Disyembre 22

Antipona sa Pagsugod
Ablihi ang mga pultahan ug buksi ang mga karaang ganghaan kay mosulod ang Hari
sa himaya.

PAG-AMPO SA KATILINGBAN
Mag-ampo kita:
O Dios, kay nasud-ong mo ang kahimtang sa tawo nga
namatay tungod sa sala, nagbuot ka nga maluwas siya
pinaagi sa pag-anhi sa imong Bugtong Anak. Itugot,
nangamuyo kami, nga kadtong nagaila sa mapaubsanon sa
pagkatawo sa Manunubos, mahimo untang takos sa pag-
ambit sa iyang diosnong kinabuhi. Kini among gipangayo pinaagi sa
among Ginoong Jesucristo imong Anak, nga buhi ug hari uban kanimo ug sa Espiritu
Santo, Dios nga usa hangtod sa kahangturan. Amen.

PAG-AMPO SA MGA GASA

Ginoo, masaligan sa imong gugma, ania kami sa imong
altar, nagdala niining mga gasa. Human kami kahugasi
pinaagi sa imong grasya, Magsantos unta kanamo kining
Misa nga among gisaulog. Kini among gipangayo pinaagi ni Cristo among
Ginoo. Amen.

Antipona sa Pangalawat
Nagdayeg sa Ginoo ang akong kasingkasing tungod sa mga dagkong butang nga
gihimo kanako sa Dios nga Gamhanan.

PAG-AMPO HUMAN SA PANGALAWAT

Mag-ampo kita:
O Ginoo, malig-on kanamo ang among kalawat aron
inubanan sa mga maayong buhat, mahimo kaming takos
pagsugat sa taliabot nga Manunubos ug pagdawat sa mga
ganti sa pagkabulahan. Kini among gipangayo Pinaagi ni Cristo among
Ginoo. Amen.