Dakami ay ongong-a

Kadwayo ay mankiwi isnan batawa

Kasapulan miy badang yo
Tapno maprotektaran
Biagmi ay indawat Dios Ama

Layad ay malpo ken dakayo

Layad ay mangbukel
Si amin ay kinagawis
Mangted si talna
Panagbiagmi isnan batawa

Naurnos ay pamilya
Para ken dakami
Ilugin da ama yas ina
Tapno masiken kami
Nadiciplina ya managlayad

Nasustansya ay makan
Maited ken dakami
Tapno maprotektaran
Salun-at mis eng-enggana

Ili ay naurnos
Di enmi tawiden
Tapno kanayon kamiy mailisi
Si am-in ay ngawi
Tay dakami ay ongong-a
Importante isnan batawa
No enyo aywanan
Dan yo pay protektaran
Et ado san enmi ibadang
Pagsayaatan di sangalubongan

Dakkel ay iyaman
Panangprotektar yo ken dakami
Mayat abes enmi ikkan
Ipatawid isnan sumaruno ay kaputotan.
Dakami ay ongong-a
Napateg ay kananda
Ay! Ay! Alilay Alilay
Layad yoy maid pap-engna
Paras ken dakami
Ay. Ay.

Kasapulan ay masalakniban
Sin am-in sin am-in ay nainlubongan
Ay.. Ay Alilay Alilay
Ta adi kami maamas
Sin usto ay daanan
Ay. Ay.

Dakayoy maseknan mi
Et enyo pay ipapati
Ay. Ay.. Alilay Alilay
Mangsalaknib ken dakami
Sin am-in ay maiskbuwan mi
Ay Ay

Adoy amag ay ngawi

Et enyo pay iadi
Ay. Ay. Alilay Alilay
Nan gawis san enyo itdo
Maimolas nan nemnem mi
Ay. Ay..
Ili ay natalna
Tumulong ay mangilisi
Ay Ay.. Alilay Alilay
Si am-in ay disgrasya
Isnan am-in ay ongong-a
Ay.. Ay..

Nan batawa aywanan

Dantako salakniban
Ay Ay. Alilay Alilay
Ta waday tawiden
Usaren di sumsumbo
Ay.. Ay..