Disyembre 18

Antipona sa Pagsugod
Moabot si Cristo ang atong hari, ang Kordero nga umaanhi nga gisangyaw ni Juan.

PAG-AMPO SA KATILINGBAN
Mag-ampo kita:
O Dios nga makagagahum, nagbagood kami ubos sa yugo sa
daang kaulipnan sa sala. Itugot nga maluwas kami pinaagi sa
among gipaabot nga bag-ong pagkatawo sa imong Bugtong
Anak. Kini among gipangayo pinaagi sa among Ginoong Jesucristo imong Anak, nga
buhi ug hari uban kanimo ug sa Espiritu Santo, Dios nga usa hangtod sa kahangturan.
Amen.

PAG-AMPO SA MGA GASA

Ginoo, pinaagi sa Misa nga among ihalad makapahimuot
unta kami kanimo Himoa kaming takos nga makaambit sa
walay katapusang kinabuhi ni Cristo nga nagpakamatay aron
maluwas kami sa kamatayon. Kini among gipangayo pinaagi ni Cristo
among Ginoo. Amen.

Antipona sa Pangalawat
Siya hinganlag Emmanuel, nga sa ato pa, Ang Dios uban kanato.

PAG-AMPO HUMAN SA PANGALAWAT

Mag-ampo kita:
Ginoo, madawat unta namo ang imong kaluoy dinhi sa
imong simbahan. Andama kami aron makasaulog og
angayng mga pasidungog sa umaabot nga pangilin sa
among kaluwasan. Kini among gipangayo pinaagi ni Cristo among Ginoo.
Amen.