Ang Isla ng Palawan ay itinuring ng National Geographic Traveler
magazine na pinakamagandang isla sa Silangan at Timog-silangan sa Asya, at panglabing tatlong pinakamagandang isla sa buong mundo dahil sa nakakamanghang kagandahan ng seascapes at landscapes nito. Isa ito sa may biodiverse (terrestial at marine) island sa Pilipinas isang halimbawa na dito ay ang tubbataha reef na makikita sa Puerto Princesa.
Ang Puerto Princesa Subterranean River National Park
ay ang pinaka protektadong lugar sa Pilipinas. Ito ay idineklarang isang UNESCO World Heritage Site at kabilang sa New Seven Wonders of Nature. Matatagpuan ito sa Palawan, humigit-kumulang 50 kilometro sa hilaga ang layo mula sa siyudad ng Lungsod Puerto Princesa. Ito ay itinuturing na pinakamahabang maaring daanan na underground river sa buong mundo. Ang National Park na ito ay bahagi ng Saint Paul Mountain Range na matatagpuan sa hilagang bahagi ng isla. Ang malawak na kuwebang limestone ay may pambihirang ganda ng kalikasan kung kaya’t nahihikayat nito ang libu-libong mga turista kada- taon. Ang Puerto Princesa Underground River National Park ay isang pinagkukunan ng pagmamataas at pangunahing elemento sa pagkakakilanlan ng mga tao sa Palawan.
Makikita ang mga sea turtles o pawikan sa karagatan ng buong Pilipinas
at iba pang subtropikal na dagat tulad ng Palawan. Hindi katulad ng mga pagong na naninirahan sa tubig tabang, hindi kayang ipasok ng pawikan ang kanilang ulo at paa sa loob ng kanilang shell.
May pitong uri ng pawikan sa buong mundo. At lima rito ay matatagpuan
dito sa Pilipinas at lahat ng limang ito ay makikita dito sa Palawan. Napaka-importante ng papel ng mga pawikan dahil sila ang nagsisilbing hardinero ng karagatan.