Disyembre 27

SAN JUAN, Apostol ug

Ebanghelista

Antipona sa Pagsugod
Kini mao si Juan nga sa katapusang panihapon, misandig sa dughan sa Ginoo: ang
bulahang Apostol nga gipakitaan sa mga tinagoan sa langit ug nagsabwag ngadto sa
tibuok kalibutan sa mga pulong sa kinabuhi.

PAG-AMPO SA KATILINGBAN
Mag-ampo kita:
O Dios, pinaagi ni San Juan nga Apostol, gipadayag mo
kanamo ang mga tinagoan sa imong Pulong. Itugot nga
masabot namo pag-ayo pinaagi sa pag-ampo ug
pagpalandong ang giayo niya pagtudlo kanamo. Kini among
gipangayo pinaagi sa among Ginoong Jesucristo imong Anak, nga buhi ug hari uban
kanimo ug sa Espiritu Santo, Dios nga usa hangtod sa kahangturan. Amen.

PAG-AMPO SA MGA GASA

O Ginoo, santosa kining mga halad, ug itugot nga gikan
niining Santos nga Misa, makat-onan namo ang tinagoang
kinaadman nga imong gipadayag kang Juan imong Apostol
gikan sa maong tinubdan, ang Pulong. Kini among gipangayo pinaagi
ni Cristo among Ginoo. Amen.

Antipona sa Pangalawat
Ang Pulong nahimong tawo ug mipuyo uban kanato. Ug gikan sa naghingapin niyang
grasya kitang tanan gihatagan niya sa nag-alinupong nga panalangin.

PAG-AMPO HUMAN
SA PANGALAWAT
Mag-ampo kita:
O Dios nga makagagahum, itugot nnga ang Pulong nga
nahimong tawo, nga gisangyaw ni San Juan nga Apostol,
magpuyo unta kanunay uban kanamo pinaagi niining Santos
nga Misa nga among gisaulog. Kini among gipangayo pinaagi ni Cristo
among Ginoo. Amen.