IKAUPAT NGA DOMINGGO

SA ADBIYENTO
Antipona sa Pagsugod
Mga langit, ibisibis sama sa yamog ang pagkamatarong. Mga panganod, Ipakanaog
sama sa pagbundak sa ulan ang Manluluwas. Maukab unta ang yuta ug mopaturok sa
Manunubos.

PAG-AMPO SA KATILINGBAN
Mag-ampo kita:
O Ginoo, pinaagi sa pagpahibalo sa Anghel, nasayod
kami sa pagkahimong tawo ni Cristo imong Anak Ibubo ang
imong grasya sa among mga kasingkasing, ug pinaagi sa
iyang pagpasakit ug pagkamatay sa krus dad-a kami nganha
sa himaya sa iyang pagkabanhaw. Kini among gipangayo pinaagi sa
among Ginoong Jesucristo imong Anak, nga buhi ug hari uban kanimo ug sa Espiritu
Santo, Dios nga usa hangtod sa kahangturan. Amen.

PAG-AMPO SA MGA GASA

O Ginoo, ang Espiritu Santo nga nagpuno sa grasya
kang Maria Santisima,magsantos unta niining mga gasa nga
ania sa among altar. Kini among gipangayo pinaagi ni Cristo among Ginoo.
Amen.

Antipona sa Pagpangalawat
Paminaw kamo: Usa ka ulay nagsabak, ug sa dili madugay manganak siya og lalaki, ug
Emmanuel ang iyang ngalan.

PAG-AMPO HUMAN SA PAGPANGALAWAT

Mag-ampo kita:
O Dios nga makagagahum sa tanan, nakalawat na namo
ang pasalig sa katubsanang dayon. Samtang nagkaduol na
ang pangilin sa kaluwasan, magdugang usab unta ang
among pagtuo sa gugma sa pagsaulog sa Pasko sa
Pagkatawo sa imong Anak. Kini among gipangayo pinaagi ni Cristo
among Ginoo. Amen.