MISA SA ADLAW

Antipona sa Pagsugod
May Bata nga natawo alang kanato, usa ka Anak gihatag kanato. Gamhanan siya ug
kini ang iyang ngalan: Anghel sa katingalahang Tambag.

PAG-AMPO SA KATILINGBAN
Mag-ampo kita:
O Dios, imong gibuhat ang tawo sa paging katingalahan
ug imong giuli ang iyang dungog sa paagi nga labi pang
katingalahan. Itugot, nga makaambit kami sa pagka-Dios ni
Cristo nga miambit sa among pagkatawo. Kini among gipangayo
pinaagi sa among Ginoong Jesucristo imong Anak, nga buhi ug hari uban kanimo ug sa
Espiritu Santo, Dios nga usa hangtod sa kahangturan. Amen.

PAG-AMPO SA MGA GASA

Dawata, Ginoo, niining Pasko ang among halad, ania
ang hingpit nga pagpakig-uli namo kanimo, ug ingon man
ang among bug-os nga pagsimba kanimo. Kini among gipangayo
pinaagi ni Cristo among Ginoo. Amen.

Antipona sa Pangalawat
Ang tibuok kalibutan nakakita sa makaluwas nga gahom sa atong Dios.

PAG-AMPO HUMAN SA PANGALAWAT

Mag-ampo kita:
O Dios nga maluluy-on, karong adlawa natawo ang
Manunubos sa kalibutan. Siya ang naghatag kanamo sa
kinabuhing dyosnon. Itugot, nga siya usab ang mohatag
kanamo sa kinabuhing dayon. Kini among gipangayo pinaagi ni Cristo
among Ginoo. Amen.