President : K. Lalsawivela - 9612112835 V/President: R. Lalremmawia - 9862506091 Secretary: V.Lalchhuanawma - 9862315830 A/Secretary: K. Lalhmingliana - 9612714872 Treasurer : TC.

Lalmuanpuia - 9615021801 F/Secretary : F.Laltanpuia - 9862614700

Editorial Board
Editor : Joint Eds.: : : News Eds.: K. Zomuansanga David Lalrammawia Ramthanmawia Rosangzuala Branch Secretaries & Section Secretaries Manager : TC. Lalmuanpuia Ph. 8575304397 / 9862010834

AN OFFICIAL ORGAN OF VENGLAI BR. YMA CHAMPHAI

Vol. XXI

Issue No. 31 Dt.5.8.2012

Editor Kamliam/ Article P-2

(Thitin Thla)

Chawlhni

Chhuak

P-1

Venglai City/Branch Executive Committee nei/Lawrkhawm P-1

Article chhunzawmna/India ram venhimna lam thawktute P-3

Article/Section News/ Muzuk fei P-4

Venglai City Naute Thar

Pu Lalramluaha (s/o H.Lianngaia) Chd.Sec te nupa chuan karhmasa Zirtawp zan khan naute t har duhawm t ak Champhai Civil Hospital ah an nei. Naute thar neite kan lawmpui tak meuh meuh a ni.

Venglai Branch YMA Executive Committee Vawi 7-na neih a ni

Venglai August Ni 5 : Dt.31.7.2012 (Thawhleh)zan dar 6:30 khan YMA Runah Venglai Branch YMA Executive Committee vawi 7-na Branch President Pu K.Lalsawivela kaihhruaina in neih a ni. Branch Executive Committee neihah hian member an kal tha hle a, Branch Vice President chawlh dilna chungchang leh Community Hall hnuai ber luahman leh luah tu tur chungchang te an rel ho a ni. Branch Vice President Pu R.Lalremmawian a hna avanga chawlh a dilna chu Executive Committee chuan ngun taka a ngaihtuah hnuah a hna ngai hi la chelh rih se, chawl lo mai se tiin a rel a ni. Venglai Community Hall hnuai ber chu luah theiha siam a ni tawh a, luah man tur atan thlakhat ah Rs.2000/- nise tiin Executive Committee chuan a rel a,electric connection pawh a hranga nei thei tura hma a rang lama lak nise an ti bawk. Hall luah duh tur chuan Dt.8.8.2012 hmaa luah dilna Branch hruaitute hnenah thehluh tur a ni a, luah duh tur pakhat aia tam an awm chuan Branch O.B leh Adviser ten a luah tu tur ngaihtuah mai se an ti a, a vawikhat na atan Hall hi kumin chhung atan luah phawt nise an ti bawk a, kum thar zel tur atana luah duh tu chuan a thara dilna thehluh zel tur a ni dawn a ni.

Lawrkhawm
ENTU Report(chhunzawmna)

Damlo
* Ramluahfeli w/o Johny Lalhmangaiha Keikawla Section chu an mahni chenna inah tlusual palhin a lu a sawh a, damdawiin lam panpui a niin nimin khan dam takin an rawn chhuak. * Pu Zadanga Sailo pawh damdawi in lam at ang lo chhuakin t unah an mahni chenna in ah enkawl mek a ni.

Jersey thehluh tur

Venglai Sporting Club Football Jersey mahni in lama la kawl zawng zawng ten a rang lamin Sporting Club Information SecENTU Report January 2012 - July 2012 retary Tv. Lalthangkhuma Kumin January thla atanga May thla thleng kha ENTU Hmar hnenah thehluh vek tur a chanchinbu lak man Rs.10/- thlakhatah a ni a, June thla atang khan a phek tih tam avangin thlatin Rs.20/- zel in ni. khatah khawn thin a ni. Record atanga a lan danin SecLam zir Venglai Branch MHIP te chuan tion thenkhat ENTU Agent te kan tan nasat leh deuh nimin tlai dar 3:00 khan Pu angai niin a lang a, a man (Profoma) fel taka a semtuten Lalhmuachhuana Chd.Sec te in an khawn khawm sa te a rang lama Manager hnenah kawtah Independence Day-a an theh luh vat thin tur a ni.Kumin ah vawiin hi Chawlhni lamna tur Par lam an zir a, vaawi 32-na niin January ni 1 tih loh kha chu ENTU hi karleh lamah zir chhunzawm zel Chawlhni tin tih chhuah a ni. Kumin January atanga July thla thlenga Section hrang hranga ENTU man luh tur a ni ang. dan Manager Record chu hetiang hi a ni : Hall Luah duh tan Chawngduma Section Community Hall luah duh chuan Venglai Branch YMA Dt. 28/2/2012 - Rs. 810 Office Bearer te hnenah dilna Dt. 27/3/2012 - Rs. 1110 Zampuimanga, Keikawla leh Hranghleia Section te lehkha in Dt.8.8.2012 (Nilaini) Dt. 21/5/2012 - Rs. 2040 Dt. 10/6/2012 - Rs. 1060 Right Column-ah aia tlai lo ah dilna thehluh tur a Dt. 23/7/2012 - Rs. 1980 chhunzawm a ni. ni ang.

Zampuimanga Section Dt. 29/1/2012 - Rs. 580 Dt. 19/2/2012 - Rs. 1350 Dt. 18/3/2012 - Rs. 1550 Dt. 29/4/2012 - Rs. 1020 Dt. 10/6/2012 - Rs. 2320 Keikawla Section Dt. 21/1/2012 - Rs. 1010 Dt. 8/4/2012 - Rs. 1850 Hranghleia Section Dt. 15/1/2012 - Rs.700 Dt. 12/2/2012 - Rs. 950 Dt. 11/3/2012 - Rs. 760 Dt. 15/4/2012 - Rs. 840 Dt. 27/5/2012 - Rs. 1360 Dt. 3/8/2012 - Rs.1730 ENTU hi Press ah Inrinni tin Copy 500 her thin niin Chd.Sec ah Copy 140, Zp.Sec ah Copy 113, KK.Sec ah Copy 130 leh HH. Sec ah Copy 110 Chawlhni t in semchhuah thin anga chhut a ni.

Oxygen khawl lei

Venglai mipui ten an mamawha an hman tur atan Village Council Venglai chuan Oxygen pekna khawl, Oxygen Concentration thar an lei a, a hawh dan tur leh hawh theih hun chhung chang erawh VC Meeting ah an rel dawn a ni.Hetianga hmasawnna thar kan vengin kan nei hi a lawmawm hle a ni.

Step siam mek

Venglai VC te chuan Pu Chalthuama kawmthlang atanga Pu Hauruma kawmthlang ko pang lungrem an zo tawh a, tunah hian Pu Huansanga in sir chhuk Step RCC in an siam mek niin thu kan dawng.

2012 Central Y.M.A. Kumpuan - Ram leh Hnam humhalh

ENTU Venglai Br. YMA

Chanchinbu

Chawlhnitin

chhuak

lak

man

thlakhatah

Rs 20/-

P-4

KUM 2012-2013 JANUARY CHHUNGA ENTU CHANCHINBU SEMTUTE

BRANCH ADVISERS Pu F.Aizika, Pu V. Hrangzika, Pu Lalhlupuia, Pu Kamlova Zadeng

Hranghleia Section Keikawla Section

: Lalbutsaiha, Malsawmkima, Lalremkima, Vanlalhruaia, Malsawmtlunga, Lalhmangaihzuala : Isaak Lalthutiama, Lalramtiama, Zodinpuia,

Reuben Lalruatsanga, Lalhriatpuia, Robert Lalhmachhuana, F.Lalhmangaihzuala

Zampuimanga Section : Vanromawia, K Zosangkima, K Lalhruaitluanga, H Laltlansanga, Lalhmangaihzuala Chawngduma Section : Lalchhandama, Sanghmingliana, Vanneihtluanga, VL. MS Dawngzela, Benjamin Lalhruaizela.

YMA Motto :
1. Hunawl hman that 2. Zofate hmasawnna ngaihtuah 3. Kristian nundan tha ngaihsan

JERSEY KAN NEI TA...

Awmtea, Secretary FC Angelos Khatia Nikir ruah pawhin min nan zawr theih tak loh atang khan awm mai mai theih a ni ta lo! Inkawm khawmnaah pawh Biak In satu atan vai an chhawr tih te, Savawm bawm tih te Chiahpuam pawisa atangin In a sa tih te, Rawngbawltu langsar tak ni mahse eiruk a hreh miah lo tih te, Sunday School zirtirtu a ni a, mahse Beer a inru thin tih te lam ngaihtuahnaah a lian lo. Chung ai chuan engtikah nge kan inkhelh leh dawn? Tunge Venglai Football Leage-ah hian Champion ang a, lawmman engzat nge ni ang? Pu Mamawia te ho an tel leh ngam ang em? tih vel rilruah a lian zawk... FC Angelos a piang ta...Oneday Tournament atang khan mi rin an kai hrim hrim vang nge hriat a ni lo, Club ropui tur leh huhang ngah tak FC Angelos chu Ni 29.7.2012-ah khan mumal takin a piang ta! Manager atan Sir Alex-a aia duai bik lo tur Tv. Mawitean kum tam tak daih tur contract a sign der tawh a. Ulawng club atangin Tv. C. Malsawma pawhin (u te awmna a nih vang ni lovin???) Champion nomawi chawi ngei a duh avangin he Club hi a zawm fel tawh a, Oneday nia inlan hman ta lo Pu K. Rodinliana pawh League khel tur hian a inpeih ta at mai. Champion tum FC Angelos Venglai Football League lo awm turah hian Club engzat nge tel dawn hriat a la ni lo. Engzata tam pawh tel teh reng se Tv. Rema thlirna tarmit atang chuan FC Angelos hi Champion tura ngaih an ni. Pu Rama te tui taka an mut laiin Chhangphut field-ah (Coach atana rawih Thiante Sangtea la tho hman chiah lo mahse) Pu Faktea hovin a rualin an tlan a. Jogging, Medium, speed, shoot, push-up, utawk sawt thlengin an tawng tlan lawn a ni ta... Hming lamna (Attendance) an nei thin a, kal tha lo te chu League khelh hunah substitute-ah an awm dawn a ni. Jersey kan nei ta... FC Angelos a pian atanga vawiin thleng hian sponsor tu mi thahnem tak an awm der tawh! Venglai Football League kan tan hunah Jersey eng mawi tak, Champion tura rinkai ten an rawn hak hunah a hmaa RK Enterprise tih lo inchhu i hmuh pawhin mak ti duh suh ang che. Engvanga RK Enterprise inchhu nge tih a neitupa i zawh chuan a hrilh fiah duh lo ang che, chuvang chuan Tv. Albert-a i zawt daih dawn nia. Jersey hma lamah chik taka i en chuan FC Angelos Logo mawi tak i hmu ang a, tu duanchhuah nge tih zawt buai duh suh. Jersey-a chhut ngai zawng zawng chhu a, design-tu chu LL Computersneitupa a ni tih hi zep tlat mai ang. Mawza inang tlang an rawn bun ang a, chumi i hmuh veleh Biaki Store te inpekna avang chung chu rawn bun an ni tih i hre dawn n ia. Ball leh kutkawr pawh an rawn nei turah ngai la, chung chu khawi atanga an neih nge i hre lo mai thei. Mahse Tv.C. Lawma leh Pu R.Ngaiha te zawt la, an hrilh duh che ang em aw? Jersey hi 15th August, 2012-ah Venglai Community Hall-ah ropui takin ropui takin an tlangzarh dawn a, kal ve la he Club member te tuizia hi i hmu ngei ang. Chu chu veng hmasawnna tur an tih ve theih tawkah ngai la, chonaah i ngaihsak dawn nia... Club dangte kha khawiah nge??? Oneday Tournament-a club hrang hrang Keilungliah United, Young star, Taithuama Inleng, Ulawng club, Tluangtea inleng, Formidable, adt. kha khawiah nge in awm tak? League-ah hian in tel ve ngam dawn em le? Venglai Tleirawl rual, nakin lawka Venglai tihmingtha tur beisei te kha League-ah hian in rawn in lar ngam dawn em??? Friendly match khel tur pawhin an inpeih reng e... Tunge rawn pen chhuak ve dawn??? Venglai Footbal League a hlutna turin Sporting club kutah dah mai chi a ni lo.Vengdangin min rawn hlut sak dawn loh avangin Vengchhung mipui tanrual a ngai a, mi hausa te chet hun a ni. RK enterprise, Biaki Store, LL Computers ten veng chhung hmasawnna turin hma an hruai e. Football-ah veng mipui ten kut kan ben leh theihna tur te, Ruihhlo-in a hliam mek ten kawng dik an zawh lehna tur atan leh Vengchhung mipui ten inpawhna tha zawk kan neih theihna turin tunge rawn pen chhuak ve dawn le???

SECTION NEWS Chawngduma Section

* Chawngduma Section chuan Silver Jubilee puala Venglai Branch YMA in vengchhung in tina Name Plate thar tar a rawt angin tunah hian hma lain Name Plate an siam tir mek a, a zawrh chhuah huna lo khul theuh turin an section huam chhunga mipuite an ngen a ni.

Zampuimanga Section
* Zampuimanga Section chuan an section huam chhunga chhungkaw hotu hming la khawmin Name Plate siamna lamah thehluh an tum mek niin thu kan dawng.

Keikawla Section
* Keikawla Section chuan Name Plate an siam tir mek a, section mipuite name plate man lo inring turin an ngen a, name plate hi pakhat Rs.70/- zela tlan tur a ni ang.

Hranghleia Section
* Hranghleia Section pawhin Silver Jubilee puala Name Plate thar thlak tur hi an buaipui mek.

www.muzukfei.com
(Chawngkhum dan, tlang huatloh)

* Tubauh fawng chen lek lekin min han vin ve khanglang hi chu tha ava na duh em! - Pa Denga Chd.Sec * Mizo mistiri hlawh pawh vai mistiri in kan pha lo ngawt mai hi chu(h)... a thawh kawngah kan thawh hlawk ve tehlul nen. - VC Secy * Football League kan khel dawn bawk a, ka fit tawh zek zek a nia, League khelh vat vat ka chak tawh khawp mai. - Pute Zoramnghaka * Kan tlangval laia Football League khelh ve tur a awm hi vannei ka inti in theihtawp chhuaha khelh ve ngei ka tum ang. - Ku Zorama * Sulhnu ka nei ve tho si a, min va kap khat ta em, a leh lam zawng tak chuan lung te a leng rum rum alom le. - Tv Rorela Vengmawng

Published & Edited By K.Zomuansanga and Printed at V.Tlanglawma Cyber World Champhai : Mizoram

ENTU Venglai Br. YMA

Editor Kamliam...

Chanchinbu

Chawlhnitin

chhuak

lak

man

thlakhatah

Rs 20/-

P-2

Article

Media a tangkai zawnga hman a tul

Mihring nun a lo pian chhuah atanga zirtir ngai reng mai nun hi a thawpik zawng leh phurhrit zawnga lak chuan ninawm tak mai a ni. Zep thu awm hek suh, Liberal society (Zalen huau)-ah Mizo hnam naupang te pawh hi a chuangkai chho ve ta a, chu society-a luang thiam lo tan chuan tuemaw kan thianpa tawngkam takin Engpawh beih hram hram ngai chi hi chuan min hn vek tawh e tih mai awl tak a ni. Chuvang chuan Zing ni chhuak leh tlai lam ni tla leh ta kan hman liam dan hi a inang lo fur thei dawn ta mai a lo ni. Chutih lai erawh chuan khawvel awm chhung leh dam chhung zawng hi chuan a chhia leh a tha hi mihring nunah hian ain sual reng dawn a, insum peih deuh te nun ngaihtuah chuan keini ang insumna tlachham tan hi chuan an bula awm kan peih loh chu sawi loh, an nun thawpik turzia leh hahthlak tur zia kan ngaihtuahpuia, kan chauhpui lek lek mai zawng anih hi! Amaherawh chu kan hriat chian loh vang lek a lo ni, zing thawh atanga midangin an thunun ngai lova mahni inthunun thei te nun hi a zalen a, insum leh tanlak vak ngai lova mihring awm dan tur phung pangngaia an lo awm mai hi an awhawm a, khawvel hi zalen leh nuam takin an lo hmangzawk a lo ni. Chu nun erawh tunlai Dictionary atang chuan Mi chut, Kal khat tih erawh an hlawh fo mai. Zalenna man to zia hi kan ngaihtuah ngai em? India ramin zalenna nei turin nunna engzat nge a senral a, mi engzatin nge tuar phah? Mizoramin Zalenna a sual avang khan mi pawisawi lo nunna engzat nge luangral a? Fahrah engzat nge awm phah? He zalenna hi kan thlakhlelh leh kan duh vang a ni lawm ni Mizoram zimte hi khawvela Camping leh Crusade nei tam ber ram kan nih. Kristian tena Vanram kan ngaihna chhan ber pawh Zalenna Ram a nih vang mai ni. Chuvang chuan mahni inthunun thei leh insum thei te nun hi a thaw-ipikin a hahthlak lova, , ngaiah(Habit)-an neih tawh avangin chu nunah chuan an hahchawlin, khawvel mihring zawng zawngin kan zawn lawmna leh thlamuanna hi anmahni nunah an hmu a, keini insumna tla chham deuh ten mi chut leh Kal khat deuhva kan hriatlai hian, mahni inring tawk tak chungin khawvel hi an hmachhawn a, an damlai ngeiin tam takin hla leh suangtuahna rama kan fan thin Vanram hi an lo chen zawk a lo ni.

Karl Marx-a ziah Communist Thurin phek 97 chauhva chhah chuan, he khawvelah hian ngaihdan hlawm lian pahnih siamin, ralthuam chelek si lova ram lian leh ram lian inbeihna hautak ber mai, Cold war a chawk chhuak a, Soviet ram ropui pawhin a dawl zo ta lova, a kehdarh phah ta a ni. Hetihlai hian, America ramah Mihang Sal an tih retheihzia tarlanna lehkhabu tereuh-te, Pu Tom-a In (Uncle Toms Cabin) chuan, America-a Mihang salte tan zalenna dar a vua a ni. Chanchin thehdarhna hmanrua hmang tangkaitu-te sulhnu chuan, vawiin hun an her danglam a, nimin min hriatreng tir a, naktuk min lungkham tir thin a ni. Electronic media leh Print Media hi mize hran nei, mahse inkawp lo theilo an ni a, a tehkhinna awlsam ber chu Nupa hi a ni, nihna inang lo, kalphung in persan anga lang, in mamawh tawn si, inthlim ngam lo ve ve an ni a, an pianphung a danglam a, an pianna leilung pawh a in ang hek lo, mahse Rome ho hmangaihna pathian Cupid thalfanga thilzawm tlat an ni thung. Print media kan tih, ziaka chanchin thehdarhna hi, chanchinbu phek hlai ber atanga a te ber te, lehkhabu chhete atanga tha elkhen-ah te kan hmu a, Arhmul Kawlawm atanga Kawlawm changkangber hmanga ziak pawh nise, chanchin an thehdarhna kawngah an in len hleih chuang lo, mipui chhawr tlak, rintlak leh innghah ngamna thu an sawi phawt chuan, hringnunah hian awmzia an nei a, thu an nei a, an kaihruai a, an zirtir thin a ni. Electronic media pawh chuti tho, boruaka thawnchhuah Thlalak leh tawngkam hmanga mipui hnena chanchin thehdarhna hmanraw tunlai ber a ni a. Mihring-in hriatna kan neih chi nga, mita hmuh theihna, benga hriat theihna, rim hriatna, thil tui leh tui lo hriatna, lum leh vawt, mam leh thap te hriatna zinga, Mita hmuh theihna leh Benga hriat theihna chawk phur thei ber chu he hmanrua hi a ni a, Akbar-Ropuia Upa fing Birbal-a sawi dan takin, thudik leh dawt inkar chu zungza beng tak tak hi a lo ni reng mai, benga hriat chu a dik ngei a ni tih nemnghet thei tur, TV leh Internet a han awm te hi malsawmna a ni. Chanchin thehdarhna hmanraw pahnih, Print leh Electronic media hi, Pathianin Mosia hnena Thusawmpek a pek dawn khan inkuah rem takin a lo hmang tawh a. Pathian chuan, A aikal tirin Kawlphe ang maia de zawr zawr, electronic chakna hmangin, lungphekah thusawm pek chu fiah em emin a rawn ziak ta a ni. Kha thil kha mit ngeiin hmu ila chuan, Electronic Media leh Print Media inlaichinna leh an hnathawh theih bawnra zia chu kan hre fiah zual ang. Heng thil pahnih inkawp fuh lutuk avang hian, nimin emaw vawiin emaw a Pu Bush-a, Saddam-a leh Arafata thlalak te chu hmuh a awlsam lutuk tawh a, kum 10 kalta a ka Pa thlalak zawnchhuah aiin a samkhai fe tawh a ni. He malsawmna pahnih zinga pakhat zawk, Print Media hi chuan, Vailen hnu lawk atanga vawiin thlengin min chenchilh a, electronic media pawh mikhual taka lo lut ni mahse, kum reilote chhungin a lailum a luah leh hman der tawh bawk. Kum 1990 vel a, khawvel puma Media explosion an tih mai, Electronic media hmanga Chanchin thehdarhna a kal vung chhoh tak avang khan, electronic media leh print media malsawmna chu keini ang hmun kilkhawra chengte tan pawh ban phak a lo ni ta. Tichuan, Electronic Media leh Print Media avanga hmasawnna a thlawh duai duai lai hian, i han inbih chiang teh ang le, engkim a awlsam tawh a, khawvel letliama thil thleng te chu, vawiin ami vawiinah kan hmuh theih tak zel avangin, kan ngaihtuahna a lo zau ta a, he ngaihtuahna a zau nangching hian, kan mit a rawp a, mit rawpna chuan, hriatloh mual chanchin min ngaihtuah tir nasa a, chu chuan, enge min thlen tak tih erawh ngaihtuah kan tlem a ni. Kan media thil tihtheihna nasatak avangin, mahni in kalkhumin, Manchester United kan vei a, America ram ropuina zunah kan uai a, Paris khawpuia Fashion Show ropui kan hisap, Sap milar Celebrity te nungchang kan inhriat siak ta mek a ni. Hetihlai hian, kan Thlawhbawk a chengte retheihzia te, Thingtlang Loneimite harsatna te, kan rama Hmasawnna kawng hrang hrang kal bek bek te kan hmuh thelh a, neih nei silo khan, ram ropuite neih ang thikin, kan neih chhun leh kan puk belh hmangin tual kan len phah a ni. Hemi avang tak hian, Journalist chuan, mipui hnenah kan state dinhmun chiangkuang a puanchhuah hnem a, thudik hmanga ram siam hna huaisen taka a thawh a hun ta a ni.

Venglai Branch Y.M.A. Thuvawn - Thil tha tih tur hriaa ti silo chu a tan sual a ni

ENTU Venglai Br. YMA

Chanchinbu

Chawlhnitin

chhuak

lak

man

thlakhatah

Rs 20/-

P-3

KUM 2012CHHUNGA SECTION HRANG HRANG OFFICE BEARERS TE Chawngduma Section : Leader : F. Vanlaltluanga Asst. Leader : ST Ropianga Secretary : R. Lalhlunpuia Asst.Secy : Lalchhuanliana Treasurer : C. Lalhmangaiha Fin.Secy : C. Biakchungnunga Zampuimanga Section : Leader : J. Lalchhanhima Asst. Leader : K. Lalmuankima Secretary : K. Zomuansanga Asst.Secy : Albert VL Hruaia Treasurer : H. Lawmsangpuii Fin.Secy : Rohlupuia Keikawla Section : Leader : R. Roluahpuia Asst. Leader : K.T Lalnunzira Secretary : Lalchhuanawma Asst.Secy : F.Lalchhandama Treasurer : K.Z Lalnunsanga Fin.Secy : Lalremruata Fanai Hranghleia Section : Leader : Malsawmtluanga Asst. Leader : J.H Laldinthara Secretary : K. Lalthangmawia Asst.Secy :C.Lallawmzama Treasurer : Lalhmangaihsanga Fin.Secy : Robert Lalliantluanga
A nihna takah chuan, Kan VC member te hming pawh hre kim lovin, Chelsea Player ho leh Arsenal Player ho hming kan lo hre bel ve em em te, Nicole Kidman leh Tom Cruise-a inthen vanga kan lo mutui lo ve ngawt te hi chu ngaihtuah chian a hun ta. Mahni thuthmun atanga penkhat pawh hmasawn zawnga pen chuang lova, Media malsawmna zar a letling zawnga zova, lo intih fin em em te hi thil hlauhawm a ni ta. Kan khawvel letliam a awm ten, khutianga nuam chena, nun changkang chitin reng ban phaa an awm chhan khu enge? Kum 100 tam chala thlanfim luanga an thawhrah a ni tih te hi kan hriathmaih ang tih a hlauhawm a ni. Hmingchhiatna te, hmingthatna te leh ropuina leh larna te hi neih har tak, neih tawh veka reh leh mai mai theilo a nih vangin, media mite chuan, tu chanchin pawh an ziak thei, state chhung leh pawn thlenga an thuziak leh an thupuanin a fan thin avangin, misual ber chanchin pawh, a dinhmun sawifiahna tel lo chuan ziakin puang ngawt lo se a duhawm. Mizoramah Cable TV leh Chanchinbu ten, mahni hming sawilang kher lova, insawiselna/duhzawng sawina kawng an hawng mek a, hetah pawh hian, a editor te chu an fimkhur thiam viau loh chuan, buaina zakhua thlen thei chi thu leh hla dengkhawng ala chhuak lovang tih a sawi theih loh. Ram changkang zawka an tih thika he thil hi ti an ni ngei anga, mahse Mizoram bik tan a him em, mi tih thik nge tha, kan hnam tihphung nghet taka vawn nun tihte buk a hun a ni. Journalist diktak chuan, a hriat zawng zawng a ziak ngai lova, a ziah tlak loh te chu Hnam tan leh mimal tana pawi thei te a nih avangin, a thup bova, hre tlem anga lan chu Journalist huaisen a nih hun a hre thin. Chuv ang chuan Pawngsual tawk hmeichhia chu, a hming, Veng leh a Nu leh Pa te hre khiau mahse, chu hmeichhe hmalam hun chu thlirpuiin, a hming leh veng te chu a thup a, thil hrelo nih pawh hlawh dawn mahse Journalisma chian na avangin pawi a tilo, ram leh mipui tan rawng a bawl tih a hriat tlat a ni. Kristian tamna ram, mizoram ni bawka zantin leh nitin mai mimal hminghmerh meuhv a i n sawtna thu khawchang hmanga chawm len tur, kan thalaite hmakhua hi thlir a va tul ta em. Electronic Media leh Print Media malsawmna hi kan hman thiamloh vaih chuan, kan hnam nunah thui tak, adazat nihna min tuh dawn chiang a, Krismas leh Good Friday vela Pathian faka lenkhawm peih tawhlo ten, Praise and Worship an uar leh zek si te hi, enge a chhan? Sap hlim dan kan it a, Mizo hlimna tura Pathian min pek kan iai a, Pathian Thlarau aiin mi tihdan thlarau kan chang chhah ta zawk a ni em? Chanchin thehdarhna kawng hrang hrangte hian, kan Hnam hmalam hun chu a chher mek a, hetah hian kan tihfuh loh chuan, nakinah tihfuh leh hun a vang tawh hle ang. Hnam thang mek, hmasawnna rawp tak kan ni a, kan chanchinbu leh kan chanchin thehdarhna atana, a tawktarh te hi han bih chiang thin ta ila, kan ram dinhmun nena inhmeh ai chuan, Holywood leh Bollywood lam rawng a kai a, Zopa hnathawh kawr leh a hmanrua ten hmun a chang phak lo. Lemchanna dawhsanah Media hmangin kan chuang chhuak a, lemchangin nitin hun kan hmang ta em ni? Sawhthing hralhna tur a van em em kum pawhin, kan chanchinbu kawmah te chuan, Jennifer Lopez-i mawngtam in hmun a chang a, kan chanchinbu leh kan Chanchin thehdarhna hmanraw dangah chuan, Iskut hralhtute aiin, Holywood lam Hnute bawr a lang lian zawk thin. Media hmasawnna in min tuam dan hi, a letling zawnga vuttuithlawrbel a ni thei em? Kan state mamawh diktak tarlang a, mipui hnena zirtirna leh kaihhruaina dik pek nan he hmasawnna hi kan hmang lo a nih chuan, chemte hriam tawn, pawhzut ang a ni ang, a him lam zawk awm lovin, kan khawvel nun leh kan thlarau nun a chhiat tawn phah ang tih a hlauhawm a ni. Electronic leh Pri nt Media Hmasawnna khawvela kan chen mek lai hian, naupang tuicheng hlima hlim mai mai lovin, kan chanchinbumite, TV leh Radio a thawktute, Lehkhabu ziaktute leh chanchin thehdarhna hmanraw kawng dang danga thawkte hian, enge hralh nuam ang, enge miin an chhiar chak ang tih zawt lovin Mizo hnam in enge a mamawh tih inzawt chunga, hnam tan a thudik, rintlak, chhuan lo la kal turte tana chi tha an tuh theihna tur, thu rotling kan ngaihtuah a va duhawm em !

India ram venhimna lam thawk tute

India ram hi khawvel ram ropui te zinga mi a ni a, mihring pawh khawvela a tam ber dawttu kan nih avangin venhimna lamah pawh khawvela Sipai ngah ber dawttu kan ni. Ram venhimna kawngah pawh sawrkar laipui chuan theihtawp chhuahin sipai leh ralthuam pawh tha tak tak a nei a ni.Tunah chuan khawvelah ram venhimna kawnga tha ber pawl a tling tawh a ni.Tun tumah chuan India Army lei lam sipai chanchin kan ziak dawn a ni Indian Army India ram Sipai te hi command paruk hmanga enkawl mek an ni a; Southern,Nothern, Eastern, Central, Western, South Western leh Army Trainning Command te an ni a , heng Command tinte hi General Officer Commanding in Chief, Lieutenent General rank in an awp a ni.Heng command tin te hi Areas leh Sub-areas ah te then sawm leh an ni a, Area tinte hi Major General, General Officer commanding in ho lehin Sub areas te hi Brigadier in a ho a ni. India ram Sipai hotu lu ber chu President a ni a, Supreme Command of India,s Armed forces a ni. Indias Nuke Command (India Nuclear ralthuam enkawltute) India sawrkar chuan Nuclear ralthuam lam enkawl turin Nuclear Command Authority (NCA) leh Strategic Forces Command (SFC) chu January Ni 4,2003 khan a din a.NCA hi bung hnih lian takah then a ni a, pakhat cvhu Political Council a ni a, hei hi Prime Ministerin a ho a, pakhat zawk chu Executive Council a ni a, hei hi National Security Advisor in a ho ve thung a ni.Political council chauh hi Nuclear ralthuam hman phalna signal Executive council thurawn anga pe chhuak thei tu a ni a, Thuthlukna tawp chu Prime Minister hian ama theihnain Sipai lam thurawn angin a siam thei a ni.

Tanpui ngaite tanpuitu Y.M.A