Ang Asian Human Rights Commission o AHRC ay isang non government
organization (NGO) na may layuning itaas ang kamalayan ng mga
mamamayan, mga gobyerno, at iba pang grupo tungkol sa kalagayan at kahalagahan ng mga karapatang pantao. Nagbibigay tulong din ang NGO na ito sa pagkamit ng kalayaan at karapatang pantao sa mga partikular na lugar. Ang Komisyon sa Karapatang Pantao (Commission on Human Rights / CHR) ay isang komisyon sa Pilipinas na siyang nagtataguyod ng karapatang pantao sa harap ng isang makapangyarihang pamahalaan. INaadbokasiya nito ang pantay na pagtingin sa karapatan ng bawat isa at ang hindi pagsobra o pag-abuso ng mga nasa kapangyarihan, partikular na ng mga pulis at ng mga militar. Ang Global Rights ay isa sa mga pang-internasyonal na NGO o non-governmental organization ukol sa karapatang pantao. Ang adbokasiya nito ay ang pangalagaan at ipagtatanggol ang mga karapatan ng mga tao na nababase sa tinatawag na Human Rights Standard ng United Nations.
Kabilang na dito ang
pagbigay ng tulong at pagsasanay sa mga kasapi na gumawa ng anumang paraan para ipahayag ang mga pang-aabuso sa karapatang pangtao, pagtatanggol sa mga naaabuso sa pamamagitan ng pagbibigay ng libreng pagpapayo at tagapagtanggol sa mga pagdinig sa korte at iba pa. Ang layunin ng Global Rights ay ang pagbibigay ng daan para sa mga mahihirap at mga marginalized groups, mga karapatan ng mga babae, patas na pananaw sa kasarian, at pagkakapantay-pantay ng lahi.