Ang librong ito ay naglalaman ng impormasyon tungkol sa mga
sinaunang kabihasnan. Isa na sa mga kabihasnang ito ang
Sumer, na umusbong sa Mesopotamia kung saan nagtagpo ng ibat ibang grupo ng tao ngunit di naglaon ay nangibabaw ang Sumer at kinilala bilang unang sibilisadong lipunan ng tao. Ipinakilala nila ang cuneiform na kinikilala ngayon bilang unang sistema ng pagsulat. Isa pa sa mga sinaunang kabihasnan ay ang Shang. Naging tagpuan ng kabihasnang Shang ang ilog Huang Ho. Ang taunang pagbaha sa ilog na ito ay naging hudyat upang magtulong-tulong ang tao sa paghahanda para rito. Ang pagsusulat ang naging importanteng bahagi ng kulturang Tsino. Calligraphy ang sistema ng kanilang pagsulat na nagsilbing tagapag-isa ng mga Tsino.Ang isa pang sinaunang kabihasnan ay ang Indus. Bago pa man umunlad ang kabihasnang ito ay may mga pamayanan nang natatag noong panahon ng Neolitiko. Pinalagay na ang mga Dravidian ang bumuo ng kabihasnang Indus. Salat sa likas na yaman ang Indus tulad ng metal at kahoy kayat pagsasaka ang naging pangunahing gawain dito. Mahiwaga ang kabihasnang Indus dahil maraming katanungan ang hindi masagot ng mga arkeologo. Hindi naging malinaw ang paglaho ng kabihasnang Indus dahil walang bakas ng digmaan. Hindi rin malinaw kung may kinalaman ang Aryan sa paglaho nito.