Ang Kuneho at Ang Aso (Puppet Show)

Intro: Batibot Theme Song

[Song Intro]: (lilitaw yung sock puppets by line) (3 lines)

[Queue]: (ibababa lahat ng puppets)

[Verse]: Pagmulat ng mata (Bea), Langit nakatawa (Giby)

Sa Batibot, sa Batibot (Bea & Giby)

Tayo na’t magpunta, tuklasin sa Batibot (Kathleen)

Ang tuwa, ang saya (Kathleen & Jarmen)

[Chorus]: (lilitaw lahat ng puppets)

Doon sa Batibot, tayo na, tayo na!

Mga bata sa Batibot, maliksi, masigla!

Doon sa Batibot, tayo na, tayo na!

Mga bata sa Batibot, maliksi… masigla!

[Queue]: (ibababa lahat ng puppets)

Background Music: Playground

Bea: Magandang araw! Naranasan niyo na bang magutom dahil hindi nakakain ng
almusal? Ng pananghalian? O ng hapunan? Ang kwentong ipapahayag n gaming grupo
sa araw na ito ay tungkol sa isang asong gutom na gutom. Ang pamagat nito ay…

Bea & Giby: Ang Kuneho at Ang Aso

Giby: Ang kwentong ito ay orihinal na nagmula sa isang bansa sa Silangang Asya na
tinatawag na Japan. Halikayo! Alamin natin!

Background Music: Sneaky

Giby: Isang hapon, nag-iikot ang isang Asong humahanap ng mabibiktima. Nalulungkot
siya sapagkat wala na siyang almusal, wala pa rin siyang tanghalian at kung mamalasin ay
baka wala rin siyang magiging hapunan.

Lihim na natuwa ang gutum na gutom na Aso sapagkat natanawan niyang sumulpot
sa talahiban ang isang malusug na malusog na Kuneho. Nagtago sa likod ng puno ng
banaba ang naglalaway na Aso. Nang mapalapit ang Kuneho ay ngingisingising lumabas
ang Aso.
Gamaliel: Magandang hapon sa iyo, Kuneho!

Bea: Magandang hapon naman!

Giby: Tugon ng binating kuneho na takang-takang hindi siya ngayon tinatahulan ng

maingay na Asong kinatatakutan.

Gamaliel: Mu... mukhang pumanhik ka yata sa kabundukan?

Bea: A, oo, nagpahangin lang ako sa itaas ka... kaya heto at puno na naman ng sariwang
hangin ang baga ko.

Giby: Hindi nagpapahalata ang kinakabahang kuneho.

Bea: Mabuti ang hangin sa kabundukan. Nagpapalusog ito ng ating pangangatawan."

Gamaliel: Hmmmm… malusug na malusog ka nga. Malusug na malusog!

Giby: Pinisil-pisil ng Aso ang siksik na katawan ng Kuneho.

Background Music: Suspense Action

Giby: Nang mapansin ng Kunehong inilalapit na ng Aso ang matatalim na mga ngipin
upang sagpangin ang leeg niya ay humaririt na siya ng takbo.

Takbo sa loob ng kagubatan ang takut na takot na Kuneho. Lalong pinag-ibayo ng

Aso ang pagtugis dito. Sige sa pagtakbo ang Kuneho at sige sa paghabol ang lokong Aso.
Kung mabilis na mabilis humabol ang gutom na Aso ay parang ipu-ipo rin sa pagtakbo ang
pobreng Kuneho. Aabutan na sana ng Aso ang gagawing hapunan nang papasukin ng
ka-pamilyang Kuneho ang kalahi nilang nakikipaghabulan sa kamatayan.

Nanghinayang ang gahamang Aso sa kabiguan.

Beatrice: Hoy, Aso. Malas ka at di mo nakuha ang iyong hapunan. Isang maliit na Kuneho
lang pinaalpas mo pa sa iyong mga kamay.

Giby: Sambit ng isang hayop na naroon.

Gamaliel: Oo. Isang maliit na Kuneho lang. Pero pantawid gutom lang naman ang aking
ipinakikipaglaban. Ang ipinagtatanggol ng maliit na Kuneho ay buhay at kaligtasan.
(ibababa yung puppet sticks)

Giby: (lilitaw ang sock puppet ni giby) At diyan nagtatapos ang ating kwento. O,
nagustuhan niyo ba? Huwag natin kalimutan, lahat tayo ay may sari-sariling
pangangailangan, ngunit laging tatandaan, ang pansariling kaligtasan ay dapat
ipaglaban. Hanggang sa muli…

Lahat: (lilitaw lahat ng sock puppets) Paalam!