Disyembre 19

Antipona sa Pagsugod
Moabot gayod ang Ginoo nga umaanhi, ug dili siya maglangan. Wala na kitay
kahadlokan dinhi sa ato kay siya man ang atong Manunubos.

PAG-AMPO SA KATILINGBAN
Mag-ampo kita:
O Dios, gipadayag mo sa kalibutan ang kahayag sa
imong himayaa pinaagi sa pag-abot ni Cristo, nga gianak sa
Birhen. Itugot nga among saulogon sa hugot nga pagtuo ug
buhi nga gugma ang misteryo sa Dios nga nagpakahimong
tawo. Kini among gipangayo pinaagi sa among Ginoong Jesucristo imong Anak, nga
buhi ug hari uban kanimo ug sa Espiritu Santo, Dios nga usa hangtod sa kahangturan.
Amen.

PAG-AMPO SA MGA GASA

O Ginoo, tan-awa nga mapuanguron, kining mga gasa
nga among gihalad dinhi sa imong altar. Santosa pinaagi sa
gahom kining among gihalad sa among kahuyang. Kini among
gipangayo pinaagi ni Cristo among Ginoo. Amen.

Antipona sa Pangalawat
Moduaw kanato ang misubang gikan sa kahitas-an, aron pagtultol sa atong mga tiil
ngadto sa dalan sa panagdait.

PAG-AMPO HUMAN SA PANGALAWAT

Mag-ampo kita:
O Dios nga makagagahum, nagpasalamat kami kanimo
tungod sa mga gasa nga among nadawat. Himoa nga
matinguha kami sa pagsaulog sa umaabot nga pangolin aron
magpasidungog gayod kami sa pagkatawo sa among
Manunubos uban sa malinis nga kasingkasing. Kini among
gipangayo pinaagi ni Cristo among Ginoo. Amen.