Ruby Rose1 Ika-20 ng Enero 2007, kasal ng kapatid ni Third sa Tagaytay bandang 12:00 ng
tanghali, tumawag na lang bigla si Ruby kay Rochelle. Umiiyak ito at nagpapasundo dahil
Bunso sa apat na magkakapatid si Ruby. Retirado sa Air Forces of the Philippines ang
kanilang amang si Robert Barrameda, 67 anyos habang retired teacher naman ang
kanilang inang si Asuncion, 67 taong gulang din.
Labing pitong taong gulang si Ruby ng ligawan siya ni Third. Pareho silang estudyante
nun sa University of Perpetual Help, Las Pinas. Mass Communication Student si Ruby,
Management naman ang kinukuha ni Third.
Magalang naman si Third nun pumupunta siya sa bahay dun siya nanliligaw, ani
Rochelle.
Nag-debut si Ruby na si Third na ang escort niya. Isang taon lang ang lumipas, 19
anyos si Ruby ng mabuntis ito. Nagdesisyon ang dalawa na magpakasal sa San
Augustine Church nung ika-1 Agosto 2000.
Sa bahay ng pamilya Jimenez sa BF Homes, Las Pinas tumuloy sina Ruby.
Tumigil sa pag-aaral si Ruby hanggang sa siyay manganak at bumalik sa eskwela.
Maayos naman nung una ang pagsasama nila ni Third subalit makalipas ang tatlong taon
nagsimula na umanong mambabae si Third, ayon kay Rochelle.
May mga sulat siya kay Third na hindi naman niya naibigay. Nito na lang din namin yun
nakita wika ni Rochelle.
Desyembre 2006, umalis na ng bahay si Third at nag-iwan ng sulat kay Ruby. Tatlong
buwan pa lang nakakapangak nun si Ruby sa kanilang bunso.
Sinubukan naman daw niya pero hindi na talaga, ayun yung sabi niya sa sulat, ani
Rochelle
Sa farm ng mga Jimenez sa Tanza, Cavite tumuloy si Third. Sa bahay ng mga Barrameda
sa Las Pinas na nagpasko si Rochelle at kanyang mga anak.
Tatlong linggo makalipas umuwi si Third sa BF Homes. Nagdesisyon daw ang ama ni
Third na si Atty. Jimenez na manatali sa kanila ang anak.
Ang alam ko sa magkaibang kwarto na sila natutulog, ani Rochelle.
1
http://www.philstar.com/psn-opinyon/2014/09/08/1366561/ang-babaeng-sinilid-sa-drum
http://www.philstar.com/psn-opinyon/2014/09/10/1367319/ang-babaeng-sinilid-sa-drum-ruby-rose-barrameda-murder-ikalawang
http://www.philstar.com/psn-opinyon/2014/09/12/1368025/ang-babaeng-sinilid-sa-drum-ruby-rose-barrameda-murder-ikatlong
http://www.philstar.com/psn-opinyon/2014/09/15/1369128/ang-babaeng-sinilid-sa-drum-ruby-rose-barrameda-murder-ika-apat-na
http://www.philstar.com/psn-opinyon/2014/09/19/1370600/ang-babaeng-sinilid-sa-drum-ruby-rose-barrameda-murder-huling-bahagi
sinaktan daw siya ni Third.
Pumunta sila Rochelle sa bahay ng mga Jimenez kasama ang amang si Robert.
Nagsumbong si Ruby sa pambubog na ginawa ni Third. Ayon kay Rochelle, hinanap ni
Third ang hikaw na gagamitin niya sana sa kasalan.
Nakipagpalit sa akin si Rochelle ng hikaw nung magkita kami nung anniversary ng bar.
Yun pala yung hikaw ni Third, ayon kay Rochelle.
Nang di maibigay ni Ruby ang hikaw bigla na lang daw itong nagalit at agad siyang
sinaktan. Inuntog-untog nito ang ulo ni Ruby sa kanilang kabinet. Kinuha pa raw nito ang
cord ng telepono at isasakal dapat kay Ruby subalit nasipa siya ni Ruby at nakawala ito
kay Third. Sa harap pa umano mismo ng anak nilang nooy pitong taong gulang ginawa
ni Third ang pananakit.
Sinabi ko kung hikaw lang hanap niya bat di na lang niya pinakuha sa drayber niya sa
bahay hindi yung sinaktan niya si Ruby, wika ni Rochelle.
Unang beses daw pagbuhatan ng kamay ni Third si Ruby kayat nagdesisyon itong
bumalik sa bahay ng mga Barrameda.
Ate, mukha na siyang demonyo sumbong daw ni Ruby sa kapatid.
Isasama na dapat nila Rochelle ang mga anak ni Ruby sa kanilang bahay subalit dahil
flower girl nun ang kanilang anak nakiusap si Atty. Jimenez na hayaan munang dumalo
sa kasalan ang mga bata. Ang usapan ibabalik nila ang mga bata 9:00PM at ihahatid
mismo sa bahay ng mga Barrameda.
Dumiretso sa ospital sina Ruby para mag-medical examination.
Bandang 6:00PM, tinawagan na ni Ruby ang yaya ng kanyang anak subalit di nito
sinasagot ang kanyang mga tawag.Alas otso ng gabi sinubukan na man niyang tawagan
ang tiyahin ni Third at biyenan subalit hindi rin ito sumasagot.
Eksakto 9:00PM, nakausap niya mismo ang anak at sinabi nitong di siya uuwi dahil sa
Cavite sila didiretso pagkatapos ng kasal. Ang ginawa nila Ruby pumunta sila sa Las
Pias, sa mga Jimenez at hinintay dun ang mga bata.
Bunsong kapatid lang ni Third na nooy nasa edad 17 anyos pa lang ang dumating at
kumausap sa kanya, Pasensya na kayosa gulo ng pamilya namin, sabi umano nito.
Umabot na 3;00AM ang kanilang paghihintay hindi pa rin sila umuuwi kayat umalis na
lang sila.
Alas 10:30 ng umaga, tumawag ulit si Ruby sa bahay ng Jimenez at dun nakausap na
niya ang kanyang biyenan. Bakit ganun sabi niyo dadalhin niya ang mga bata kagabi?
tanong ni Ruby.
Pagod na pagod na ako sa inyo. Bahala ka na kung anong gusto mong gawin! galit na
sabi raw ni Atty. Jimenez.
Tatlong araw tinago kay Ruby ang dalawang anak. Pumunta siya sa school ng panganay
subalit wala ito dun. May nakapagtimbre sa kanyang pumasok na ang anak. Agad silang
pumunta sa eskwelahan at pinakiusap sa kanya ang anak.
Sabi ng pamangkin ko, Just stay to tita ganda mommy baka daw saktan siya ulit ng
Daddy niya. Sabi niya Youll get me mommy ah, youll get me? wika ni Rochelle.
Sinubukan niyang dalawin ang mga anak sa bahay ng mga Jimenez subalit ban na siya
subdivision.
Akala namin si Lope Jimenez ang nag-utos sa mga gwardiyang wag kaming
papasukin pero nalaman namin si Mrs. Aguinaldo pala asawa ng mga abogado ng
Atty. Manuel Jimenez Jr, ayon kay Rochelle.
Si Lope Jimenez ay kapatid ni Atty. Manuel Jimenez Jr. ang ama ng asawa ni Ruby na si
Manuel Jimenez III o Third. Siya ang namamahala sa negosyo ng pamilya Jimenez ang
BSJ Company.
Tinanong namin kung bakit banned ang kapatid ko? Wala namang order? Kaya
nabaliwala ito at nakapasok na kaming muli, sabi ni Rochelle.
Nagsampa ng Petition for Habeas Corpus sa Las Pias Court si Ruby sa tulong ng dati
nilang abogado na si Atty. Salvador Pea. Nagkaroon ng pagdinig ng kaso sa sala ni
Judge Gloria Aglugub.
Enero 30, 2007, pinakita ni Third ang dalawang bata. Kasama raw niya nun ang body
guard na si Spyke Descalzo at mga tiyahin.
Tinanong ang kanilang panganay kung kanino niya gustong sumama. Sagot nito, Kay
Daddy kasi malapit sa school
Dahil Pitong taong gulang mahigit na ang kanyang anak at pinili nitong tumira sa mga
Jimenez hinayaan ito ni Ruby at sinabi kay Judge Aglugub na kahit ang bagong panganak
niyang sanggol muna ang mapunta sa kanyang pangangalaga lalo nat nagpapa-
breastfeed siya.
Kawawa naman kung paghihiwalayin ang bata sabi ni Judge Aglugub. Si Ruby na lang
daw ang pumunta, ani Rochelle.
Mabilis na sagot ni Ruby, Bakit po ako pupunta dun e sinaktan niya ako?
Tinanong ng babaeng hukom si Third,Sasaktan mo ba siya Third?
Mabilis daw na sagot ni Third, Hindi po!,
Inutos ni Judge Aglugub na magpasa na lang ng Motion for Custody sina Ruby para sa
kanila mapunta ang kustodiya ng mga anak.
Marso 14, 2007, naglabas ng desisyon sa Temporary Protection Order (TPO) na una ng
sinampa ni Ruby. Bandang 12:00 ng tanghali, nagpunta si Ruby sa IBank para
magdeposito ng pera sa banko. Gamit ni Ruby ang Mitsubishi Galant, may plakang TNS-
715 na pagmamay-ari ng ama niyang si Robert.
Araw-araw pumupunta si Ruby kina Third para bisitahin yung mga anak niya at para
magpa-breastfeed. Nung araw na yun dumaan muna siya sa banko, kwento ni Rochelle.
Alas kwatro ng hapon ng tumawag ang isang kaibigan ni Ruby at sinabi kay Rochelle na
nakapatay ang tatlong cellphones nito. Tinawagan agad ni Rochelle ang mga numero ng
kapatid subalit hindi nga ito makontak.
Pinatawag ko ang kasambahay namin sa mga Jimenez at pinahanap si Ruby subalit
wala raw Ruby Rose na nagpunta dun pahayag ni Rochelle.
Pinuntahan naman ng asawa ni Rochelle ang gwardiya ng BF Homes at nagtanong kung
may nagdaang Galant na kotse subalit wala rin umano.
Alas 8:00 na ng gabi wala pa rin si Ruby kayat nagdesisyon silang mag-blotter na sa
Barangay Talon 5. Naghanap sila mula 8:00PM-4:00AM subalit hindi pa rin nila
natagpuan si Ruby.
Nagdesisyon na silang pumunta sa Police Anti-Crime Emergency Response (PACER) sa
Camp Crame at nag-report. Wala pang isang araw mula ng mawala ang kapatid niya
kayat naghintay pa sila ng ilang oras para madeklara itong Missing Person.
Pumunta sila sa IBank para kumpirmahin kung nagpunta nga dun ang kapatid at para
makakuha ng kopya ng CCTV. Binirepika nilang galing nga dun si Ruby bandang 1:59 ng
hapon.
Kukuha na sana kami ng kopya kaso 3:00 ng hapon tumawag sa amin ang taga IBank
at sinabing nabura ang kopya ng CCTV nung oras na pumunta dun si Ruby, kwento ni
Rochelle.
Biyernes nagsanib pwersa na ang Criminal Investigation and Detection Group (CIDG) at
National Bureau of Investigation (NBI) at nagbuo ng Task Force. Sinubukan din ng mga
Barrameda na humingi ng tulong kay Third subalit ayaw umano itong makialam sa
paghahanap.
Mahigit dalawang taong walang tigil sila Rochelle sa paghahanap kay Ruby. Hanggang
nagkaroon ng break through sa kaso ni Ruby.
Buwan ng Mayo 2009, may isang nagpakilalang Sally, balae ng isang nagngangalang
Irene Montero, ang nagpunta sa Paraaque City Hall at nagtatanong kung paano
makakausap ang pamilya Barrameda.
Lumapit si Sally kay Val Sotto at ipinarating naman ito ni Val kay Rochelle sa opisina ni
Val sila unang nagharap.
Ayon kay Sally, si Irene ang asawa ni Manuel Montero. Siya raw ang may alam sa tunay
na nangyari kay Ruby.
Sinabi kong magpunta kami sa NCRPO kay Gen. Roberto Boysie Rosales ani
Rochelle.
Parehong araw nagkita sina Rochelle sa Pizza Hut, BF Homes. Nagkaharap sila dun nila
Sally, Major Rodriguez, Irene, ayon kay Rochelle.
Nagsimulang isalarawan ni Irene ang huling suot ng kanyang kapatid. Maging ang dalang
bag at wallet nito.
Sinabi pa niya laman ng wallet ni Ruby pati yung picture naming dalawang magkapatid
na nandun alam niya pahayag ni Rochelle.
Hiniling ni Rochelle na ipakita sa kanya ang asawa nitong si Manuel na siyang umanoy
susi sa pagkawala ni Ruby Rose.
Ika-18 ng Mayo 2009 ang itinakdang araw ng paghaharap nila Manuel at pamilya ni
Ruby sa National Capital Region Police Office (NCRPO).
Si Manuel Montero ay dating empleyado sa BSJ Company mula taong 1994 hanggang
2007 bilang Chief Operation.
Ika-18 ng Mayo 2009 nagkikita-kita sina Manuel at pamilya ni Ruby sa National Capital
Region Police Office (NCRPO). Idinitalye ni Montero kung ano ang mga impormasyon na
alam niya tungkol kay Ruby
Ayon kay Montero, utos umano ni Atty. Jimenez II subalit si Lope ang namahala ng
maselang detalye ng plano sabi ni Rochelle.
Tumibay ang kanyang hinala na may kamay ng mga Jimenez na nasa likuran ng
pagkawala ng nakababatang kapatid. Bagamat kumpleto ang impormasyon ni Montero
inabot pa ng isang buwan bago matunton kung saan matatagpuan si Ruby.
Boya ang palatandaan niya dun daw tinapon ang steel case kung nasaan ang drum na
pinaglagyan kay Ruby may bagyo nun kaya tumigil pa sila sa paghahanap, kwento ni
Rochelle.
Mga magtatahong sa Cavite pa ang kinuha nilang taga sisid dahil ayaw ni Montero na
may makaalam sa tinatrabaho nila.
Si Montero pa raw mismo ang nagturo kung saan banda sisisid ang mga magtatahong.
Kasama rin siya sa pagsisid. Nang makapa ito ni Montero nilagyan niya ito ng tanda.
Tinalian niya ang steel case at binuhol sa dulo ang isang boteng walang laman para
lumutang.
Kinabukasan ika-10 ng Hunyo 2009, 8:00 AM kumilos na ang mga pulis at gumawa ng
paraan para palutangin ang steel case. Nilubog ang anim na malalaking drum na walang
laman. Itinali ito sa steel case dahil sa prinsipyo ng buoyancy o lulutang ang anumang
bagay na hangin ang laman nahila nito pataas ang steel case kaya nakuha ito. Binuksan
ang steel case gamit ang electric cutter.
Dumistansya si Montero kasama ng pulis subalit tanaw pa rin niya ang mga nangyayari.
Nakatanggap ng mga text messages si Rochelle mula kay Montero.
Sabi niya wag po dyan tungkabin dahil baka tamaan ang ulo ni Ruby kaya dinahandahan
namin ang pagbukas, kwento ni Rochelle.
Nakahinang ang steel case at nakasimento sa drum. Sa loob ng drum nandun si Ruby,
nakasimento rin. Inilagay siya sa dalawang lalagyan at pinuno ng simento.
Matapos mabuksan ang mga sisidlan, hindi pa rin makapaniwala si Rochelle na kapatid
niya ang nasa loob ng drum. Naka-tape ang buong mukha ng bangkay. May busal sa
bibig at nakaposas ang mga kamay sa likod.
Sabi ko paanong magkakasya ang kapatid ko dun. Malaking babae si Ruby tapos
kapapanganak pa lang niya medyo malaki pa tiyan, ani Rochelle.
Habang sinusuri ang bangkay napansin ng kanyang pinsan na may kumislap sa ulunan
nito. Nakita nila ang hikaw na suot ni Ruby bago siya mawala. Yun pa rin ang suot na
damit ni Ruby nung pumunta siya sa bangko, ayon kay Rochelle.
Kinuhaan ng dugo ang mag-asawang Barrameda para sa DNA Testing subalit dahil sa
tagal ng pagkababad sa tubig, simento at silyado nawasak na ang mga tissues ni Ruby.
Ang sumunod na hakbang ay inihambing ang dental records ni Ruby at ito ay lumabas
Odontological Report na parehas.
Kinabukasan agad nagbigay ng salaysay si Montero tungkol sa pagpatay kay Ruby.
Pitong tao ang nginuso niya na sangkot sa krimen. Sila sina Manuel Jimenez Jr., Lope
Jimenez--nakababatang kapatid ni Manuel, Eric Fernandez, Spyke Descalzo, Roberto
Ponce o Boyet, Rudy De La Cruz at asawa ni Ruby na si Manuel Jimenez III o Third.
Base sa unang salaysay na ibinigay ni Manuel Aya Montero nung ika- 18 ng Mayo 2009
sa loob ng CIDMB, RPIOU, NCRPO, Camp Bagong Diwa, Bicutan, Taguig City sa harap
ni SPO1 Bonifacio Lapuz at ng kanyang abogado na si Atty. Jay Francis Baltazar: Ayon
kay Montero, nangyari ang krimen sa pagitan ng alas 10:00 at 11:00 ng gabi ng March
14, 2007 sa loob ng BSJ Compound, Lot 3, Gozon Commercial Complex, Letre Road,
Malabon City.
Ang nag-utos ng papatay kay RUBY ROSE JIMENEZ ay sina MANUEL JIMENEZ II at
ang kanyang nakababatang kapatid na si LOPE JIMENEZ. Ang mga nagsagawa naman
ng pagpatay ay sina Eric Fernandez, Spyke Descalzo na dating pulis sa Limay, Bataan,
Roberto Ponce alyas Obet at ako po na si Manuel Aya.---laman ng salaysay ni Montero.
Umaga ika-12 ng Marso 2007, habang silay nasa conference room ng BSJ Cmpd,
kinausap siya ng among si Lope Jimenez. Napagkasunduan nila na kukunin nina Obet,
Spyke at Eric si Ruby Rose sa BF Homes, Las Pias at dadalhin sa BSJ Compound.
Doon sa BSJ Compound gagawin daw ang pagpatay kay Ruby sa pamamagitan ng
pagsakal na gagamitan ng lubid. Kapag wala ng buhay ilalagay ang bangkay ni Ruby
Rose sa isang drum at isisemento po namin ito. Pagkatapos isemento ang nasabing drum
ay ilalagay namin ito sa ginawa kong steel box na kasyang-kasya lang ang nasabing
drum at isisemento rin muli at pagkatapos ay iwi-welding ko ang nasabing steel box kung
saan nakapaloob ang drum upang hindi kumatas ang bangkay.---salaysay pa ni
Montero.
Kahihiyan ng pamilya, ayon sa kanyang kapatid na si Atty. Jimenez na siyang
nabanggit sa kanya ng amo niyang si Lope ang dahilan ng pagpatay.
Agad ipinagawa ni Montero sa tauhang si Rudy Dela Cruz ang steel box na paglalagyan
ng drum kung saan ipapasok ang bangkay hanggang dumating na ang takdang araw na
napag-usapang papatayin si Ruby.
Nag-istambay lang ako sa BSJ Compound at naghintay ng tawag mula kay LOPE
JIMENEZ at sa pagdating ng mga kasamahan ko na kukuha at maghahatid kay RUBY
ROSE JIMENEZ sa compound. ---sabi sa salaysay.
Bandang hapon ng March 14, 2007 dumating na si Ruby sa kanilang compound
kasama sina Eric at Spyke na nooy nakasakay sa kulay puting Ford E-150 na may
commemorative plate na 111111. Ang Mitsubishi Galant na may plakang TNS-715
naman na pagmamay-ari ni Ruby ay minamaneho ni Obet.
Dahil pinaubaya na sa akin ng boss ko na si LOPE JIMENEZ ang lahat ukol sa pagpatay
kay RUBY ROSE, nilapitan ko ang nasabing sasakyan at akin itong binuksan ---
salaysay ni Montero.
tumambad kay Montero ang babae na nakapiring, naka-posas ang mga kamay, nakatali
ang mga paa at may busal sa bibig. Nakasuot ito ng stripe na t-shirt-- may kumbinasyon
ng kulay brown, beige at black.
Kinausap daw niya si Obet na luwagan ang nakataling tape sa bibig nito at tanggalin ang
busal. Saglit ko na nakausap ang nasabing babae na walang iba kundi si Ruby Rose
Jimenez, ---sabi ni Montero sa kanyang salaysay.
Tinanong niya si Ruby kung bakit kailangang humantong pa sa ganito? Hindi ko po alam
kuya, wala po akong alam na kasalanan, sagot daw nito.
Ipinabalik niya ang busal nito. Sigurado raw siyang si Ruby yun dahil matagal na niya
itong kilala bilang dating asawa ni Manuel Jimenez III o Third.
Inabot si Ruby hanggang gabi sa loob ng sasakyan na nakaparada lang. Nakita niyang
sinakal si Ruby ng lubid ni Spyke---dating pulis ng Limay, Bataan. Inilagay nila Eric, Obet
at Spyke ang bangkay sa loob ng drum at sinemento.
Pagkatapos ay nilagyan na namin ang drum ng semento na noon ay nakalagay na rin
sa pinagawa ko na steel box na kasyang-kasya lang ang nasabing drum. Pagkatapos ay
winelding ko ang nasabing steel box kung saan nakapaloob ang drum upang hindi
kumatas ang bangkay,---ayon kay Montero.
Bandang 12:00 PM parehong petsa, isinakay nila sa telescopic truck na may built-in na
crane ang steel box kung nasaan si Ruby. Dinala ito sa loob ng Navotas Fishport sa Pier
2. Isinakay sa isang tug boat at dinala sa laot.
Labing limang minuto rin ang itinakbo nila mula Pier 2 hanggang sa pinaghulugan na
nasasakupan pa rin ng Navotas. Pagkatapos nito bumalik sila sa BSJ Compound, 3:00
AM ng March 15, 2007. Tumawag sa kanya si Lope Jimenez at may tinanong kung
nagawa na ba niya? Sumagot naman siyang okay na at muli ay sumagot siya ng Sige,
bukas na uli.
Nagkita silang muli kinabukasan, sa conference room ng BSJ compound. Nandun sina
Lope Jimenez, Obet, Eric at Spyke. Kinausap umano siya sa cellphone ni Atty. Manuel
Jimenez II at pinasalamatan siya. Binigyan umano ni Lope Jimenez ng tig Php 50,000
sina Obet, Eric at Spyke na ayon umano kay LOPE ay galing sa kanyang kapatid na si
Manuel bilang kabayaran at umalis na sila. Samantalang naiwan siya sa opisina at
nagpatuloy sa trabaho.
Hindi raw siya tumanggap ng pera, sa kanya ako nagtatrabaho at hindi po ako
tumatanggap ng pabuya sa kanya,ayon pa kay Montero.
Sinunog daw nila sa loob ng BSJ Compound ang mga personal na gamit na nakita nila
bago patayin si Ruby. Kabilang ang bank book, plane ticket, passport, credit cards. Ang
kotseng gamit ni Ruby ng araw na yun pinagtulung-tulungan nila nina Obet, Eric, Spyke,
at Eddie Abiog na chop-chopin, sinunog at pagkatapos sinama ito sa mga scrap materials
na ibinenta tatlong araw makalipas.
Sobrang takot umano ang dahilan ni Montero kung bakit siya nag-resign sa kumpanya.
May nalaman pa umano siyang pinapatay ng magkapatid na Atty. Jimenez at Lope. Sina
Orsolino, Idic, Junior, Melvin at isa pa niyang kasama. Si Orsolino po ay pinatay noong
May 16, 2000, si Idio pinatay nung July 30, 2006, si Junior noong November 12, 2006 at
si Melvin at ang kanyang kasama ay pinatay noong July 31, 2006, mga salaysay ni
Montero.
Buwan ng Desyembre 2007 nung nagpaalam kay Lope na mag-resign. Sinabihan siya
ni Lope na pagbigyan siya ng tatlong araw para maiayos muna ang pagsasalin ng mga
dokumento at iba pang bagay at taong papalit sa kanya.
Sumagot po ako ng opo, sinabi ko rin na gagawin ko ang turn over sa iiwanan kong
trabaho sa pinakasimple at mabilis na paraan. Pero nang gabi rin pong iyon ay umalis
din kami ng aking pamilya dahil natatakot po ako na baka ipapatay na rin ako
kinabukasan sabi ni Montero.
Ika-11 ng Hunyo 2009, ng magbigay ng Karagdagang Salaysay si Montero kay SPO1
Romulo Endaya, sa loob ng RPIOU, NCRPO, Camp Bagong Diwa, Bicutan, Taguig City
sa harap ni SPO1 Bonifacio Capuz at ng kanyang abogado na si Atty. Jay Francis
Baltazar:
Pagkarating nina Eric, Spyke at Obet kasama si Ruby sa compound umakyat sila sa
conference room at doon ay pinagalitan sila ni Lope Jimenez at sinabi sa kanila na
Nagagalit si Koya dahil nagkaroon ng commotion dahil sa pagkakatakbo sa loob ng
bahay ni Ruby Rose. Sinabi raw ni Spyke na habang sila nina Obet at Eric ay nasa bahay
nina Atty. Manuel Jimenez II sa BF, Las Pias dumating si Ruby Rose doon at sinabi sa
kanila ni Atty. Manuel Jimenez II na Ayan na kaya niyapos si Ruby Rose ni Obet pero
nakawala ito at nagsisigaw. Nagkaroon ng commotion sa bahay kaya dinumog na si
Ruby Rose nina Eric at Obet, at Spyke at tinalian ng tape sa kanyang kamay at paa.
Ang tinutukoy umano na Koya ni Lope ay si Atty. Jimenez dahil dalawa lang naman daw
silang magkapatid na lalaki.
Sa karagdagang salaysay tinukoy ni Montero ang mga tao na kasama umano sa
pagpatay. Si Obet, ang namamahala sa pagdidiskarga ng krudo, siya ang nagbabantay
sa pagwi-withdraw ng krudo ng mga trak at byahe ng trak ng BSJ ng Pier 2. Si Eric naman
personal driver ni Lope at kapalitan niya si Cesar Licot.
Si Spyke raw ang dating security niya subalit kapag wala siyang lakad ay na kay Lope
raw siya nagbabantay. Tinalaga raw si Spyke sa pamangkin ni Lope na si Manuel
Jimenez III o Third bilang body guard simula nung Enero 2007 hanggang pagdinig nila
sa Custody Case.
Bihira na raw siya pumunta sa opisina at pumupunta na lang pagsweldo at pag galing
siya sa Bataan para muli siyang ihatid sa bahay ni Third sa Las Pias.
Matapos ang pagpatay at pagbigay ng pera kina Spyke nagpaalam siya na uuwi ng Limay
kinabukasan. Bago umalis may tinawagang sa cellphone si Spyke. Narinig daw niyang
sinabi, Sir, uuwi muna ko sa Bataan para maghatid ng pera. Nagawa na po namin
pinatrabaho ninyo, kagabi lang, ayos na po ang problema niyo, naitapon na rin po namin
Sir. Sir, salamat po. Pero saka na lang po pagbalik ko, uuwi po muna ako ng Bataan para
maghatid ng pera.
Nag-iwan din ng sulat si Montero sa safe house bago pa siya sumibat. Base sa sulat nung
Marso 2013:
Sa lahat ng kinaukulan,
Patawarin po ninyo ako sa ginawa kong pag-alis sa campo gusto ko rin pong ipaalam sa
inyo na ang pag-alis ko ay sarili kong desisyon at kagustuhan. Huwag naman po sana
idamay ang mga taong walang kinalaman sa ginawa kong ito. Nagpapasalamat din po
ako sa napakahusay at maayos na pangangalaga sa akin ng mga kapulisan ng RPIOU
sa pamumuno po ni Col. RONALD OLIVER LEE. Inuulit ko po, walang sinumang
kapulisan ang may kasalanan sa aking pag-alis, bagkus ito ay sarili kong kagustuhan at
personal po ang dahilan.
Muli po akong humihingi ng tawad at labis po akong nagpapasalamat sa inyong lahat na
tumulong at nangalaga sa amin habang kami ay nasa pangangalaga ng RPIOU.
Gumagalang,
Manuel Montero
Gustong malaman ng mag-amang Robert at Rochelle Barrameda ang mga ligal na
hakbang maari nilang gawin. Ika-7 ng Agosto 2014, nang magpunta sila sa aming
tanggapan.
Itinampok namin ang mag-amang Barrameda sa CALVENTO FILES sa radyo. Ang
HUSTISYA PARA SA LAHAT ng DWIZ882KHZ (Lunes-Biyernes mula 2:30-4:00PM at
Sabado 11:00-12:00NN).
SA AMIN DITO SA CALVENTO FILES, ang pagbawing ginawa ni Montero dahil ang kaso
ay nasa korte na dapat ay sinumpaan niya ito sa isang prosecutor at ang prosecutor na
ito naman ay isusumite ito sa hukuman para siya ay maiupo sa witness stand at dun
matanong ng prosecution kung bakit niya ginagawa ito?
Ipaliwanag din sa kanya na ang una niyang ginawang salaysay na sinumpaan din niya witness at maging ordinaryong miyembro ng mga akusado sa kaso ni Ruby Rose
ay maari siyang kasuhan ng Perjury o pagsisinungaling matapos manumpa. Barrameda. Kapag nangyari ito, sama-sama na silang maghahanap sayo.

Pati ang Judge ay pwede rin siyang kwestyunin dahil kadalasan ang mga Salaysay ng
Pag-ayaw (Affidavit of Desistance) o Salaysay ng Pagbawi ay hindi tinatangap o
sinisimangutan ang mga ganitong pangyayari dahil kadalasan pinaniniwalaan na itoy
napagplanuhan lamang at nangyari ito dahil nagkabigayan ng pera o napangakuan ng
malaking pabuya kapag ginawa ito ng isang partido o testigo. (The court frowns on
affidavit of desistance and recantation because it is believed that it is an afterthought and
money change hands between parties thats why it was initiated).

Ang salaysay ng pagbawi ay notaryado at binigay lang ng kanyang asawa sa RTC,

Malabon-Branch 170 at tinanggap daw ito ng In-Charge of the Criminal Case Zenaida
Salongga nung ika-12 ng Marso 2013. Hindi siya naiupo dahil bago magkaroon ng
pagdinig umalis na siya sa Camp Bagong Diwa. Magmula nun hindi na nagpakita pa si
Manuel Montero o nagparamdam man lang.

Sa kabilang banda, nakapagtataka kung bakit di nagtugma ang DNA testing na sinagawa
sa mag-asawang Barrameda at sa bangkay ni Ruby Rose? Ang sabi ni Rochelle dahil sa
itoy nasira na raw ang mga tissues subalit hindi naman pwedeng masira ang mga buto.
Kung saan maaring kumuha ng sample at ikumpara dun sa DNA ng magulang.

Karaniwang nakikita natin ito sa mga kaso kung saan nagkakaroon ng matinding delubyo
tulad ng bagyo sa Leyte (Yolanda) na hindi nakikilala ang katawan ng tao. Sa isang sunog
kung saan naabo na ang buong katawan at tanging buto na lamang ang natitira. Ang
DNA ay nagiging epektibo sa pagkakilanlan kung sino o kung kanino ang mga labing yun.
Sa kaso ni Ruby Rose, ang kanyang dental records ang ginamit at nagtugma naman.

Nasaan na si Montero ngayon? Maraming haka-haka na maaaring siyay nagtatago sa

probinsya sa Ilo-Ilo at meron ding mga kwento na ang kanyang pamilya ay
nakapagpatayo na ng isang malaking bahay sa Cavite subalit nasaan na si Montero?
Karamihan, may mga naniniwalang patay na rin daw ito. Pero ang aking personal na
pananaw sa galing ng mamang ito at ang kanyang kaalaman sa mundo ng krimen kaya
niyang magtago at mahihirapan siyang matagpuan.

Hindi naman siya tatanga-tanga at pabaya na lulutang ng ganun na lamang para mailigpit
ng panghabambuhay. Dead men tell no tales, ibig sabihin niyan kapag patay ka na,
tahimik ka na.

Pero gaano ka tatagal sa iyong pagtatago bago ka mahanap kung talagang ipatatrabaho
ka? Dalawang taon, tatlong taon, apat na taon? O baka naman sa isang linggo lamang
ay makita ka na at maaga mong makilala si kamatayan at tanggapin ang bukas ng pintuan
ng impyerno? Hindi pa huli ang lahat nasa witness protection order ka pa rin, maaari kang
bumalik para ituwid ang anumang baluktot na iyong nagawa. Kapag di nangyari ito dahil
sa paglabag mo sa kanilang alituntunin mapipilitan silang tanggalin ka bilang state