English 9 mwf 3:00-4:00

English Project
Philippine Literature

Submitted To: Mr. Al Bambino Submitted By: Ma. Excelsis S. Quindara BSA III

Patak ki Uran
By Jomark M. Baynado

Magayunon na paghilingon An patak ki uran. Nag-uurunaan sa balisbisan Garu kristal sa sampayan. Magayunon na pagdangugon An patak ki uran Himno nin langit duman sa bubungan Ini an mga awit nin sakong kaogmahan. Narurumduman ko pa Kan panahon na ako sadit pa Hubang minatapsak sa laboy nin pagkamoot, Sinasalud, ninanamitan an luha nin kamuyahan hale sa langit. Narurumduman ko pa Kan panahon na ako maringgaw pa. An pagrigos sa turo ki uran Sa sakuyang puso dakulang kaogmahan. Ngunian ta minauran... Gusto ming balikan An panahon na uminagi Tanganing marigos utro na nakahuba sa uran.

Ngirit
By Jomark M. Baynado

Ngirit mo sana A buhay ko kumpleto na... Sa labsok na mangitngit Ika a mga bituon sa kalangitan Na nagtataong liwanag sa buhay ko... Sa mudtong uminanglas sa problema Ika a patak ka preskong tubig nin solusyon Tanganing kumalma ako. Ngirit mo sana A buhay ko kumpleto na... Sa oras o sa minutong malang mundo' Ika a kanta ka bayong na costa sa sanga ka mangga Na nagpapamuya a puso ko. Sa pagturog ko Ika a panginip na abu kong lingawan ta ika Nagtataong kapaingaluan sa pagal na awak ag kalag. jomark m. baynado