Modified In-School Off-School Approach Modules (MISOSA)

Distance Education for Elementary Schools

SELF-INSTRUCTIONAL MATERIALS

E
P
P
MGA HAKBANG SA PAGGAWA
NG COMPOST/BASKET COM-

5 POSTING

Department of Education
BUREAU OF ELEMENTARY EDUCATION
2nd Floor Bonifacio Building
DepEd Complex, Meralco Avenue
Pasig City
 Revised 2010
by the Learning Resource Management and Development System (LRMDS),
DepEd - Division of Negros Occidental
under the Strengthening the Implementation of Basic Education
in Selected Provinces in the Visayas (STRIVE).

Section 9 of Presidential Decree No. 49 provides:

“No copyright shall subsist in any work of the

Government of the Republic of the Philippines. However,
prior approval of the government agency or office wherein
the work is created shall be necessary for exploitation of
such work for profit.”

This material was originally produced by the Bureau of Elementary

Education of the Department of Education, Republic of the Philippines.

This edition has been revised with permission for online distribution
through the Learning Resource Management Development System (LRMDS) Portal
(http://lrmds.deped.gov.ph/) under Project STRIVE for BESRA, a project supported
by AusAID.
 GRADE V

MGA HAKBANG SA PAGGAWA NG COMPOST/

BASKET COMPOSTING

ALAMIN MO

Alam mo ba na sa paghahalaman, kailangan ang abono upang maging

mataba at malago ang mga halaman? Ito ay maaaring kunin sa natural na
kapaligiran. Sa pamamagitan ng composting ang mga sariwa o nabubulok na
mga basura tulad ng dahon ay maaaring gawing abono. Tinatawag itong
organikong abono. Ito ay nakapagpapaunlad sa kalidad o uri ng lupang
pagtatanman.

Sa modyul na ito, tatalakayin natin at matututuhan mo ang wastong

pamamaraan sa paggawa ng compost.

PAGBALIK-ARALAN MO

Bago tayo magpatuloy sa ating aralin sa modyul na ito, balikan natin ang
natutunan sa pag-aalaga ng lupa sa pamamagitan nitong mga bugtong.

Ako’y isang uri ng pataba, Ako’y dapat idagdag sa halaman,

Upang mapagyaman ang lupa,
Nagdudulot ako sustansyang kailangan,
Na galling sa nabubulok na bagay.
Ano ako?____________
Kung mabagal ang paglaki
Maaari ako’y ikalat sa paligid
Isabog sa pagitan ng halaman
O ihalo sa tubig at idilig
Ano ako?_______________

1
 PAG-ARALAN MO

Basahin ang panayam ng mga bata at intindihin ang nilalaman nito.

Ang leksyon ng mga bata ay tungkol sa composting. Naisipan nilang

kapanayamin si Mang Isko, isang magsasaka sa kanilang lugar.

Mga Bata: Magandang umaga po, Mang Isko.

Mang Isko: “Magandang umaga. Ano ba ang maipaglilingkod ko sa inyo?
Mga Bata: Kami po ay nagpunta rito upang alamin kung paano ang paggawa
ng compost. “ Ito po kasi ay leksyon naming ngayon.

Mang Isko: Alam ninyo mga bata, bagamat may mga komersyal na pataba
na maaaring mabili sa iba’t-ibang tindahan. Kaya lang ang
paggamit ng compost ay higit na iminumungkahi lalo na kung ang
lugar ay may malawak na bakuran. Halina kayo sa likod ng
bahay ko at ipakikita ko sa inyo ang paggawa ng compost.

Gagawa tayo ng hukay dito sa isang bahagi ng bakuran at

dito natin itatapon ang mga nabubulok na kalat upang maging
pataba pagkalipas ng ilang buwan. Ito ay tinatawag na compost
pit.

Tulong-tulong tayong gumawa para matutunan ninyo sa

pamamagitan ng sumusunod na mga hakbang.

Ang Paggawa ng Compost Pit

1. Pumili ng angkop na lugar.

a. patag at tuyo ang lupa

b. may kalayuan sa bahay
c. malayo sa tubig tulad ng ilog, sapa at iba pa.

2
2. Gumawa ng hukay sa lupa nang may limang metro ang lalim at
dalawang metro ang lapad. Patagin ang loob ng hukay at hayaang
makabilad sa araw upang hindi mabuhay ang anumang uri ng
mikrobyo.

3. Tipunin ang mga nabubulok na kalat gaya ng tuyong damo, dahon

mga balat ng prutas at iba pa. Ilatag ito nang pantay sa ilalim ng
hukay hanggang umabot ng 30 sentimetro ang taas. Haluan ng 1
hanggang 2 kilo ng abono urea ang inilagay na basura sa hukay.

3
4. Patungan ito ng mga dumi ng hayop hanggang umabot ng 15
sentimetro ang kapal at lagyan muli ng lupa, abo o apog. Gawain ito
ng paulit-ulit hanggang mapuno ang hukay

5. Panatilihing mamasa-masa ang hukay sa pamamagitan ng pagdilig

araw-araw. Tiyakin hindi ito babahain kung panahon nanamn ng tag-
ulan, makabubuting takpan ang ibabaw ng hukay ng ilang piraso ng
dahon ng saging upang hindi bahain.

4
6. Pumili ng ilang piraso ng kawayang wala nang buko at may butas sa
gilid. Itusok ito sa nagawang compost pit upang makapasok ang
hangin at maging mabilis ang pagkabulok ng mga basura.

7. Bunutin ang mga itinusok na kawayan pagkalipas ng tatlong linggo.

Haluing mabuti ang mga pinagsama-samang kalat at lupa. Pagkalipas
ng dalawang buwang o higit pa ay maaari na itong gamiting pataba
ayon sa mabilis na pagkakabulok ng mga basurang ginamit.

Mga bata: Hay! Nakapapagod pala gumawa ng compost pit pero enjoy po
naman. Maraming salamat po Mang Isko, halimbawa wala
kang sapat na lugar upang gumawa ng hukay, pwede pa rin
ba kami makagawa ng sariling pataba?

5
Mang Isko: Oo naman, Ito’y sa pamamagitan ng basket composting.
Isang paraan din ito ng pagpapabulok ng mga basura pero sa
sisidlan naman hindi sa hukay. Halina kayo, ipakikita ko sa
inyo. Ito ang mga paraan sa paggawa ng basket composting.

1. Pumili ng sisidlan na yari sa kahoy o yero na sapat ang laki at haba.

May isang metro ang lalim

2. Ikalat nang pantay ang mga pinagpatung-patong na tuyong dahon.

dayami, pinagbalatan ng gulay at prutas, dumi ng mga hayop at lupa
tulad ng compost pit hanggang mapuno ang sisidlan.

6
3. Diligan ang laman ng sisidlan at lagyan ng pasingawang kawayan
upang mabulok kaagad ang basura.

4. Takpan ng dahon ng saging o lagyan ng bubong ang sisidlan upang

hindi ito pamahayan ng langaw at iba pang peste.

7
5. Alisin ang mga pasingawang kawayan at haluin ang laman ng sisidlan
upang magsama ang lupa at nabubulok na mga bagay pagkalipas ng
isang buwan.

Mga Bata: Ang galing mo po, Mang Isko. Kailan naman po namin
pwedeng gamitin ito?

Mang Isko: Maaari nang gamiting pataba ang laman ng sisidlan

pagkalipas ng dalawang buwan o mahigit.

Mga Bata: Maraming salamat po. Mang Isko. Ang dami naming
natutunan sa mga ginawa nating compost pit at basket
composting.

Mang Isko: Walang anuman mga bata.

Pagkatapos mabasa ang panayam, anu-ano ang mga hakbang sa

paggawa ng basket composting. Ano ang iyong natutuhan?

8
 SUBUKIN MO

Subukin natin ang natutunan mo sa modyul na ito. Isulat ang sagot sa

kuwadernong sagutan.

A. Tumingin ka sa paligid ng inyong bahay. Aling lugar ang pwede

mong gamitin sa paggawa ng organikong pataba.

1. compost
2. basket composting

B. Ipaliwanag kung bakit iyon ang napili mong gagawin?

C. Sa napili mo paano ang wastong paraan ng paghahanda nito?

TANDAAN MO

Ang compost ay isang uri ng pataba mula sa mga tuyong damo-dahon,

balat ng prutas at gulay, at mga dumi ng hayop na ipinabubulok sa isang
hukay sa isang malawak na lugar samantalang ang basket composting ay
pagbubulok ng basura sa isang sisidlan.

ISAPUSO MO

Basahin ang mga sumusunod na pamantayan sa paggawa ng compost/

basket. Iguhit ang mukhang masaya kung nasisiyahan ka o
angkop na gawin at mukhang malungkot kung kung hindi kanais-nais.

1. Ihanda ang mga mahahalagang materyales na gagamitin.

2. Mag-iingat sa paggamit ng matatalas at matutulis na kagamitan upang
hindi masugatan.
3. itapon ang mga kasangkapan sa ilog pagkatapos.
4. linisin ang lugar at katawan pagkatapos ng gawain.
5. magsigawan habang gumagawa.

9
 GAWIN MO

Isaisip uli ang mga natutunang mga paraan sa paggawa ng “ compost

pit” at “basket composting”

1. Gumawa ng compost pit sa bakuran niyo o sa likod ng inyong

bahay sa tulong ng iyong mga kasambahay.

2. Hikayatin mo ang iyong kapitbahay gumawa ng basket composting

at ipaliwanag ang kahalagahan nito.

PAGTATAYA

Tignan natin uli ang galing mo sa pag-intindi nitong modyul.

Basahin ang sitwasyon at suriing mabuti kung ano ang magandang gawin.

1. Nakikita mong maraming basura sa paligid ninyo. Ikinakalat lang ito

ng mga kapitbahay mo kung saan-saan at ang iba naman ay nakita
mong sinusunog ito. Pulungin mo sila sa pahintulot ng kapitan at
ipaliwanag ang benepisyong makukuha kung ang basurang nabubulok
ay hindi susunungin.

2. Kapanayanim mo rin ang isang kakilalang naghahalaman sa pulong na

ito. Tanungin ang uri ng patabang ginagamit gayundin ang kabutihang
dulot nito sa mga alagang pananim. Isulat ng patalata ang kinalabasan
ng pakikipagpanayam.

Salamat kaibigan, at natapos mo ang mga gawain sa modyul

na ito. Maaari mo ng gawin ang susunod na modyul.
Binabati kita!

10