Disyembre 30

SIXTH DAY IN THE OCTAVE OF

CHRISTMAS

Antipona sa Pagsugod
Sa tungang gabii samtang naghari sa tanan ang tumang kahilom miabot gikan sa langit
ang imong makagagahum nga Pulong.

PAG-AMPO SA KATILINGBAN
Mag-ampo kita:
O Dios nga makagagahum; pinaagi sa pagkatawo sa
imong Bugtong Anak luwasa kami gikan sa daang kaulipnan
sa sala ug dad-I kami sa bag-ong kinabuhi sa imong Anak.
Kini among gipangayo pinaagi sa among Ginoong Jesucristo imong Anak, nga buhi ug
hari uban kanimo ug sa Espiritu Santo, Dios nga usa hangtod sa kahangturan. Amen.

PAG-AMPO SA MGA GASA

Dawata, Ginoo nga maluluy-on, ang mga gasa sa imong
lungsod; aron pinaagi sa mga langitnong sakramento
mabansay unta namo diha sa among mga buhat kadtong
among giila diha sa among pagtuo. Kini among gipangayo pinaagi ni
Cristo among Ginoo. Amen.

Antipona sa Pangalawat
Gikan sa naghingapin niyang grasya kitang tanan gihatagan niya sa walay puas nga
panalangin.

PAG-AMPO HUMAN SA PANGALAWAT

Mag-ampo kita:
O Dios, nakigkita ka kanamo sa among pagkalawat.
Itugot nga maangkon unta namo ang bunga niining santos
nga buhat sulod sa among mga kasingkasing. Himoa kaming
angay sa pagdawat sa imong mga kalag pinaagi sa
pagkalawat. Kini among gipangayo pinaagi ni Cristo among Ginoo. Amen.