Dahil sa pagpapatupad ng Martial Law ni Dating pangulong
Ferdinand Marcos, bumuo ng rebolusyon ang mga hindi sang-ayon
dito. Ang New People’s Army o NPA ay binubuo ng mga Pilipinong hindi gusto ang pagpapalakad ni Pangulong Marcos. Sina Anna at Nonong ay dalawa sa maraming miyembro ng NPA. Nahuli si Nonong ng mga sundalo. Sinaktan at pinatay si Nonong ng mga sundalo at ito ay nabalitaan ni Anna. Pumunta si Anna sa mga magulang ni nonong upang magmakaawa na kunin ang bangkay nito. Si Tatay Dencio ay ama ni Nonong. Hiniling niya sa mga sundalo na kung puwede ay makuha ang bangkay ng kanyang anak pero pinahirapan at walang awa na pinatay din ng mga sundalo si Tatay Dencio.
Dahil sa pagkamatay ni Nonong, naiwan si Anna sa
pagpapalaki ng kanilang limang buwan na anak na si Malaya.
Dahil na rin sa payo kay Anna, nag-desisyon siya na ipaubaya
ang pagpapalaki kay Malaya kina Jinky at Karla para na rin sa kaligtasan ni Malaya. Si Rolindo Ibanag o kilala rin bilang Roy ay isa din sa mga miyembro ng NPA. Isa rin siyang biktima ng pagmamalupit. Ang kanyang ama na si Mang Manuel at kanyang kapatid na si Nene ay pinatay din ng mga sundalo. Ang kanilang bahay ay sinunog pagkatapos silang patayin. Sa di inaasahang pagkakataon, dinakip ng mga sundalo sina Anna at Jinky bago pa sila makadalaw kina Karla at Malaya. Kahit na binugbog at ginahasa si Anna upang siya ay magbigay ng impormasyon tungkol sa kanyang mga kasamahan, walang nakuhang detalye mula sakanya. Kabaligtaran ni Anna, si Jinky ay nakipagugnayan sa mga sundalo at nagturo sa kanilang mga kasamahan. Dahil sa lumalalang sitwasyon, tumulong ang Amerika para matapos na ang Martial Law. Napalaya ang lahat ng mga nakakulong. Naging malapit sa isat-isa sina Anna at Roy kung kaya naman nagbunga ito. Nagkaroon sila ng anak na ang pangalan ay Lorena. Sa tulong ng mga Pilipinong pagod na sa kalupitan ng Martial Law, nagkaroon ng People Power at napaalis ang mga Marcos. Ang mga Marcos ay tumakas at pumunta ng Hawaii. Pagkatapos makalaya ni Anna, pumunta siya sa mga magulang ni Jinky para maibalik sa kanya si Malaya. Sinabihan siya ng ina ni Jinky na umalis si Karla kasama si Malaya papuntang Canada. Wala ng nagawa si Anna kung hindi maging malungkot at umasa na lamang. Habang siya ay nagtatrabaho sa opisina, naramdaman niyang may nakatingin sakanya. Nakita niya na si Malaya ang nakatingin sakanya. Kay Malaya nalaman ni Anna na namatay ang pinagbubuntis ni Karla dahil sa pagkasunog ng kanilang dating bahay. Nagkakilala na ang magkapatid na si Malaya at Lorena. Si Malaya ay kinasal na rin. Sa huli, naging buo ang kanilang pamilya.