LATN. SEGUNDO. 05.

Consecutivas. CUM histrico

Consecutivas

Oraciones de CUM histrico

ex urbe
Manius Acilius Glabrio salutem dicit Lupo amico
quid agis, mi Lupe, in villa tua rustica? iamne ex isto
morbo convaluisti? quid agit Helvidius, filius tuus?
cum de te tuaque villa cogitarem, tibi valde invidebam;
nam tantis negotiis cotidie occupatus sum ut mihi nullum
otium, nulla quies sit. prima hora a clientibus meis salutor;
inde ad basiliam contendo; aliquando amicos visito, vel ab
eis visitor; per totum diem officia privata vel publica ago. at tu interea in ripa fluminis vel in umbra
arboris otiosus fortasse iaces.
Romae litterae cotidie a Britannia exspectantur, ubi Agricola bellum contra Caledonios adeo ferociter
gerit ut nonnullae legiones in maximo periculo sint.
Imperator ad consilium suum totiens me adesse iubet, ut invitus paream. Cum Domitianus heri
sententiam meam (de poena illarum Virginum Vestalium quae incesti damnatae erant) rogavisset,
difficile fuit mihi respondere: turpe videtur mentiri, periculosum vera loqui.
quando rure discedes, mi Lupe? quando iterum te in urbe videbimus. si te mox videro, valde
delectabor. vale.