- Gaur egun, gai edo arazo garrantzitsu bat bihurtzeko, mediatizatuta (telebistan, irratian, sare sozialetan etengabe agertzen dena) egon behar da.
3. Zergatik landu behar dira eskoletan?
- Gizarte demokratiko batean gaude eta ikasleek gaur egun dauden arazoei eta iraganean egon diren arazoei buruz jakin behar dute. Lagundu behar zaie arazo hauek ulertzen eta hauei aurre egiteko baliabideak eman behar zaizkie, ikasle autonomoak eta kritikoak sortzeko. Horrez gain, pil- pilean dauden gaiak lantzean, umeen sentimenduak ateratzen dira eta ikasleen partaidetza aktiboagoa bihurtzen da, gai horiek interes handiagoa pizten dutelako. - Ikasleek munduan eta inguruan gertatzen denari buruzko ideia bat izateko eta horiekiko pertsona bakoitzak iritzi kritiko bat garatzeko. Honen bidez, ikasleak arazo sozialak ikuspuntu kritiko batekin aztertuko dituzte eta ikasgela barruan ikuspegi desberdinak sortaraziko dira. 4. Posiblea al da "pil-pilean" dauden arazoak lantzea? Nola? - Bai. Irakasleek kontuan izan behar dute arazo hauek lantzean, umeek sentimenduak adierazten dituztela, beraz, inplikazio emozional bat dago. Inplikazio horren eraginez, argudiaketa arrazional bat sortzeko zailtasunak egoten dira. Beraz, beharrezkoa da, gai hauen inguruko debateak sortzean planifikazio zehatz bat gauzatzea. Horrez gain, gai horien inguruan gizarteak dituen estereotipoak ezabatu behar dira. Lortu behar dugu ikasleek gizarteak egiatzat ematen dituen datuak zalantzan jartzea. Nire iritziz, irakasleak bere iritzia gorde behar du, bestela honen iritziak eragina izan dezake ikasleetan eta helburua ikasleek iritzi propioa izatea da. Gai hauek hezkuntzan lantzeko, garrantzitsua iruditzen zait behar besteko denbora izatea eta beste irakasleen zein familien laguntza eta partaidetza izatea. - Ez da nahikoa gure munduko arazoak irakaskuntzan planteatzea, baizik eta ikasleek benetan proposatzen diegunarekin ikasiko dutela jakin behar da. Horretarako, klasean ikasleen artean debateak sortzea ideia ona dela uste dut, honela, ikasleak hausnartu eta haien iritzi propioak izan ditzakete.