IKADUHANG DOMINGGO SA

ADBIYENTO
Antipona sa Pagsugod
Katawhan sa Sion, pamati kamo! Moabot ang Ginoo aron pagluwas sa
kanasuran. Ug ipabati niya ang iyang mahimayaong tingog diha sa inyong
malipayong kasingkasing.

PAG-AMPO SA KATILINGBAN
Mag-ampo kita;
O Dios nga makagagahum ug maluluy-on, wala untay
mga buhat namo dinhi sa kalibutan nga makabalda sa among
mahinangpong pagsugat sa imong Anak; hinonoa
linamdagan sa langitnon mong kaalam, himoa kaming takos
sa pagpakig-uban kaniya. Kini among gipangayo pinaagi sa among Ginoong
Jesucristo imong Anak, nga buhi ug hari uban kanimo ug sa Espiritu Santo, Dios nga
usa hangtod sa kahangturan. Amen.

PAG-AMPO SA MGA GASA

Makapuypoy unta kanimo, Ginoo, ang mapaubsanon
namong pag-ampo sa sakripisyo, ug tungod kay wala man
gayod kami kaugalingong pahanungdan, hatagi lamang kami
sa imong maluluy-ong panabang. Kini among gipangayo pinaagi ni
Cristo among Ginoo Amen.

Antipona sa Pangalawat
Bangon, Jerusalem, ug tindog! Hangpa ang kalipay nga moabot kanimo gikan sa imong
Dios.

PAG-AMPO HUMAN SA PAGPANGALAWAT

Mag-ampo kita:
Human kami mabusog, O Ginoo, sa imong Lawas ug
Dugo pinaagi niining sakramento, tudloi kami nga palabihon
namo ang mga butang langitnon kay sa mga butang nga
kalinutanon. Kini among gipangayo pinaagi ni Cristo among Ginoo. Amen.