ANG SANTOS NGA BANAY NI

JESUS, MARIA UG JOSE

(Feast)

Antipona sa Pagsugod
Nanlakaw dayon pagdali ang mga magbalantay sa karnero ug hikaplagan nila si Maria
ug si Jose ug ang Bata nga gipahigda sa pasongan.

PAG-AMPO SA KATILINGBAN
Mag-ampo kita:
O Dios, gihatagan mo kami sa talagsaong panig-ingnan
sa santos nga Banay. Itugot, nga sa among pagsunod sa
ilang pagsinabtanay ug paghigugmaay makapahimulos kami
sa mga ganti nga walay katapusan diha sa kalipay sa langit.
Kini among gipangayo pinaagi sa among Ginoong Jesucristo imong Anak, nga buhi ug
hari uban kanimo ug sa Espiritu Santo, Dios nga usa hangtod sa kahangturan. Amen.

PAG-AMPO SA MGA GASA

Nagahalad kami kanimo, Ginoo, niining halad sa
pakigdait. Tungod sa panabang sa Birhen nga Inahan sa Dios
ug sa pangaliya ni San Jose lig-ona sa kanunay ang among
ga banay diha sa grasya ug kadait. Kini among gipangayo pinaagi ni
Cristo among Ginoo. Amen.

Antipona sa Pangalawat
Ang atong Dios nakita dinhi sa kalibutan ug mipuyo siya uban sa katawhan.

PAG-AMPO HUMAN SA PANGALAWAT

Mag-ampo kita:
Maluluy-on nga Amahan, gilig-on mo kami sa mga
sakramento nga langitnon. Himoa nga magsunod kami
kanunay sa mga panig-ingnan sa Santos nga Banay. Human
sa mga pagsulay niining kinabuhia makahimo unta kami sa
pag-uban kanila hangtod sa kahangturan kini among gipangayo
pinaagi ni Cristo among Ginoo. Amen.