lei duh tih ka hriat khan Universidad hi football 50 ka dil ang tiin rilru ka siamfel tawh a, sum lamah harsatna nasa tak kan nei a, engemaw kan neih hrim hrim chuan a tha vek mai. Engtinnge football 50 chauha i chhuahtir phal zawk? tih zawhna pawh ka dawng nual. Kan tana a khel hrim hrim kha a lawmawm a, First League (first division league) khelh theihna remchang a nei a, a career tan a pawimawh tih ka hria a, a hmasawnna dal zawnga chet ka duh lo. tiin a sawi. Roger Fallas hi player ropui tak emaw, khawvel huapa player langsar a ni lo tih chu chiang sa a ni a. Mahse football 50 chauha an hralh chhan hi amah leitu Universidad retheih viau vang emaw, AS Puma an retheih lutuk vang emaw a ni lo niin a lang a. Pawisa tam zawk pawh chhiar se Universidad hian an lei ngam tho in a rinawm. AS Puma president in a player hmakhua a ngaih vang leh, thil dangdai a tih chak ve hrim hrim vang a nih hmel. Transfer fee hi dangdai tak tak a awm nual a. Kum 2009 khan Romanian club Regal Hornia chuan Marius Ciora chu vawksa sausage kg 15 in an lo lei tawh bawk a ni. Footballer te man a to tawlh tawlh laia hetiang transfer fee dangdai leh tlawm hriat tur a awm leh zauh thin hi a hlimawm viau e.
530 copies

Published by Dawrpui Vengthar Sporting Club

Edited by : Lalrinzuala (Tavala)